TARA AGYI 18:6 - Jinghpaw Common Language Bible 2009

⁶ Dai hkinjawng wa gaw, “Dai lam nanhte hpa mung myit n ru ra myit dai. Dai Madu gaw ndai hkrun lam hta nanhte hpe bau sin lanu lahku ya nga ai,” ngu nna htan wu ai.

Jinghpaw Hanson Version Bible

⁶ Hkinjawng wa chyawm gaw, “Ngwipyaw ai hte sa wa mu; nanhte sa ai lam Yehowa yu ya nga ai,” ngu nna shanhte hpe tsun mu ai.

TARA AGYI 18:6 ပူးပေါင်းရင်းမြစ်များ

1 HKAWHKAM 22:12

Kaga myihtoi ni yawng mung dai hte maren tsun ma ai. Shanhte gaw, “Ramot mare hpe lung gasat mu, dang la na ra ai; dai Madu mung nan hpe awng padang jaw ya na ra ai,” ngu nna tsun mu ai.

1 HKAWHKAM 22:15

Hkawhkam Ahab a man kaw shi pru wa jang, hkawhkam wa gaw shi hpe, “Mihkaia e, Hkawhkam Yehoshahpat hte ngai Ramot mare hpe sa gasat mai na, n mai na kun?,” ngu nna san wu ai. Mihkaia chyawm gaw, “Htim gasat su! Nang teng teng dang la lu na ndai. Dai Madu mung nang hpe awng padang jaw ya na ra ai,” ngu nna htan wu ai.

1 HKAWHKAM 22:6

Dai re ai majaw Ahab mung myihtoi mali tsa daram hpe shaga jahpawng tawn nhtawm shanhte hpe, “Ramot mare hpe ngai sa htim gasat ang na kun?,” ngu nna san yu wu ai. Shanhte mung, “Dai mare hpe htim gasat manu; dai Madu gaw nang hpe awng padang jaw na ra ai,” ngu nna htan mu ai.

SHAKAWN KUNGDAWN 33:18

Dai Madu gaw shi hpe hkrit hkungga ai ni hte shi a dinggrin tsaw ra myit hpe kam hpa nga ai ni hpe, sin yu nga ai.

PRU MAT 4:18

Dai hpang Mawshe gaw shi a katsa Yehtru kaw nhtang wa nna shi hpe, “Egutu mung na nye a jinghku kahpu kanau ni naw hkrung nga ma ai kun? Dai ni hpe sa yu na nngai majaw chyeju hte ngai hpe nhtang wa shangun e,” ngu nna tsun wu ai. Yehtru mung myit hkrum ya ai hte shi hpe shakram dat wu ai.

YEREMIA 23:32

Dai Madu ngai nan tsun ai ga hpe madat mu! Masu magaw ga amyu amyu hte hpring nna, shanhte a yup mang shingran ni hpe tsun hkai ai myihtoi ni hpe ngai hkap daw na nngai. Shanhte a masu magaw ga ni, kaman lila grang ai ga ni, ndai yup mang shingran ni tsun hkai ai hte nye a amyu masha ni hpe lam woi shadam nga ma ai. Ngai gaw shanhte hpe shangun dat ai n rai, shanhte gaw ndai amyu masha ni a matu dik nna hpa karum shingtau ya lu ma ai n rai. Dai Madu ngai nan tsun ni ai,” ngu nna tsun ai.

TARA JAHPRANG 11:12

Dai Madu nanhte a Karai Kasang gaw dai mungdan hpe bau sin nna shaning tup dai hpe ayu nga ai.

1 HTESALONI 3:11

Anhte a Wa Karai Kasang shi nan hte Madu Yesu Hkristu gaw anhte a matu nanhte hpang de sa wa na lam lajang ya u ga.

TARA AGYI 18:5

Shanhte gaw shi hpe, “Anhte hkawm sa ai hkrun lam awng dang, n awng dang na, chyeju hte Karai Kasang kaw san ya mi,” ngu nna tsun ma ai.

TARA AGYI 18:7

Dai marai manga hte gaw pru mat wa nhtawm Laisha mare de sa wa ma ai. Dai yang e nga ai masha ni gaw Sidon masha ni zawn kade sha shim ai hte nga nga ma ai hpe shanhte sa mu ma ai. Shanhte gaw kadai hte mung ga li ga law, ndang kalang n nga ai sha, ngwi pyaw sim sa ai hte nga nga ai masha ni rai nga ma ai; shanhte hta ra kadawn ai lam hpa mung n nga ma ai. Shanhte gaw Sidon masha ni hte tsan gang ai shara hta nga nga ma ai rai nna kaga masha kadai hte mung makyit mahkai ai lam n nga ma ai.

1 SAMUELA 1:17

Eli gaw, “Ngwi pyaw sim sa ai myit hte wa sanu; ya nang shi kaw hpyi nit dai hte maren, Israela a Karai Kasang gaw nang hpe jaw nit ga law,” ngu nna tsun wu ai.