TARA AGYI 17:3 - Jinghpaw Common Language Bible 2009

³ Shi chyawm gaw kanu hpe gumhpraw bai nhtang jaw nhtawm, “Nye a kasha ntsa e hkrat wa ai matsa ga jahkring kau na matu gumhpraw dai hpe ngai nan dai Madu kaw dagam let ap nawng da se ai. Gumhpraw hte sup ai hpun hpara sumla langai galaw ai hta dai hpe lang na rai nga ai. Dai rai nna ya ngai nang hpe dai gumhpraw bai nhtang jaw na de ai,” ngu nna tsun wu ai.

Jinghpaw Hanson Version Bible

³ Shaloi dai gumhpraw hkying me latsa kanu hpe bai ya wu ai; kanu gaw, Tawk ai sumla hte jaw ai sumla galaw na ngu nna, gumhpraw ndai hpe ngai sha matu, Yehowa kaw ngai teng teng nawng kau se ai: dai rai nna, nang ngai sha hpe, dai gumhpraw bai ya de ga,” ngu wu ai.

TARA AGYI 17:3 ပူးပေါင်းရင်းမြစ်များ

2 HKAWHKAM LABAU 33:7

Shi gaw Karai Kasang e Dawi hte shi a shadang sha Shawlumon yan hpe ning ngu tsun da sai shara ngu ai Nawku Htingnu kata hta hkrang sumla hpe shadun da wu ai. “Ngai nawku daw jau na matu ndai Yerusalem mare hpe mung, ndai Nawku Htingnu hpe mung Israela amyu bawsang shi lahkawng hte a lamu ga yawng hta na ngai lata la ni ai shara rai nga ai.

PRU MAT 20:23

Ngai hpe nawku ai hta, tinang a matu aja hpara, gumhpraw hpara ni hpe galaw lu na myit dai n rai.

PRU MAT 20:4

“Sumsing lamu hta mung, ginding aga ntsa e mung, ga a npu na hka hta rawng ai arai hte bung ai sumla ni mung, nang na a matu hkum galaw et.

PRU MAT 34:17

“Nhprang arai ni hte shachyaw ai hpara ni hpe hkum galaw, hkum nawku myit.

ESAIA 30:22

Nanhte gaw gumhpraw hte sup ai hpara sumla ni hte ja hte sup ai hpara sumla ni hpe la nna matsat shabat arai zawn dai ni hpe kabai kau nna, “Nye a man kaw na pru mat wa mu!,” ngu nna jahtau tsun na rai myit dai.

ESAIA 66:3

“Dai amyu masha ni gaw shanhte awng sharawng ai hte maren galaw ma ai. Shanhte gaw dumsu usu hpe shagu hkungga shatai na matu mung, shinggyim masha hpe shagu hkungga shatai na matu mung sat ma ai; shanhte gaw sagu kasha hpe shagu hkungga nawng nna gwi a du hpe gang daw ma ai; shanhte gaw shadung hkungga nawng ya ma ai, wa asai hpe mung nawng ya ma ai; shanhte gaw manam pyaw ai baw hkungga nawng ma ai, hpara sumla kaw akyu hpyi ma ai. Shanhte gaw matsat shabat re ai nawku lai ni hta sharawng awng ma ai. Dai ni yawng gaw shanhte a matu maren sha rai nga ai.

YEREMIA 10:8

Shanhte yawng myit n su ai hte angawk angak re ai ni rai ma ai. Hpun hte tawk ai hpara sumla ni kaw na hpa baw a lam hpe shanhte sharin la lu nga ma ta?

JAW JAU 19:4

“Ngai hpe kau da nna hpara sumla hkum nawku myit; nhprang arai hte hpara sumla ni hpe hkum galaw myit; dai ni hpe hkum nawku myit. Ngai gaw dai Madu nanhte a Karai Kasang nan rai nga nngai.

YAWHAN 16:2

Shanhte gaw Tara Jawng ni hta na nanhte hpe gawt shapraw kau na mara ai. Nanhte hpe sat kau lu ai wa kadai mung, Karai Kasang a magam gun hpai nga nngai, nga nna myit la ai aten kaja wa du wa na ra ai.

TARA JAHPRANG 12:3

Shanhte a tawn hkungri ni hpe agrawp kau ya nna chyoi pra ai nlung shadaw ni hpe mung adawt mani kau ya mu. Shanhte a Ashera hpara num sumla hpe nat kau ya nhtawm dai shara ni hta shanhte galoi mung bai n nawku lu mat hkra shanhte a hpara sumla ni hpe kran daw kau ya mu.

TARA JAHPRANG 27:15

“ ‘Dai Madu gaw hpara sumla nawku ai htung hpe n dawng nga ai rai nna, nlung, hpun hte nhprang arai ni hte tawk nhtawm dai hpe makoi magap nawku ai wa kadai mung Karai Kasang kaw na dagam dala hkrum wu ga law.’ “Shaloi Amyu masha ni yawng gaw, ‘Amen!,’ ngu nna htan na rai ma ai.

TARA AGYI 17:13

Mihka gaw, “Ya chyawm gaw nye a hkinjawng tai ya ai Lewi masha langai mi lu nga nngai rai nna dai Madu ngai hpe ngamu ngamai shangun na gaw, ngai chye nngai,” ngu nna tsun wu ai.

TARA AGYI 17:2

Shi gaw shi a kanu hpe, “Marai langai ngai nang kaw na gumhpraw hkying mi latsa lagu la kau ya ai shaloi, dai lagut wa hpe nang matsa kau nga ndai. Nang dai hku galaw ai hpe ngai na nngai. Yu u, dai gumhpraw ngai lu nngai. Dai hpe la ai wa gaw ngai rai nga nngai,” ngu nna tsun wu ai. Shaloi shi a kanu gaw, “Ngai sha e, dai Madu gaw nang hpe shaman ya u ga law!,” ngu nna tsun wu ai.

TARA AGYI 17:4

Dai hpang shi gaw gumhpraw dai shi a kanu hpe bai ap ya wu ai. Kanu mung gumhpraw lahkawng tsa la nhtawm hpara sumla hpe hpun hte tawk nna gumhpraw hte jaw ai amu galaw ai janghkam wa hpe sa jaw wu ai. Dai gaw Mihka a nta e tawn da nga ai.

TARA AGYI 18:30

Dan a masha ni mahtang nawku na matu hpara sumla shadun ma ai rai nna Mawshe a kashu, Gershom a kasha Yonahtan hte shi a matu mara ni gaw dai masha ni bawng dung mat ai shani du hkra Dan amyu bawsang a matu hkinjawng tai let daw jau ma ai.

TARA AGYI 18:5

Shanhte gaw shi hpe, “Anhte hkawm sa ai hkrun lam awng dang, n awng dang na, chyeju hte Karai Kasang kaw san ya mi,” ngu nna tsun ma ai.