TARA AGYI 19:3 - Jinghpaw Common Language Bible 2009

³ Dai hpang dai wa gaw shi a nta de bai nhtang wa lu na matu shi hpe shalen la na nga, shi hpang de hkan sa na daw dan wu ai. Shi hte rau shi a shangun ma langai, lawze lahkawng woi nna rawt sa mat wa wu ai. Dai numsha mung Lewi wa hpe nta de woi shang wa ai rai nna shi a kawa dai wa hpe mu ai shaloi, shi hpe kabu gara ai hte hkalum la wu ai.

Jinghpaw Hanson Version Bible

³ Shaloi madu wa gaw shi hpe sa nem la na nga, shangun ma langai mi hte lawze lahkawng woi nna, rawt sa wa ai: shi du jang lashi num dai gaw kawa nta de shi hpe woi shawn wa ai rai nna, kawa gaw kahkri wa hpe mu jang, kabu gara ai hte hkap hkalum la wu ai.

TARA AGYI 19:3 ပူးပေါင်းရင်းမြစ်များ

NINGPAWT NINGHPANG 34:3

Rai ti mung, dai numsha a ahpraw ningja grai tsawm htap nga ai hpe shi mu wu ai majaw shi hta tsaw ra myit anoi nga ai rai nna shi a tsaw ra myit hpe hkam la lu na matu shakut wu ai.

NINGPAWT NINGHPANG 50:21

Nanhte hkrit tsang shara hpa mung n nga ra na myit dai. Nanhte hte nanhte a ma kaji ni hpe ngai lanu lahku nga na made ai,” ngu nna tsun wu ai. Shanhte hpe kam wa hkra tsun ai gaw shanhte hpe hkra shangun nga ai.

YEREMIA 3:1

Dai Madu gaw, “Lasha langai ngai gaw shi a madu jan hpe jahka kau nna, num dai gaw shi kaw na pru mat wa ai hte kaga masha wa a madu jan tai ai rai yang, shi gaw dai numsha hpe bai la lu na n rai. Dai zawn re ai amu gaw lamu ga hpe tsep kawp awu asin di nga ai. Rai ti mung, Israela e, nang chyawm gaw sumtsaw law law lu yu nga ndai, ya chyawm gaw nang ngai hpang de nhtang wa mayu nga nit hka!

HOSEA 2:14

Dai re ai majaw, ngai shi hpe nam mali kata de bai woi shalen shang mat wa nna dai yang e, tsaw ra ai ga tsun let shi hpe bai pyaw shangun na nngai.

HOSEA 2:16

Shaloi shi gaw ngai hpe shi a madu wa ngu nna bai shaga na ra ai; shi gaw ngai hpe shi a Bala ngu nna galoi mung shaga na ra ai n rai.

JAW JAU 19:17

“Kadai hte mung n pyaw n ngawn hkum rai myit; shi a majaw yubak n galaw kau u ga, shi hte hpai shai ai lam hpe hkam sharang lu na rai myit dai.

JAW JAU 20:10

Israela amyu masha hta na manang wa a madu jan hte num shaw amu shut hkat ai wa gaw shi shaw ai num hte rau sat kau ai hkrum na rai wu ai.

BU HKAWM 22:22

Balam hkan sa wa wu ai majaw Karai Kasang masin pawt wu ai. Balam gaw shi a lawze hta jawn let shangun ma lahkawng hte rau sa wa nga yang, dai Madu a lamu kasa gaw shi sa wa ai lam hpe hkum pat na nga, lam e tsap nga wu ai.

MAHTE 1:19

Yosep gaw myit ding hpring nna teng man ai hku galoi mung galaw ai masha langai mi rai nga ai hte maren, shi gaw Mari hpe masha a man e sari jahpoi ai lam n galaw mayu wu ai majaw, shi hte mahtan da ai lam hpe akatsi sha lagyim dawm kau na hkyen nga ai.

YAWHAN 8:11

Dai shaloi numsha gaw, “Madu e, kadai mung n jeyang ma ai,” ngu nna htan wu ai. Shaloi Yesu gaw, “Ngai mung nang hpe n jeyang na nngai; wa nu, ya kaw nna yubak bai hkum galaw nit,” ngu nna tsun dat wu ai.

GALATI 6:1

Hpu nau ni e, masha langai ngai n dum shami e yubak galaw hkrup a yang gaw Wenyi e lam madun ai hku asak hkrung nga ai ni nanhte gaw, shing re ai wa hpe sumnung shingdi ai myit hte shading sharai ya na rai myit dai. Nanhte nan mung agung alau n hkrum u ga, tinang dai sadi nga mu.

TARA AGYI 15:1

Ya aten ram ram na mat ai hpang, Samson gaw dai hkaulan mam shu la ai aten laman bainam kasha langai mi dun let shi a madu jan hpang de sa chyai na matu sa wa wu ai. Shi gaw dai numsha a kawa hpe, “Nye a madu jan a gawk de ngai shang mayu nngai,” ngu nna tsun wu ai. Rai ti mung shi gaw shi hpe n shang shangun wu ai.

TARA AGYI 19:2

Rai ti mung numsha dai gaw shi a madu wa hpe pawt nna Betlehem mare e nga ai kawa a nta de wa mat wa nhtawm dai yang e shata mali nga nga wu ai.

TARA AGYI 19:26

Dai numsha gaw nhtoi htoi jang shi a madu wa nga ai dai dingla wa a nta chyinghka lam e wa taw nga ai. Shi gaw nhtoi htoi sayang mung dai yang e naw nga nga ai.

TARA AGYI 19:4

Dai numsha a kawa mung shi nga na matu aja awa shadut wu ai rai nna, masum ya tup nga nga wu ai. Shan la yan mung lu sha let dai yang e masum na tup nga kau ma ai.