TARA AGYI 2:10 - Jinghpaw Common Language Bible 2009

¹⁰ Dai ban prat ting na ni mung si htum mat nna htawm hpang na ban prat masha ni gaw dai Madu Israela a matu hpa galaw nu ai hpe mung malap kau ma ai.

Jinghpaw Hanson Version Bible

¹⁰ Shing rai, Yawshu aprat dep ai masha ni nlang kaji kawa ni hpawng nga ai de du ma masai: dai ni a hpang e, Yehowa hpe mung n chye, Israela matu shi galaw ya ai amu lam ni hpe mung n chye re ai, htawm hpang na kashu kasha ni a aprat du ra ai.

TARA AGYI 2:10 ပူးပေါင်းရင်းမြစ်များ

NINGPAWT NINGHPANG 15:15

Nang hkum nan mung gawng kung asak kaba ai du hkra nga lu nna ngwi pyaw ai hte si wa nhtawm makoi mayang ai hkrum na ndai.

NINGPAWT NINGHPANG 25:17

Ishmaela si mat ai shaloi shi a asak latsa e sumshi sanit ning rai nga wu ai.

NINGPAWT NINGHPANG 49:33

Yaku gaw shi a shadang sha ni hpe numhtet ga tsun matsun ngut jang, shi bai galeng dat ai hte nsa hti mat salu ai. Shi a amyu hpawng nga ai de du mat wa nga ai.

2 SAMUELA 7:12

Nang si mat nna na a nji nwa ni hte rau lup makoi kau ai hkrum jang, na a shadang sha langai ngai hpe hkawhkam shatai ya let shi a mungdan hpe ngai shagrin shangang ya na we ai.

1 HKAWHKAM LABAU 28:9

Shi gaw Shawlumon hpe, “Ngai sha e, na nwa a Karai Kasang hta yin la nna labra ai myit n rawng ai sha, awng sharawng ai myit masin hte shi hpe daw jau na ngai nang hpe tsun shadut nngai. Anhte a myit mang ai lam hte ra sharawng ai lam yawng mayawng hpe shi chye ya nga ai. Nang shi kaw sa ai rai yang, shi nang hpe hkap la na ra ai; rai ti mung, nang shi hpe kayin kau da ndai rai yang, shi nang hpe htani htana kau da na ra ai.

YOBA 21:14

Shanhte hpe sha pru wa shangun ai, nga nna n hkru ai ni Karai Kasang hpe tsun ma ai; shanhte gaw shanhte a asak hkrun lam ni a matu shi a myit ra sharawng ai lam hpe n chye mayu nga ma ai.

PRU MAT 1:6

Yosep a aten hta shi a kahpu kanau ni hte dai ban na masha nlang ni yawng si mat masai;

PRU MAT 1:8

Dai hpang Yosep a lam hpa mung n chye ai hkawhkam ningnan langai mi Egutu mung hta paw pru wa sai.

PRU MAT 5:2

Hkawhkam wa mahtang, “Dai Madu gaw kadai wa rai nga a ta? Ngai gaw hpa majaw shi tsun ai ga hpe madat nna Israela amyu masha ni hpe dat dat na rai ni? Dai Madu hpe ngai n chye nngai. Israela amyu masha ni hpe mung ngai n dat ya lu na nngai,” ngu nna tsun wu ai.

ESAIA 5:12

Na a lusha poi ni hta dawraw tingse, dumbu, sumpyi, larung sumhkran, hte sabyi ntsin ni lawm nga ai. Rai ti mung nang gaw dai Madu hpa galaw nga ai hpe n chye nga ndai,

YEREMIA 22:16

Shi gaw matsan mayan masha ni hpe rap ra ai tara hku jeyang ai rai nna lam shagu gaw mai kaja nga ai. Dai gaw dai Madu hpe chye chyang na matu lachyum shapraw dan nga ai.

YEREMIA 31:34

Kaji htum ai kaw na kaba htum ai du hkra, nlang hte gaw ngai hpe chye wa na mara ai majaw, dai Madu a lam chye na na matu shanhte kaw na langai wa mi mung shi a htingbu ni hpe sharin achyin ya ra na n rai. Ngai gaw shanhte a yubak mara ni hpe raw dat kau ya nna shanhte a shut hpyit ai amu ni hpe galoi mung dum nga na nngai n rai. Dai Madu ngai nan tsun ni ai.”

YEREMIA 9:2

Nye a amyu masha ni hpe tawn kau nna nam mali hta sa nga na matu, shara langai lu na, ngai ra sharawng nga nngai. Shanhte yawng gaw sadi n dung ma ai, gumle gumlau galaw ai hpung langai rai ma ai.

YEREMIA 9:3

Shanhte gaw tut nawng masu magaw ga tsun na jin jin rai ma ai; teng man ai a malai n ding n man ai hte mungdan up ma ai. Dai Madu gaw, “Nye a amyu masha ni n hkru ai amu langai hpang langai galaw nna ngai hpe mung shanhte a Karai Kasang hku n yin la ma ai,” ngu nna tsun ai.

YEREMIA 9:5

Shanhte yawng gaw shanhte a manang ni hpe lam woi shadam ma ai, kadai mung teng man ai ga n tsun ma ai; shanhte gaw shanhte a shinglet ni hpe masu ga tsun na matu sharin ya manu ai, shanhte gaw yubak galaw ai amu hpe kau da na ma ai n rai. Shanhte gaw kashun kashe du daw sai hkaw amu hpe langai hpang langai galaw ma ai, masu hkalem ai amu langai hpang langai galaw ma ai. Dai Madu gaw shi a amyu masha ni shi hpe ningdang kau nga ai ngu tsun ai.

BU HKAWM 27:13

Dai hpe nang mada la ngut jang, na a nhpu Arun zawn si na rai ndai; hpa majaw nga yang, Zin Nam Mali e nan lahkawng nye a hkang da ai ga hpe gumlau kau myit dai.

LUKA 20:32

Hpang jahtum num dai mung si mat wa ai.

KASA 13:36

Dawi gaw shi asak hkrung nga ai laman hte hta, Karai Kasang a yaw shada ai lam nga ai hte maren hkan sa gun hpai ngut jang shi si nna, shi a kaji kawa ni a lup ding lup ra hta lup makoi ai hte shi a hkum hkrang gaw dai lup hta hten yat mat salu ai.

TARA JAHPRANG 31:16

Dai Madu gaw Mawshe hpe, “Nang gaw kade n na yang si wa na sha rai nit dai. Nang si mat ai hpang amyu masha ni nye a ntsa e sadi sahka myit n rawng mat nna shanhte hte tawn da ai nye a ga shaka hpe jahten kau na mara ai. Shaloi shanhte ngai hpe kau da nhtawm shanhte shang sha na mungdan hta nawku ai maigan hpara ni hpe nawku wa na mara ai.

TITU 1:16

Shanhte gaw Karai Kasang hpe chye chyang ga ai nga nna tsun ma ti mung, shanhte a galaw ai lam gaw shanhte hpe n madi shadaw nga ai. Shanhte gaw matsat shabat rai nna yu ra na zawn n re ai ni, mai kaja ai amu lama ma galaw na atsam marai n rawng ai ni rai nga ma ai.

YAWSHU 24:31

Yawshu ahkrung nga dingsa Israela amyu masha ni mung dai Madu hpe nawku daw jau ma ai; shi n nga mat wa ai hpang e mung, dai Madu gaw Israela a matu galaw dan nu ai lam magup hpe ningbaw ni ahkrung nga dingsa shanhte hkum nan matut galaw nga ma ai.

1 SAMUELA 2:12

Eli a shadang sha yan gaw n shawp n kap nga ma ai rai nna, dai Madu hpe mung,