TARA AGYI 18:2 - Jinghpaw Common Language Bible 2009

² Dai re ai majaw, Dan a masha ni gaw amyu bawsang hta rawng ai dinghku masha ni yawng hta na magrau grang ai masha manga hpe lata la nhtawm dai mung ga hpe sa yu maram na matu matsun maroi ga hte hpawn Zoara hte Eshtaola mare kaw nna shanhte hpe shangun dat ma ai. Ehprim bum ga de shanhte du shang wa ma ai shaloi Mihka a nta e manam nga ma ai.

Jinghpaw Hanson Version Bible

² Shaloi Dan amyu matu ni gaw, lamu ga yu shangun na matu, shanhte a shara Zora hte Eshtola kaw nna, shanhte a amyu ting hta na n-gun ja ai wa-ngan marai manga hpe, Dai mungdan sa yu ma su, ngu nna shangun dat mu ai: dai rai nna, shanhte Ehprim bum ga na Mihka nta de shang nhtawm, dai yang manam nga ma ai.

TARA AGYI 18:2 ပူးပေါင်းရင်းမြစ်များ

NINGPAWT NINGHPANG 42:9

Yosep gaw shanhte a lam hte shi mu ai yup mang ni hpe myit dum let, “Nanhte kin-yu ni rai nga myit dai; anhte a mungdan n-gun kya ai hpe sa yu ai ni she rai nga myit dai,” ngu nna shanhte hpe tsun mu ai.

GA SHAGAWP 20:18

Kaja ai hpaji jaw ga hpe hkam la u, shaloi nang awng dang wa na ra ai; hkyen lajang ai lam n nga ai sha majan de hkum htim kapa shang wa, majan hkum baw hkawm et.

BU HKAWM 13:17

Mawshe shanhte hpe shangun dat ai shaloi shanhte hpe, “Ndai yang kaw nna Hkanan mung a dingda maga de shang sa wa nna dingdung maga na bum ga de lung wa masu.

LUKA 14:31

Bai lam mi gaw, hkawhkam langai mi gaw, shi a hpyenla mun mi hte, shi hpe gasat na nga nna hpyenla mun lahkawng hte sa wa ai kaga hkawhkam langai mi hpe hkap gasat na pru sa wa maw yang, shi gaw dai hpyen ni hpe hkap manga lu na daram n-gun rawng n rawng, shawng n nan dung nna daw dan na ra ai.

YAWSHU 15:33

Bum lagaw hkan e de ai mare ni gaw, Eshtaola, Zoara, Ashna,

YAWSHU 19:41

De a ginwang hta Zoara, Eshtaola, Irasheme,

YAWSHU 2:1

Dai hpang Yawshu gaw Akasia dap kaw na kin-yu lahkawng hpe Hkanan mung na Yerihko mare hpe sa lagyim maram yu na hkang dat wu ai. Shan dai mare de du ai shaloi Rahab mying ai shawa num a nta e sa nga shalai kau ma ai.

YAWSHU 2:2

Israela masha nkau mi ndai mung hpe kin-yu yu na nga, shana e du shang wa manu ai lam hpe Yerihko hkawhkam wa na wu ai shaloi,

TARA AGYI 13:2

Dai aten hta Zoara mare na Mano mying ai wa langai mi nga nga ai. Shi gaw Dan a amyu bawsang hta na masha rai nga ai. Shi a madu jan gaw kashu kasha galoi mung n shaprat yu nga ai.

TARA AGYI 13:25

Zoara hte Eshtola na Dan amyu dap hta shi nga nga yang, dai Madu a daru magam n-gun shi hpe jaw hpang wu ai.

TARA AGYI 16:31

Shi a kanau ni hte shi a dinghku masha ni yu sa nna si mang sa hpai la ma ai. Shanhte gaw shi hpe la wa nhtawm Zoara hte Eshtaola lapran na kawa Mano a lup hta shi hpe lup makoi da ma ai. Shi gaw Israela hpe hkun ning tup woi awn lai wa yu nu ai.

TARA AGYI 17:1

Lang mi, Ehprim bum ga e Mihka mying ai masha langai mi nga ai.

TARA AGYI 18:11

Dai re ai majaw Zoara hte Eshtaola shara kaw na Dan a amyu bawsang marai kru tsa hte gaw majan gasat na matu pru sa wa ma ai.

TARA AGYI 18:13

Dai kaw nna bai rawt sa wa ma yang, Ehprim bum ga e nga ai Mihka a nta de du ma ai.

TARA AGYI 18:3

Dai yang e shanhte nga nga ma yang, Lewi shabrang wa a nsen hpe shanhte chye matsing ma ai rai nna shi kaw sit lung wa nhtawm, “Ndai yang e nang hpa sa galaw nga n ta? Nang hpe ndai shara de kadai woi sa a ta?,” ngu nna san ma ai.

TARA AGYI 18:8

Masha marai manga hte Zoara hte Eshtaola mare de bai nhtang wa ma yang, shanhte kaning rai hkan tam maram yu manu ai lam hpe hkap san ma ai.

TARA AGYI 19:1

Israela amyu hta hkawhkam garai n nga ai aprat e, Ehprim bum ga hte tsawmra mi tsan ai shara hta Lewi masha langai mi nga nga ai. Shi gaw Yuda mung Betlehem mare na numsha langai mi hpe shi a lashi num shatai la wu ai.

TARA AGYI 19:18

Dai Lewi masha wa gaw, “Anhte gaw Yuda mung Betlehem mare de sa nga nna, ya Ehprim bum ga dai Madu a nta de hkawm sa wa ga ai. Kadai mung lana mi sha pyi n hkap hkalum la mayu ma ai.