TARA AGYI 17:4 - Jinghpaw Common Language Bible 2009

⁴ Dai hpang shi gaw gumhpraw dai shi a kanu hpe bai ap ya wu ai. Kanu mung gumhpraw lahkawng tsa la nhtawm hpara sumla hpe hpun hte tawk nna gumhpraw hte jaw ai amu galaw ai janghkam wa hpe sa jaw wu ai. Dai gaw Mihka a nta e tawn da nga ai.

Jinghpaw Hanson Version Bible

⁴ Kasha mahtang gumhpraw dai kanu hpe bai ya wu yang, kanu gaw gumhpraw ni tsa la nhtawm, janghkam kaw ap nna, dai wa gaw tawk ai sumla hte jaw ai sumla galaw ya wu ai: dai gaw Mihka nta e nga nga ai.

TARA AGYI 17:4 ပူးပေါင်းရင်းမြစ်များ

ESAIA 30:22

Nanhte gaw gumhpraw hte sup ai hpara sumla ni hte ja hte sup ai hpara sumla ni hpe la nna matsat shabat arai zawn dai ni hpe kabai kau nna, “Nye a man kaw na pru mat wa mu!,” ngu nna jahtau tsun na rai myit dai.

ESAIA 44:13

Lasama wa gaw hpunpyen shadawn nga ai. Shi a nta nhku e tawn da na matu tsawm htap ai masha hkrang sumla tawk galaw lu hkra, ga hpraw hte sumla hkrang mahkret nhtawm, shi a lasama arung arai ni hte tawk nga ai.

HABAKU 2:18

Hpara sumla gaw hpa baw akyu pru nga a ta? Dai gaw masha e tawk tawn ai arai langai mi sha rai nna, nanhte hpe masu hkalem, lam woi shadam ai hta jan nna shi hpa tsun dan lu nga ai n rai. Dai hpe tawk ai lasama wa shi galaw ai amu hta kam hpa ai gaw shi hta hpa akyu n rawng nga ai-dai karai gaw ga pyi n lu shaga nga ai!

TARA JAHPRANG 27:15

“ ‘Dai Madu gaw hpara sumla nawku ai htung hpe n dawng nga ai rai nna, nlung, hpun hte nhprang arai ni hte tawk nhtawm dai hpe makoi magap nawku ai wa kadai mung Karai Kasang kaw na dagam dala hkrum wu ga law.’ “Shaloi Amyu masha ni yawng gaw, ‘Amen!,’ ngu nna htan na rai ma ai.

TARA AGYI 17:3

Shi chyawm gaw kanu hpe gumhpraw bai nhtang jaw nhtawm, “Nye a kasha ntsa e hkrat wa ai matsa ga jahkring kau na matu gumhpraw dai hpe ngai nan dai Madu kaw dagam let ap nawng da se ai. Gumhpraw hte sup ai hpun hpara sumla langai galaw ai hta dai hpe lang na rai nga ai. Dai rai nna ya ngai nang hpe dai gumhpraw bai nhtang jaw na de ai,” ngu nna tsun wu ai.

TARA AGYI 17:5

Dai Mihka ngu ai wa mung shi hta nawku shara lu wu ai. Hpara sumla nkau mi hte hkinjawng palawng ni hpe shi galaw nhtawm, shi a kasha langai mi hpe shi a hkinjawng aya hta san tawn da wu ai.

TARA AGYI 18:17

Dai mungdan hpe kin-yu sa yu ai marai manga hte gaw nta nhku de shang nna gumhpraw hte sup da ai hpun hpara sumla, kaga hpara sumla ni hte hkinjawng hpun palawng hpe la kau ma ai; hkinjawng wa chyawm gaw laknak hpai ai masha kru tsa hte rau chyinghka lam e tsap nga ai.