TARA AGYI 18:9 - Jinghpaw Common Language Bible 2009

⁹ Shanhte gaw, “Sa marit, Laisha mare hpe anhte htim gasat ga. Anhte yu da ai lamu ga dai gaw grai kaja nga ai. Ndai yang e hpa amu mung n galaw ai sha hkum nga nga masa; tin tin rai nga mu! Dai mung de shang nna madu la saga!

Jinghpaw Hanson Version Bible

⁹ shanhte gaw, “Rawt mu, shanhte hpe sa gasat ga; mung hpe anhte yu yu sagaw ai; dai gaw grai kaja ai mung rai nga ai: lukmu naw nga nga myit ni? dai mung hpe madu la na hkum ganung nga manit.

TARA AGYI 18:9 ပူးပေါင်းရင်းမြစ်များ

2 SAMUELA 10:12

N-gun dat nna nden shaja da ting u! Anhte a amyu masha ni hte anhte a Karai Kasang a mare ni a matu anhte ja ja gasat ga. Dai Madu a myit ra sharawng ai hku tai wa u ga!,” ngu nna tsun wu ai.

1 HKAWHKAM 22:23

Mihkaia mung, “Byin lai wa sai lam gaw ndai hku rai nga ai. Dai Madu gaw ndai na a myihtoi ni hpe mahtang nang hpe masu hkalem kau shangun nu ai. Rai ti mung nang nan chyawm gaw ru yak tsin-yam tsindam hkrum kadup na ra ai lam shi nan daw dan nu ai!,” ngu nna tsun dan kau wu ai.

1 HKAWHKAM 22:3

Ahab gaw shi a du salang ni hpe, “Suri hkawhkam a lata na Gilead mung na Ramot mare bai lu la na matu anhte hpa mung n galaw kau sagaw ai gaw hpa majaw rai nga a ta? Dai gaw anhte hte seng ai mare rai nga a hka!,” ngu nna san wu ai.

BU HKAWM 13:30

Mawshe hpe aput nga ai amyu masha ni hpe shazim na matu Hkaleb mahtang, “Anhte ya jang htim gasat nna dai mungdan hpe madu la saga; dai mungdan hpe dang la lu na n-gun atsam anhte hta alaw wa lu nga ga ai,” ngu nna tsun wu ai.

YAWHAN 6:27

Hten bya yat mat chye ai lusha a matu hkum shaja myit, de a malai htani htana asak lu la shangun ai n hten n yat lu ai lusha a matu she shaja mu. Dai gaw dai Masha Kasha nanhte hpe jaw na ra ai lusha rai nga ai, hpa majaw nga yang, dai wa gaw Karai Kasang a myit hkrum masat masa galaw ai lam lu la ai wa rai nga ai,” ngu nna htan mu ai.

YAWSHU 18:3

Dai rai nna Yawshu gaw Israela amyu masha ni hpe, “Dai Madu nanhte a kaji kawa ni a Karai Kasang nanhte hpe jaw ya manit dai lamu ga hpe n shang madu la ai galoi du hkra ala nga na ngu myit ni?

TARA AGYI 18:10

Nanhte dai de du myit dai shaloi, arai lama mi hpe pyi n tsen ai myit n rawng ai masha ni hpe nanhte sa mu na rai myit dai; dai mung gaw kaba ai mung rai nga ai; masha langai mi shi ra ai lam magup hpe lu la mai ai ga rai nga ai. Karai Kasang gaw dai lamu ga nanhte hpe jaw ya manit dai,” ngu nna htan mu ai.

TARA AGYI 18:8

Masha marai manga hte Zoara hte Eshtaola mare de bai nhtang wa ma yang, shanhte kaning rai hkan tam maram yu manu ai lam hpe hkap san ma ai.

1 SAMUELA 4:9

Hpilisti masha ni e, share shagan nga mu! Wa-ngan n-gun rawng ai masha ni zawn gasat mu! Shing n rai jang, shanhte gaw anhte a mayam ni rai yu manu ai zawn, anhte mung Hebre masha ni a mayam tai mat na raga ai. Dai majaw wa ngan n-gun rawng ai masha ni zawn htim gasat mu!,” ngu nna tsun mu ai.