TARA AGYI 18:3 - Jinghpaw Common Language Bible 2009

³ Dai yang e shanhte nga nga ma yang, Lewi shabrang wa a nsen hpe shanhte chye matsing ma ai rai nna shi kaw sit lung wa nhtawm, “Ndai yang e nang hpa sa galaw nga n ta? Nang hpe ndai shara de kadai woi sa a ta?,” ngu nna san ma ai.

Jinghpaw Hanson Version Bible

³ Mihka nta e nga nga ma yang, dai Lewi shabrang wa nsen shanhte chye nga ma ai rai nna, shi hpang de shang nhtawm, “Nang ndai de kaning rai du n ta? ndai yang hpa galaw nga n ta? nang e hpa rai nga n ta?” ngu nna san mu yang,

TARA AGYI 18:3 ပူးပေါင်းရင်းမြစ်များ

NINGPAWT NINGHPANG 27:22

Yaku mung shi a kawa hpang de sit wa nna shi hpe masawp yu let, “Na a nsen gaw Yaku a nsen, lata chyawm gaw Esaw a lata zawn rai nga ai,” ngu nna tsun wu ai.

ESAIA 22:16

“Na hkum nang hpa zawn nawn da wu ni? Nang gaw kawng nhkrem hkan na lunghkrung hta na a matu lup tawk na, kaning re ai ahkaw ahkang lu nga n ni?

MAHTE 26:73

Dai hpang gade n na yang, dai yang e tsap nga ai masha ni Petru kaw sit sa wa nna, “Kaja wa nang mung shanhte hta na langai mi rai nga ndai; nang tsun shaga ai mahku hte chye lu nga ai,” ngu nna tsun mu ai.

TARA AGYI 12:6

shanhte gaw shi hpe, “Shibolet” ngu yu u, ngu na rai ma ai; rai ti mung dai wa mahtang ga dai hpe jaw hkra nsen n lu shapraw wu ai majaw, “Sibolet” ngu nna tsun na rai wu ai. Shaloi shanhte gaw shing nga ai wa hpe rim la nhtawm Yawdan hka rap ai shara langai ngai hta hkap sat kau kau di na rai ma ai. Dai aten hta sat kau hkrum ai Ehprim masha ni gaw mun mali e hkying lahkawng rai nga ai.

TARA AGYI 18:2

Dai re ai majaw, Dan a masha ni gaw amyu bawsang hta rawng ai dinghku masha ni yawng hta na magrau grang ai masha manga hpe lata la nhtawm dai mung ga hpe sa yu maram na matu matsun maroi ga hte hpawn Zoara hte Eshtaola mare kaw nna shanhte hpe shangun dat ma ai. Ehprim bum ga de shanhte du shang wa ma ai shaloi Mihka a nta e manam nga ma ai.

TARA AGYI 18:4

Shi gaw, “Shi a hkinjawng tai let daw jau amu galaw na matu Mihka hte ngai jahkrum da ai lam nga nngai,” ngu nna htan wu ai.