TARA AGYI 17:5 - Jinghpaw Common Language Bible 2009

⁵ Dai Mihka ngu ai wa mung shi hta nawku shara lu wu ai. Hpara sumla nkau mi hte hkinjawng palawng ni hpe shi galaw nhtawm, shi a kasha langai mi hpe shi a hkinjawng aya hta san tawn da wu ai.

Jinghpaw Hanson Version Bible

⁵ Dai Mihka ngu ai wa mung, Hpara jawng lu ai rai nna, hkinjawng palawng hte terahpim sumla galaw nna, shi a kasha langai mi hpe hkinjawng aya dang tawn da wu ai.

TARA AGYI 17:5 ပူးပေါင်းရင်းမြစ်များ

NINGPAWT NINGHPANG 31:19

Ya Laban gaw sagu mun rep na nga, hkawm mat wa ai laman e, Rahkela gaw nta na gumgun gumhpai hpara sumla ni hpe lagu mat wa ya wu ai.

NINGPAWT NINGHPANG 31:30

Nang na a dum nta de nhtang wa na grai myit katu ai a majaw, wa ai gaw ngai chye na nngai; rai ti mung nye nta na gumgun gumhpai hpara sumla ni hpe nang hpa majaw lagu la nit ni?,” ngu nna tsun wu ai.

1 HKAWHKAM 12:31

Yeroboam gaw kawng pungding ntsa hkan e nawku shara ni hpe gap da wu ai hte Lewi amyu bawsang n re ai dinghku ni hta na hkinjawng ni hpe shi lata san da wu ai.

1 HKAWHKAM 12:32

Yeroboam gaw Yuda mung e galaw ai poi zawn shata matsat a shi manga ya shani e nawku htung hte seng ai poi langai galaw na matu lajang tawn da wu ai. Behtela mare na tawn hkungri ntsa e shi galaw da sai aja dumsu usu ni hpe shagu hkungga nawng ya nna shi gap ai nawku shara ni hta daw jau amu galaw na hkinjawng ni hpe mung dai Behtela mare e tawn da wu ai.

EZRA 1:7

Hkawseng Kuru gaw Hkawhkam Nebuhkadneza Yerusalem Nawku Htingnu na la mat wa nhtawm shi a karai ni a nawku nta hta wa tawn da sai ban hte gawm ni shanhte hpe nhtang ap ya wu ai.

PRU MAT 24:5

Dai hpang shabrang ni hpe shi shangun dat nna, shanhte gaw dai Madu hpe shagu hkungga ni nat nawng nhtawm mahku hkungga a matu dumsu nkau mi hpe mung nawng jau ma ai.

PRU MAT 28:15

“Karai Kasang a myit ra ai hku daw dan ai shaloi lang na Hkinjawng Kaba wa a matu sinda magap langai galaw na rai ndai. Dai hpe hpa hkai lawng galaw ai shaloi lang ai arung arai ni hte maren maka ka nna galaw na rai nga ai.

PRU MAT 28:4

Shanhte hpe ndai sinda magap, hpa hkai lawng, ntsa palawng, maka ka ai palawng, bunghkaw hte shingkyit ni hpe galaw na matu tsun na rai ndai. Shanhte gaw na a nhpu Arun hte shi a shadang sha ni a matu ndai hkinjawng hpun palawng ni galaw na rai ma ai; shanhte gaw nye a matu hkinjawng amu gun hpai let daw jau lu na rai ma ai.

PRU MAT 29:9

Shanhte hpe shingkyit kyit ya nna abaw hta gumchyawp chyawp ya na rai ndai. Dai gaw Arun hte shi a shadang sha ni hpe nang kaning rai aya dang ya na lam rai nga ai. Shanhte hte shanhte a amyu matu ni mung htani htana hkinjawng amu gun let ngai hpe daw jau na rai ma ai.

ESAIA 44:13

Lasama wa gaw hpunpyen shadawn nga ai. Shi a nta nhku e tawn da na matu tsawm htap ai masha hkrang sumla tawk galaw lu hkra, ga hpraw hte sumla hkrang mahkret nhtawm, shi a lasama arung arai ni hte tawk nga ai.

EZEKELA 21:21

Babelon hkawhkam gaw dai lam lahkawng a nbraw e jung da ai masat shara hta tsap nga ai; shi gaw gara lam de pru sa na chye la na matu, ndan pala ni garu nhtawm shi a hpara sumla ni hpe san yu nna, hkungga nawng jau ya ai dusat a sinpai hpe jep yu nga ai.

EZEKELA 21:26

Tsaw Htum ai dai Madu nan tsun ni ai. Nanhte a janmau hte bunghkaw ni raw tawn mu. Hpa mung shawng na hte bung na ra ai n rai. Matsan mayan masha ni hpe sharawt nna up hkang nga ai du magam ni hpe shayu kau mu!

HOSEA 3:4

Ndai lam zawn, Israela amyu masha ni gaw aten na na wa hkawhkam ni n lu, ningbaw ni mi n nga, shagu hkungga mi n nawng, chyoi pra ai nlung shadaw ni kata, hpara sumla mi n nga, shaba wawt yang lang na hkrang sumla ni n lu ai, nga nga na mara ai.

HOSEA 8:14

“Israela amyu masha ni hkawhkam htingnu ni gap ma ti mung, shanhte a htingnu Gap Ya Ai Wa hpe malap kau manu ai. Yuda masha ni mare bunghku ni kum da ma ai; rai ti mung ngai gaw wan hpe dat dat nna dai gaw shanhte a hkawhkam htingnu ni hte mare ni hpe hkru kau na ra ai.”

BU HKAWM 3:10

Arun hte shi a shadang sha ni hpe hkinjawng amu gun hpai na matu nang shanhte hpe matut shatsam na rai ndai; shanhte galaw ai amu hta hkan galaw shakut nang ai wa kadai mung sat kau ai hkrum na rai wu ai,” ngu nna tsun wu ai.

HEBRE 5:4

Kadai wa mung tinang a hkum hpe hkinjawng agyi kaba tai ai arawng hta lata dang da lu ai n rai; Arun hpe zawn Karai Kasang e shaga la hkrum ai masha wa chyu sha hkinjawng agyi kaba byin tai lu nga ai.

TARA AGYI 17:4

Dai hpang shi gaw gumhpraw dai shi a kanu hpe bai ap ya wu ai. Kanu mung gumhpraw lahkawng tsa la nhtawm hpara sumla hpe hpun hte tawk nna gumhpraw hte jaw ai amu galaw ai janghkam wa hpe sa jaw wu ai. Dai gaw Mihka a nta e tawn da nga ai.

TARA AGYI 18:14

Dai hpang Laisha mare grup yin hkan sa yu maram yu sai masha manga hte gaw shanhte a manang ni hpe, “Ndai yang na nta langai ngai hta gumhpraw hte sup da ai hpun hpara sumla nga ai hpe nanhte chye nga myit ni? Dai yang e kaga hpara sumla ni hte sinda magap langai mi mung nga nga ai. Anhte hpa galaw ang ai ngu nna nanhte myit nga myit ni?,” ngu nna tsun ma ai.

TARA AGYI 18:24

Mihka mahtang, “Hpa baw wa rai sata?,” nga ai gaw nanhte kaning ngu lachyum shapraw mayu nga myit ni? Ya nanhte gaw nye a hkinjawng hte ngai tawk ai hpara sumla hpe la mat wa myit dai. Dingsa sa hpai mat wa myit hka! Ngai hta hpa naw nga sata?,” ngu nna htan wu ai.

TARA AGYI 18:30

Dan a masha ni mahtang nawku na matu hpara sumla shadun ma ai rai nna Mawshe a kashu, Gershom a kasha Yonahtan hte shi a matu mara ni gaw dai masha ni bawng dung mat ai shani du hkra Dan amyu bawsang a matu hkinjawng tai let daw jau ma ai.

TARA AGYI 8:27

Gidon gaw aja arai hte hpara sumla galaw nhtawm shi a daidaw bu ga Ohpra mare e dai hpe tawn da wu ai. Israela masha ni gaw Karai Kasang hpe kau da nhtawm dai yang na hpara sumla hpe sa nawku ma ai. Dai gaw Gidon hte shi a dinghku masha ni a matu mahkam tai nga malu ai.

1 SAMUELA 19:13

Dai hpang, shi gaw nta e naw ai hpara sumla la nhtawm yup ku hta galeng tawn nna bainam mun hte da ai bunghkum langai de a nhtung de tawn da let nba jahpun da wu ai.

1 SAMUELA 23:6

Ahimelek a kasha Abiahta mahtang hprawng lawt mat wa nhtawm Kila mare e nga ai Dawi hte matut mahkai lu ai shaloi shi hte rau hpa hkai lawng hpe mung la sa wa wu ai.