TARA AGYI 18:30 - Jinghpaw Common Language Bible 2009

³⁰ Dan a masha ni mahtang nawku na matu hpara sumla shadun ma ai rai nna Mawshe a kashu, Gershom a kasha Yonahtan hte shi a matu mara ni gaw dai masha ni bawng dung mat ai shani du hkra Dan amyu bawsang a matu hkinjawng tai let daw jau ma ai.

TARA AGYI 18:30 ပူးပေါင်းရင်းမြစ်များ

TARA AGYI 17:5

Dai Mihka ngu ai wa mung shi hta nawku shara lu wu ai. Hpara sumla nkau mi hte hkinjawng palawng ni hpe shi galaw nhtawm, shi a kasha langai mi hpe shi a hkinjawng aya hta san tawn da wu ai.

TARA AGYI 17:3

Shi chyawm gaw kanu hpe gumhpraw bai nhtang jaw nhtawm, “Nye a kasha ntsa e hkrat wa ai matsa ga jahkring kau na matu gumhpraw dai hpe ngai nan dai Madu kaw dagam let ap nawng da se ai. Gumhpraw hte sup ai hpun hpara sumla langai galaw ai hta dai hpe lang na rai nga ai. Dai rai nna ya ngai nang hpe dai gumhpraw bai nhtang jaw na de ai,” ngu nna tsun wu ai.

TARA AGYI 13:1

Israela masha ni dai Madu hpe bai shut hpyit kau ma ai rai nna, shi gaw Hpilisti masha ni hpe shaning mali shi ning tup up hkang shangun wu ai.

PRU MAT 2:22

shi gaw shadang sha langai shangai ya wu ai. Mawshe gaw shi a kraw kata e, “Ngai gaw ndai mung e maigan masha langai mi rai nga nngai majaw ngai shi hpe Gershom ngu na nngai,” ngu nna tsun wu ai.

TARA JAHPRANG 31:29

Ngai si mat ai hpang, amyu masha ni n hkru n shawp wa nhtawm ngai shanhte hpe sharin ya sai lam ni hpe shanhte ningdang kau na ma ai. Dai Madu hkum pat da ai amu galaw let shanhte shi hpe masin pawt shangun nga ma ai majaw htawm hpang prat e ru yak tsin-yam tsindam hte hkrum kadup na rai ma ai,” ngu nna tsun dan wu ai.

TARA JAHPRANG 31:16

Dai Madu gaw Mawshe hpe, “Nang gaw kade n na yang si wa na sha rai nit dai. Nang si mat ai hpang amyu masha ni nye a ntsa e sadi sahka myit n rawng mat nna shanhte hte tawn da ai nye a ga shaka hpe jahten kau na mara ai. Shaloi shanhte ngai hpe kau da nhtawm shanhte shang sha na mungdan hta nawku ai maigan hpara ni hpe nawku wa na mara ai.

TARA JAHPRANG 27:15

“ ‘Dai Madu gaw hpara sumla nawku ai htung hpe n dawng nga ai rai nna, nlung, hpun hte nhprang arai ni hte tawk nhtawm dai hpe makoi magap nawku ai wa kadai mung Karai Kasang kaw na dagam dala hkrum wu ga law.’ “Shaloi Amyu masha ni yawng gaw, ‘Amen!,’ ngu nna htan na rai ma ai.

JAW JAU 26:1

Dai Madu gaw, “Hpara sumla hkum galaw myit; gawkngu sumla mung, nlung shadaw ni hpe mung shadun tawn lu na n rai; nawku na matu sumla tawk bang da ai nlung ni shadun lu na n rai. Ngai gaw dai Madu nanhte a Karai Kasang nan rai nga nngai.

PRU MAT 20:4

“Sumsing lamu hta mung, ginding aga ntsa e mung, ga a npu na hka hta rawng ai arai hte bung ai sumla ni mung, nang na a matu hkum galaw et.

PRU MAT 18:3

shi a shadang sha yan rai nga ai Gershom yan Elieza hpe woi nna Mawshe hpang de sa wa ma ai. (Mawshe gaw, “Ngai gaw tsasam mung e maigan masha tai mat ni ai,” ngu nna tsun wu ai; dai rai nna shi gaw shadang sha langai hpe Gershom ngu nna shamying wu ai.

2 HKAWHKAM 15:29

Peka hkawhkam galaw nga yang, Asuri Hkawseng Tiglat Pilesa sa du nna, Iyon, Abela Bet Mahka, Yanoa, Kedesha, hte Hazora mare ni hpe mung, Gilead mung Galile hte Naphtali ni hpe gasat dang la nna amyu masha ni hpe bawng masha hku Asuri mung de woi mat wa mu ai.

2 HKAWHKAM 17:18

Dai Madu gaw Israela amyu masha ni hpe pawt sindawng nga ai rai nna Yuda mungdan hpe chyu sha ngam da nhtawm shi a man kaw nna shanhte hpe gawt shapraw kau wu ai.

2 HKAWHKAM 17:20

Dai Madu gaw Israela amyu masha ni yawng hpe ningdang kau wu ai rai nna hpang jahtum shi a man kaw nna shanhte hpe gawt shapraw kau ai aten du hkra shanhte hpe ari jaw nna mazut ai gumlau hpyen ni a lata de shanhte hpe ap kau nga wu ai.

2 HKAWHKAM 17:22

Dai Madu gaw shi a shangun ma myihtoi ni yawng a n-gup hte tsun sai hte maren shi a myi man kaw nna Israela amyu masha ni hpe gawt shapraw kau dat ai shani du hkra,

2 HKAWHKAM 17:23

Israela masha ni gaw Yeroboam a hpang hkan nna, shi shut kau nu ai yubak yawng hta matut nna hkan galaw nga ma ai. Dai rai nna Israela amyu masha ni Asuri mung de bawng rim mat wa ai hkrum nna dai ni du hkra nga nga ma ai.