TARA AGYI 19:6 - Jinghpaw Common Language Bible 2009

⁶ Dai rai nna dai masha lahkawng yan gaw dung let rau lu rau sha rai ma ai. Shaloi dai numsha a kawa mahtang Lewi wa hpe, “Chyeju hte dai na lana mi sha gaw grai pyaw ai hte naw nga la u,” ngu nna tsun wu ai.

Jinghpaw Hanson Version Bible

⁶ Shing rai shan lahkawng dung nna, rau lu rau sha ma ai; bai katsa wa gaw, “Dai na sha naw hkring nna, pyaw pyaw naw nga u,” ngu nna kahkri hpe tsun wu ai.

TARA AGYI 19:6 ပူးပေါင်းရင်းမြစ်များ

2 SAMUELA 13:28

shi a shangun ma ni hpe ning ngu matsun da wu ai: “Amnon grai nang nga ai aten, ngai yu nna hkang dat ai hte rau shi hpe sat kau na rai myit dai; dai amu galaw na hkum hkrit nga myit, ngai nan mung lit la na we ai. Nden shaja mu! Hkum kanung nga masa!.”

1 HKAWHKAM 21:7

Yezebela gaw, “Rai sa, nang hkawhkam re n rai ni? Yup ku kaw na rawt u, myit pyaw pyaw hte shat sha u. Nabot a sabyi sun lu la hkra ngai lajang ya na de ai!,” ngu nna tsun htang wu ai.

ESHTA 1:10

Hkawhkam wa a lusha poi galaw ai sanit ya shani hta, hkawhkam wa sabyi lu nhtawm kabu gara myit pyaw nga ai rai nna shi a shangun ma ni rai nga ai Mehuman, Bizhta, Harabona, Bighta, Abaghta, Zehtara hte Hkarahka ngu ai unuk marai sanit hte hpe shaga jashawn la wu ai.

SHAKAWN KUNGDAWN 104:15

shi hkum nan myit ngwi myit pyaw na matu sabyi ntsin hpe mung; kabu sumsai lu na matu, tsanlun sau hpe mung, n-gun hpring wa na matu, shadung muk hpe mung, shi galaw shapraw nga ai.

LUKA 12:19

Dai hpang, nye a myit masin hpe ning ngu na we ai, gam kaja ai masha wa e! Law law ning a matu nang ra ai arai kaja law law nang shinggyin da lu nit dai rai nna, asak hkrung ai lam hta asan apan rai nga nu, lu nu, sha nu, pyaw pyaw rai nga nu, ngu na we ai,’ nga nna shi hkum hpe shi tsun wu ai.

1 HTESALONI 5:3

Masha ni gaw, “Yawng mayawng sim sa nna shim nga ai,” nga nna tsun na mara ai. Shing nga nna tsun nga ai shaloi jang, ma hkum re ai numsha hta ma shangai na matu shinggyim machyi hkrum ai zawn n myit mada ai sha dai hten bya ai gaw akajawng sha shanhte kaw du na ra ai rai nna, masha ni kadai mung lawt lu na ma ai n rai!

SHINGRAN 11:10

Ga ntsa e nga ai masha ni gaw, dai myihtoi lahkawng si ai majaw, kabu gara rai nna shada da kumhpaw kumhpa ni galai jaw chyai rai, poi galaw na mara ai; hpa majaw nga yang, dai myihtoi yan gaw ga ntsa e nga ai masha amyu ni hpe nni nkri grai jahkrum yu masai rai nga ai.

SHINGRAN 11:13

Dai ahkying hta e nnang nawn kaba nawn wa nna, dai mare htam shi hta na htam mi hten mat nna, masha hkying sanit si lawm mat ai. Naw ngam nga ai masha ni chyawm gaw hkrit kajawng ai hte sumsing lamu na Karai Kasang a galu kaba ai arawng sadang hpe shakawn shagrau nga ma ai.

TARA AGYI 19:7

Dai Lewi wa chyawm gaw hkawm sa sana ngu nna rawt wu ti mung naw hkring nga na matu katsa wa shadut wu ai majaw dai yang e lana mi naw nga kau wu ai.

TARA AGYI 19:9

Dai wa gaw shi a lashi num hte shangun ma ni hte mung lang mi bai sa wa na nga rawt pru ma yang, kawa gaw, “Yu mu, jan pyi du wa sai; dai na naw hkring yang mai na myit dai. Ya kade n na yang, nsin sin na sai, ndai yang e nga nna aten kaja hpe hkam la mu. Hpawt de mahtang hkawm sa na matu jau jau rawt nna nta ga de wa masit,” ngu nna tsun wu ai.

TARA AGYI 9:27

Shanhte yawng mung shanhte a sabyi sun ni de sa nhtawm, sabyi si di, sabyi ntsin shup shapraw let poi galaw ma ai. Shanhte gaw shanhte a hpara htingnu de shang nhtawm lu let, sha let Abimelek hpe jahpoi asawng ma ai.

RUHTA 3:7

Bua gaw lusha sha ngut ai hpang, myit pyaw ai hte nga nga wu ai. Shi gaw muk-yaw mam sumpum de sa wa nhtawm sa yup nga ai. Ruhta mung atsin sha sit sa wa nhtawm nba ka-aw nna shi a lagaw nhpang e shang kaleng taw nga ai.

1 SAMUELA 25:36

Abigala mung hkawhkam wa a matu lusha poi galaw ai zawn shi a nta e poi galaw nga ai Nabala hpang de nhtang wa wu ai. Shi gaw chyaru nang nna grai pyaw nga ai majaw, hpang jahpawt du hkra hpa n tsun ai sha nga nga wu ai.