TARA AGYI 18:8 - Jinghpaw Common Language Bible 2009

⁸ Masha marai manga hte Zoara hte Eshtaola mare de bai nhtang wa ma yang, shanhte kaning rai hkan tam maram yu manu ai lam hpe hkap san ma ai.

Jinghpaw Hanson Version Bible

⁸ Shing rai, Zora hte Eshtola shara e nga ai, shanhte a kahpu kanau ni hpang de shanhte bai wa ma ai rai nna, kahpu kanau ni gaw, “Ya kaning rai nga a ta?” ngu mu yang,

TARA AGYI 18:8 ပူးပေါင်းရင်းမြစ်များ

YAWSHU 15:33

Bum lagaw hkan e de ai mare ni gaw, Eshtaola, Zoara, Ashna,

TARA AGYI 13:2

Dai aten hta Zoara mare na Mano mying ai wa langai mi nga nga ai. Shi gaw Dan a amyu bawsang hta na masha rai nga ai. Shi a madu jan gaw kashu kasha galoi mung n shaprat yu nga ai.

TARA AGYI 16:31

Shi a kanau ni hte shi a dinghku masha ni yu sa nna si mang sa hpai la ma ai. Shanhte gaw shi hpe la wa nhtawm Zoara hte Eshtaola lapran na kawa Mano a lup hta shi hpe lup makoi da ma ai. Shi gaw Israela hpe hkun ning tup woi awn lai wa yu nu ai.

TARA AGYI 18:11

Dai re ai majaw Zoara hte Eshtaola shara kaw na Dan a amyu bawsang marai kru tsa hte gaw majan gasat na matu pru sa wa ma ai.

TARA AGYI 18:2

Dai re ai majaw, Dan a masha ni gaw amyu bawsang hta rawng ai dinghku masha ni yawng hta na magrau grang ai masha manga hpe lata la nhtawm dai mung ga hpe sa yu maram na matu matsun maroi ga hte hpawn Zoara hte Eshtaola mare kaw nna shanhte hpe shangun dat ma ai. Ehprim bum ga de shanhte du shang wa ma ai shaloi Mihka a nta e manam nga ma ai.

TARA AGYI 18:7

Dai marai manga hte gaw pru mat wa nhtawm Laisha mare de sa wa ma ai. Dai yang e nga ai masha ni gaw Sidon masha ni zawn kade sha shim ai hte nga nga ma ai hpe shanhte sa mu ma ai. Shanhte gaw kadai hte mung ga li ga law, ndang kalang n nga ai sha, ngwi pyaw sim sa ai hte nga nga ai masha ni rai nga ma ai; shanhte hta ra kadawn ai lam hpa mung n nga ma ai. Shanhte gaw Sidon masha ni hte tsan gang ai shara hta nga nga ma ai rai nna kaga masha kadai hte mung makyit mahkai ai lam n nga ma ai.

TARA AGYI 18:9

Shanhte gaw, “Sa marit, Laisha mare hpe anhte htim gasat ga. Anhte yu da ai lamu ga dai gaw grai kaja nga ai. Ndai yang e hpa amu mung n galaw ai sha hkum nga nga masa; tin tin rai nga mu! Dai mung de shang nna madu la saga!