TARA AGYI 19:9 - Jinghpaw Common Language Bible 2009

⁹ Dai wa gaw shi a lashi num hte shangun ma ni hte mung lang mi bai sa wa na nga rawt pru ma yang, kawa gaw, “Yu mu, jan pyi du wa sai; dai na naw hkring yang mai na myit dai. Ya kade n na yang, nsin sin na sai, ndai yang e nga nna aten kaja hpe hkam la mu. Hpawt de mahtang hkawm sa na matu jau jau rawt nna nta ga de wa masit,” ngu nna tsun wu ai.

Jinghpaw Hanson Version Bible

⁹ Ya dai wa gaw, shi a lashi num yan shangun ma hte wa sa na nga rawt ma yang, katsa gaw, “Yu u, jan du wa sai, dai na naw hkring mu; shani nhtoi htum magang wa sai, nang e naw yup nna, pyaw pyaw nga nga mu; hpawt de she hkawn nna, nanhte ga de wa mu,” ngu nna kahkri wa hpe tsun wu ai.

TARA AGYI 19:9 ပူးပေါင်းရင်းမြစ်များ

2 SAMUELA 13:28

shi a shangun ma ni hpe ning ngu matsun da wu ai: “Amnon grai nang nga ai aten, ngai yu nna hkang dat ai hte rau shi hpe sat kau na rai myit dai; dai amu galaw na hkum hkrit nga myit, ngai nan mung lit la na we ai. Nden shaja mu! Hkum kanung nga masa!.”

GA SHAGAWP 27:1

Ya jahkring mi hta pyi, hpa byin wa na nang n chye nga ai majaw, hpawt ni na lam hpe galoi mung hkum grang dakat nga et.

LUKA 24:29

Rai ti mung shan gaw, “An hte rau shang nga ga; jan mung du mat wa sai, nsin mung sin wa ra ai,” ngu nna shi hpe akroi anoi saw mu ai. Dai majaw shan hte rau nga na shi shang wa ai.

TARA AGYI 19:10

Rai ti mung dai wa chyawm gaw dai yang e n kam nga shalai kau sai majaw shi hte shi a lashi num hte rau shan a shangun ma hte lawze lahkawng hta daw htaw let hkawm hpang wa ma ai. Shanhte gaw Yebu mare makau (dai gaw Yerusalem) de du shang wa ma yang jan du nga sai majaw shi a shangun ma wa gaw shi a madu hpe, “Sa, Ndai Yebusi mare e anhte hkring nna shana nga shalai kau ga,” ngu nna tsun wu ai.

TARA AGYI 19:6

Dai rai nna dai masha lahkawng yan gaw dung let rau lu rau sha rai ma ai. Shaloi dai numsha a kawa mahtang Lewi wa hpe, “Chyeju hte dai na lana mi sha gaw grai pyaw ai hte naw nga la u,” ngu nna tsun wu ai.

TARA AGYI 19:8

Manga ya ngu na jahpawt jau jau e pru wa na nga rawt hpang wa wu ti mung dai numsha a kawa mahtang, “Chyeju hte lama ma naw sha la u; jan kayau mat wa ai aten du hkra naw la mu,” ngu nna tsun wu ai. Dai masha lahkawng yan mung rau bai lu sha ma ai.

RUHTA 3:7

Bua gaw lusha sha ngut ai hpang, myit pyaw ai hte nga nga wu ai. Shi gaw muk-yaw mam sumpum de sa wa nhtawm sa yup nga ai. Ruhta mung atsin sha sit sa wa nhtawm nba ka-aw nna shi a lagaw nhpang e shang kaleng taw nga ai.