TARA AGYI 18:18 - Jinghpaw Common Language Bible 2009

¹⁸ Dai masha ni gaw Mihka a nta de shang nna dai chyoi pra ai arai ni hpe la kau ma ai shaloi, “Nanhte hpa galaw nga myit ni?,” ngu nna hkinjawng wa san wu ai.

Jinghpaw Hanson Version Bible

¹⁸ Ya dai masha ni gaw Mihka a nta de shang nna, dai tawk ai sumla, hkinjawng palawng, terahpim hte jaw ai sumla ni hpe la kau mu yang, hkinjawng wa gaw, “Nanhte hpa di rai myit ta?” ngu wu timung,

TARA AGYI 18:18 ပူးပေါင်းရင်းမြစ်များ

ESAIA 46:2

Hpara sumla ni gaw shanhte hkum hpe nan n lu hkye la nga ai; shanhte gaw rim hkrum nna woi mat wa hkrum ma ai. Ndai gaw Babelon karai ni a matu jahtum rai nga ai!

EZEKELA 21:21

Babelon hkawhkam gaw dai lam lahkawng a nbraw e jung da ai masat shara hta tsap nga ai; shi gaw gara lam de pru sa na chye la na matu, ndan pala ni garu nhtawm shi a hpara sumla ni hpe san yu nna, hkungga nawng jau ya ai dusat a sinpai hpe jep yu nga ai.

JAW JAU 26:1

Dai Madu gaw, “Hpara sumla hkum galaw myit; gawkngu sumla mung, nlung shadaw ni hpe mung shadun tawn lu na n rai; nawku na matu sumla tawk bang da ai nlung ni shadun lu na n rai. Ngai gaw dai Madu nanhte a Karai Kasang nan rai nga nngai.

TARA AGYI 18:17

Dai mungdan hpe kin-yu sa yu ai marai manga hte gaw nta nhku de shang nna gumhpraw hte sup da ai hpun hpara sumla, kaga hpara sumla ni hte hkinjawng hpun palawng hpe la kau ma ai; hkinjawng wa chyawm gaw laknak hpai ai masha kru tsa hte rau chyinghka lam e tsap nga ai.

TARA AGYI 18:19

Shanhte gaw shi hpe, “Atsin sha nga u, ga hkum mi mung hkum shaga et; anhte kaw hkan rit; anhte hpe hpaji jaw ai wa hte hkinjawng tai ya mi. Masha langai woi awn ai dinghku a matu hta Israela amyu bawsang ting a matu hkinjawng tai na gaw na a matu grau n kaja nga a ni?,” ngu nna tsun ma ai.