TARA AGYI 2:13 - Jinghpaw Common Language Bible 2009

¹³ Shanhte gaw dai Madu hpe nawku daw jau ai amu jahkring kau nhtawm Bala hpara hte Ashtarot hpe daw jau ma ai.

Jinghpaw Hanson Version Bible

¹³ Rai sa, shanhte Yehowa hpe kau da nna, Bala hpara hte Ashtarot hpe jaw jau mu ai.

TARA AGYI 2:13 ပူးပေါင်းရင်းမြစ်များ

1 HKAWHKAM 11:33

Shawlumon gaw ngai hpe ningdang kau nna maigan karai ni rai nga ai Sidon karai num Astarte hpe mung, Moba karai Hkemosha hpe mung, Amon karai Molek hpe mung nawku wu ai majaw, ndai amu hpe ngai galaw na we ai. Shawlumon gaw shi a kawa Dawi galaw ai zawn nye a ga hpe n madat n mara ai hte shut hpyit ai amu galaw nhtawm nye a Tara ni hte hkang da ai ga ni hpe n hkan shatup nga nu ai.

1 HKAWHKAM 11:5

Shi gaw Sidon karai num Astarte, matsat shabat re ai Amon karai Molek ni hpe nawku mat wu ai.

2 HKAWHKAM 23:13

Yoshia gaw Yerusalem mare a sinpraw maga de mung, Tsanlun Bum ni a dingda maga de mung Hkawhkam Shawlumon gap tawn ai tawn hkungri ni hte Sidon karai num Astarte, Moba karai Hkemosha, Amon karai Molek ni zawn re ai matsat shabat hpara sumla ni hpe nawku ai shara ni hpe awu asin di kau wu ai.

2 HKAWHKAM LABAU 12:2

Rehoboam hkaw dung ai manga ning hta dai Madu hta sadi n dung ai a majaw ari jaw hkrum nga sai. Egutu Hkawhkam Shishak gaw hpyen leng hkying mi lahkawng tsa,

2 HKAWHKAM LABAU 28:3

Israela masha ni rawt lung wa yang, mungdan kata kaw nna dai Madu gawt shapraw kau ai masha ni a matsat shabat re ai arawn alai hta hkan dagraw nang nna Hinom Kadit e manam pyaw ai baw nat nawng nhtawm shi a shadang sha ni hpe pyi hpara sumla ni a matu wan nat hkungga shatai wu ai.

2 HKAWHKAM LABAU 33:3

Shi a kawa Hezekia e jahten sharun kau nu ai tara maigan masha ni a nawku shara ni hta nawku na tawn hkungri ni hpe mung, Ashera karai num a hkrang sumla ni hpe mung shi galaw nna shagan ni hpe nawku wu ai.

2 HKAWHKAM LABAU 7:22

Masha ni gaw, “Shing re ai lam gaw Egutu mung kaw nna shanhte a kaji kawa ni hpe woi wa ai dai Madu shanhte a Karai Kasang hpe kau da ai majaw rai nga ai. Shanhte gaw kaga karai ni a hpang de hkan nang ai hte dai ni hpe nawku mat ma ai. Dai lam a majaw, dai Madu mung shanhte a ntsa e ndai ru yak tsin-yam tsindam shapraw dat nga ai,” ngu nna htan na mara ai.

SHAKAWN KUNGDAWN 106:36

Karai Kasang a amyu masha ni gaw hpara sumla ni hpe nawku daw jau mu ai, dai gaw shanhte byak ai lam hpe shabyin ya nga sai.

YEREMIA 16:11

Dai hpang, dai Madu gaw ning nga ai nga nna shanhte hpe tsun u: ‘Na a nji nwa ni gaw ngai kaw nna kayin mat wa nna kaga hpara ni hpe nawku ai hte daw jau ma ai. Shanhte gaw ngai hpe kau da nhtawm nye a sharin shaga ai ga ni hta n hkan nga ma ai.

YEREMIA 2:20

Tsaw Htum ai dai Madu gaw, Israela e, nang gaw moi kaw nna nye a ahkang aya hpe ningdang kau ndai; nang gaw nye a ga madat na matu hte ngai hpe nawku na matu ningdang kau ndai. Tsaw ai kawng shagu a ntsa hte tsit lali ai hpun npu shagu hta mayat maya ai karai ni hpe nang nawku ndai.

BU HKAWM 25:3

Dai rai nna dai Madu gaw shanhte hpe masin pawt wu ai majaw

1 KORINHTU 8:5

Sumsing lamu hte ginding aga ntsa e, “hpara ni” ngu nna shamying ai ni nga shajang ma ai rai nna, “hpara ni” law law hte “madu ni” law law nga ma ai.

TARA AGYI 10:6

Israela masha ni gaw Bala hpara hte Ashtarot hpara hpe mung, Suri hpara ni, Sidon hpara ni, Moba hpara ni, Amon hpara ni hte Hpilisti masha ni a hpara ni hpe nawku let dai Madu hpe lang mi bai yubak galaw shut kau manu ai. Shanhte gaw dai Madu hpe kau da nhtawm shi hpe nawku ai lam jahkring kau ma ai.

TARA AGYI 2:11

Dai hpang Israela amyu masha ni gaw dai Madu hpe yubak galaw shut kau nhtawm Bala hpara ni hpe daw jau hpang wa manu ai.

TARA AGYI 3:7

Israela amyu masha ni gaw dai Madu shanhte a Karai Kasang hpe yubak galaw shut kau nhtawm malap kau manu ai rai nna Bala hte Ashera hpara sumla ni hpe nawku nga ma ai.

1 SAMUELA 12:10

Shaloi shanhte gaw karum la na matu dai Madu kaw akyu hpyi jahtau mu ai rai nna, “Madu e, anhte gaw nang hpe shingdu kayin kau saga ai hte Bala hte Astarte hpara sumla ni hpe nawku kau saga ai majaw anhte shut kau saga ai. Anhte hpe anhte a gumlau hpyen ni a lata kaw na hkye mawai la mi law, anhte gaw nang hpe chyu sha nawku na ga ai!,’ ngu nna tsun ma ai.

1 SAMUELA 31:10

Dai hpang, shi a laknak ni hpe karai num Astarte a htingnu kata hta tawn da nhtawm shi a moi mang hpe gaw Bet Shan mare bunghku hta dit jung da ma ai.

1 SAMUELA 7:3

Samuela gaw Israela amyu masha ni hpe, “Nanhte a myit kraw lawang mahkra hte dai Madu hpang de kayin wa myit dai rai yang, maigan hpara ni yawng hte karai num Astarte a sumla ni hpe yeng seng kau lu na rai myit dai. Nanhte nan dai Madu hta tsep kawp ap nawng nna shi hpe chyu sha nawku myit dai rai yang, Hpilisti masha ni a lata na shi nanhte hpe hkye mawai la na ra ai,” ngu nna tsun wu ai.