TARA AGYI 2:11 - Jinghpaw Common Language Bible 2009

¹¹ Dai hpang Israela amyu masha ni gaw dai Madu hpe yubak galaw shut kau nhtawm Bala hpara ni hpe daw jau hpang wa manu ai.

Jinghpaw Hanson Version Bible

¹¹ Dai prat e Israela kashu kasha ni gaw, Yehowa man e n shawp ai hku galaw nna Bala hpara ni hpe jaw jau ma ai.

TARA AGYI 2:11 ပူးပေါင်းရင်းမြစ်များ

NINGPAWT NINGHPANG 13:13

dai Madu hpe yubak tawt lai ai masha ni shanu nga ai Sodom mare makau du hkra sum ni gap da nga wu ai.

NINGPAWT NINGHPANG 38:7

Era a sat lawat chyawm gaw n hkru n shawp nga ai rai nna dai gaw dai Madu hpe n sharawng awng shangun nga ai. Dai rai nna dai Madu gaw shi hpe sat kau wu ai.

1 HKAWHKAM 11:5

Shi gaw Sidon karai num Astarte, matsat shabat re ai Amon karai Molek ni hpe nawku mat wu ai.

1 HKAWHKAM 18:18

Elia mahtang, “Ngai gaw ru yak tsin-yam tsindam jaw ai wa n rai nngai. Nang she-nang hte na nwa rai nga myit dai. Nang mahtang dai Madu a hkang da ai ga ni hpe n madat n mara ai sha, Bala hpara sumla ni hpe nawku nga ndai.

1 HKAWHKAM 22:53

Shi gaw shi a kawa zawn Bala hpe nawku daw jau wu ai rai nna dai Madu Israela a Karai Kasang a myit kahtet ai hpe kabrawng ya nga ai.

2 HKAWHKAM LABAU 28:2

Israela hkawhkam ni a kasi hta hkan nga ai. Shi gaw nhprang arai hte galaw ai Bala sumla ni hpe jaw shangun nna,

2 HKAWHKAM LABAU 28:3

Israela masha ni rawt lung wa yang, mungdan kata kaw nna dai Madu gawt shapraw kau ai masha ni a matsat shabat re ai arawn alai hta hkan dagraw nang nna Hinom Kadit e manam pyaw ai baw nat nawng nhtawm shi a shadang sha ni hpe pyi hpara sumla ni a matu wan nat hkungga shatai wu ai.

2 HKAWHKAM LABAU 33:6

Shi gaw shi a shadang sha ni hpe Hinom Kadit e wan nat hkungga shatai let nawng ya wu ai. Shi gaw shaba wawt ai, mandan lakle amu galaw nna gumhpan hpan ai ni hte san jahkrup ai amu, nat shung ai ni hte kanawn ai amu galaw nga ai. Shi gaw dai Madu hpe yubak kaba galaw shut ai hte pawt sindawng shangun wu ai.

NEHEMIA 9:26

“Rai ti mung na a amyu masha ni gaw nang hpe gumlau hte na a ga n madat nga ma ai; shanhte gaw na a Tara hpe shingdu dat kau ma ai. Shanhte gaw sadi jaw ai myihtoi ni hpe mung, nang hpang de kayin wa na matu tsun ai ni hpe mung sat kau ma ai. Shanhte gaw nang hpe aten mi hte aten mi n kaw n law di ma ai,

SHAKAWN KUNGDAWN 78:56

Rai ti mung, shanhte gaw Chyahtum Chyalai n-gun rawng ai Karai Kasang hpe gumlau nga ma ai hte shi hpe chyam yu nhtawm, shi a hkang da ai tara ni hpe n madat mara nga ma ai.

YEREMIA 11:10

Shanhte gaw ngai tsun ai ga hkan galaw na matu ningdang kau nga ai shanhte a kaji kawa ni a yubak lam de nhtang mat wa masai; shanhte gaw kaga karai ni hpe nawku mat masai. Israela hte Yuda yan gaw shanhte a kaji kawa ni hte ngai galaw tawn da sai ga shaka hpe jahten kau manu ai.

YEREMIA 16:11

Dai hpang, dai Madu gaw ning nga ai nga nna shanhte hpe tsun u: ‘Na a nji nwa ni gaw ngai kaw nna kayin mat wa nna kaga hpara ni hpe nawku ai hte daw jau ma ai. Shanhte gaw ngai hpe kau da nhtawm nye a sharin shaga ai ga ni hta n hkan nga ma ai.

YEREMIA 2:20

Tsaw Htum ai dai Madu gaw, Israela e, nang gaw moi kaw nna nye a ahkang aya hpe ningdang kau ndai; nang gaw nye a ga madat na matu hte ngai hpe nawku na matu ningdang kau ndai. Tsaw ai kawng shagu a ntsa hte tsit lali ai hpun npu shagu hta mayat maya ai karai ni hpe nang nawku ndai.

YEREMIA 2:23

Nang nan matsat shabat n galaw ai hte Bala hpe galoi mung n nawku nngai nga nna nang kaning rai tsun lu na rai ta? Kadit hta nang kaning rai yubak galaw nit dai hpe mung yu yu u; nang galaw kau nit dai amu ni hpe mada yu u. Nang gaw zaibru jang hta kagat gasit hkawm nna wuli shalun ai aten kahtet katu hkawm nga ai gawla-uk yi shazai hte bung nga ndai.

YEREMIA 32:23

Rai ti mung, shanhte gaw ndai mung de shang wa nna, dai mung hpe madu sha wa ai shaloi, shanhte gaw na a hkang da ai ga ni hpe mung, na a sharin achyin ai matsun ga hte maren nga na matu mung, n madat n mara nga ma ai; shanhte hkan galaw na matu nang hkang da ai lam hpa hpe mung shanhte n galaw shatup ma ai. Nang gaw shanhte a ntsa e dai jahten shabyak ai lam yawng shapraw dan nit dai.

YEREMIA 9:14

Dai zawn hkan galaw na malai, shanhte gaw du ja ai hte shanhte a kaji kawa ni shanhte hpe hkan galaw na matu sharin da ya ai hte maren, Bala hpara sumla ni hpe nawku ma ai.

BU HKAWM 25:3

Dai rai nna dai Madu gaw shanhte hpe masin pawt wu ai majaw

TARA JAHPRANG 31:16

Dai Madu gaw Mawshe hpe, “Nang gaw kade n na yang si wa na sha rai nit dai. Nang si mat ai hpang amyu masha ni nye a ntsa e sadi sahka myit n rawng mat nna shanhte hte tawn da ai nye a ga shaka hpe jahten kau na mara ai. Shaloi shanhte ngai hpe kau da nhtawm shanhte shang sha na mungdan hta nawku ai maigan hpara ni hpe nawku wa na mara ai.

TARA JAHPRANG 4:25

“Nanhte gaw kashu kasha shaprat nna dai mungdan e aten na na nga wa myit dai shaloi mung, nanhte a matu ngu nna lama ma a hkrang hte bung ai hpara sumla hpe tawk let yubak mara hkum galaw shapraw myit. Dai zawn re ai amu gaw dai Madu a man e n hkru ai amu rai nga ai hte dai gaw shi hpe masin pawt shangun na rai myit dai.

TARA AGYI 10:10

Dai hpang Israela masha ni gaw dai Madu hpe, “Anhte a Karai Kasang hpe kau da nna Bala hpara ni hpe nawku kau saga ai majaw nang hpe yubak galaw shut kau saga ai,” ngu nna jahtau tsun ma ai.

TARA AGYI 10:6

Israela masha ni gaw Bala hpara hte Ashtarot hpara hpe mung, Suri hpara ni, Sidon hpara ni, Moba hpara ni, Amon hpara ni hte Hpilisti masha ni a hpara ni hpe nawku let dai Madu hpe lang mi bai yubak galaw shut kau manu ai. Shanhte gaw dai Madu hpe kau da nhtawm shi hpe nawku ai lam jahkring kau ma ai.

TARA AGYI 13:1

Israela masha ni dai Madu hpe bai shut hpyit kau ma ai rai nna, shi gaw Hpilisti masha ni hpe shaning mali shi ning tup up hkang shangun wu ai.

TARA AGYI 3:12

Israela amyu masha ni gaw dai Madu hpe yubak galaw shut kau manu ai. Dai lam a majaw dai Madu gaw Moba Hkawhkam Eglon hpe Israela ni hta grau n-gun shaja ya wu ai.

TARA AGYI 3:7

Israela amyu masha ni gaw dai Madu shanhte a Karai Kasang hpe yubak galaw shut kau nhtawm malap kau manu ai rai nna Bala hte Ashera hpara sumla ni hpe nawku nga ma ai.

TARA AGYI 4:1

Ehud si mat ai hpang, Israela amyu masha ni gaw dai Madu hpe yubak bai galaw ma ai.

TARA AGYI 6:1

Israela amyu masha ni gaw dai Madu hpe lang mi bai yubak mara galaw shut kau ma ai rai nna shi gaw Midian masha ni hpe sanit ning up hkang shangun wu ai.

TARA AGYI 6:25

Dai shana e dai Madu gaw Gidon hpe, “Na nwa a usu hte kaga sanit ning du ai usu hpe la nhtawm na nwa a Bala tawn hkungri hpe run kau nna, de a makau na Ashera hpara num a masat kumla kran daw kau u.

TARA AGYI 8:33

Gidon si mat ai hpang Israela amyu masha ni gaw Karai Kasang hpe bai n kam n sham ai hte Bala hpara ni hpe nawku mat ma ai. Shanhte mahtang Bala ga shaka hpe shanhte a hpara zawn shatai da mu ai rai nna,

1 SAMUELA 12:10

Shaloi shanhte gaw karum la na matu dai Madu kaw akyu hpyi jahtau mu ai rai nna, “Madu e, anhte gaw nang hpe shingdu kayin kau saga ai hte Bala hte Astarte hpara sumla ni hpe nawku kau saga ai majaw anhte shut kau saga ai. Anhte hpe anhte a gumlau hpyen ni a lata kaw na hkye mawai la mi law, anhte gaw nang hpe chyu sha nawku na ga ai!,’ ngu nna tsun ma ai.

1 SAMUELA 7:3

Samuela gaw Israela amyu masha ni hpe, “Nanhte a myit kraw lawang mahkra hte dai Madu hpang de kayin wa myit dai rai yang, maigan hpara ni yawng hte karai num Astarte a sumla ni hpe yeng seng kau lu na rai myit dai. Nanhte nan dai Madu hta tsep kawp ap nawng nna shi hpe chyu sha nawku myit dai rai yang, Hpilisti masha ni a lata na shi nanhte hpe hkye mawai la na ra ai,” ngu nna tsun wu ai.

1 SAMUELA 7:4

Dai rai nna, Israela masha ni gaw shanhte a Bala hte Astarte hpara sumla ni hpe yeng seng kau nhtawm, dai Madu hpe chyu sha nawku ma ai.