TARA AGYI 19:2 - Jinghpaw Common Language Bible 2009

² Rai ti mung numsha dai gaw shi a madu wa hpe pawt nna Betlehem mare e nga ai kawa a nta de wa mat wa nhtawm dai yang e shata mali nga nga wu ai.

Jinghpaw Hanson Version Bible

² Lashi num dai gaw madu wa hpe shut kau nna, Yuda mung Betlehem mare na kawa nta de hprawng mat wa nhtawm, shata mali nga nga mat ai.

TARA AGYI 19:2 ပူးပေါင်းရင်းမြစ်များ

EZEKELA 16:28

“Na a ngang gayut ai myit kaga masha ni hte myit n dik hkraw ndai majaw, nang gaw Asuri masha ni hpang de hkan hprawng shang mat nga ndai. Nang gaw shanhte a matu shawa num tai ya nga ti mung, shanhte gaw nang hpe mung myit dik nga ma ai n rai.

JAW JAU 21:9

Hkinjawng wa a shayi sha shawa num tai mat ai rai yang, shi kawa a sari jahpoi ya nu ai majaw wan nat kau ai hkrum na rai wu ai.

TARA JAHPRANG 22:21

numsha dai hpe kawa a nta chyinghka de woi wa nna dai mare na lasha nlang shi hpe nlung hte kabai sat kau na rai ma ai. Shi gaw num garai n wa ai sha, kawa a nta e naw nga ai aten kaw nna anhte a amyu masha ni hte kanawn let, kaya kahpa amu galaw shapraw nu ai. Ndai hku nna dai n shawp n kap ai amu hpe nanhte yeng seng kau lu na rai myit dai.

TARA AGYI 17:7

Dai aten e nan, Yuda mung Betlehem mare hta Lewi shabrang langai mi nga nga ai.

TARA AGYI 19:1

Israela amyu hta hkawhkam garai n nga ai aprat e, Ehprim bum ga hte tsawmra mi tsan ai shara hta Lewi masha langai mi nga nga ai. Shi gaw Yuda mung Betlehem mare na numsha langai mi hpe shi a lashi num shatai la wu ai.

TARA AGYI 19:3

Dai hpang dai wa gaw shi a nta de bai nhtang wa lu na matu shi hpe shalen la na nga, shi hpang de hkan sa na daw dan wu ai. Shi hte rau shi a shangun ma langai, lawze lahkawng woi nna rawt sa mat wa wu ai. Dai numsha mung Lewi wa hpe nta de woi shang wa ai rai nna shi a kawa dai wa hpe mu ai shaloi, shi hpe kabu gara ai hte hkalum la wu ai.