TARA AGYI 17:10 - Jinghpaw Common Language Bible 2009

¹⁰ Mihka gaw, “Ngai kaw nga ga. Ngai hpe hpaji jaw ai wa hte nye a hkinjawng tai u, shaloi laning mi hta gumhpraw shi, hpun palawng hte lusha ngai nang hpe jaw na de ai,” ngu nna tsun wu ai.

Jinghpaw Hanson Version Bible

¹⁰ Mihka mung, “Ngai kaw nga ga; nye a kawa, nye a hkinjawng tai u; ngai nang hpe gumhpraw shi, hpun palawng hte lusha jaw na de ai,” ngu nna saw wu ai. Dai re ai majaw, dai Lewi masha shang nga nga ai.

TARA AGYI 17:10 ပူးပေါင်းရင်းမြစ်များ

NINGPAWT NINGHPANG 45:8

Dai re ai majaw, ngai hpe ndai de shangun dat ai gaw teng teng nanhte rai myit dai n rai; Karai Kasang mahtang shangun dat ai she rai nga ai. Shi gaw ngai hpe hkawhkam wa a tsaw htum ai arawng aya hte hpring ai mung du shatai ni ai. Ngai mahtang shi a mung ting hpe hpareng ai wa rai nga nngai; Egutu mung ting hpe up hkang ai wa mung ngai rai nga nngai.

2 HKAWHKAM 13:14

Myihtoi Elisha gaw si lu na daram re ai ana ahkya hte machyi hkrum sha nga ai; shi kaleng taw nga yang Israela Hkawhkam Yehoasha shi kaw sa du kawan wu ai. Shaloi shi hkrap let, “Nye wa e, nye wa e, nang gaw Israela a matu chyalai n-gun hte hpring ai dahpran shara rai nga nit dai law,” ngu nna jahtau tsun wu ai.

2 HKAWHKAM 2:12

Elisha gaw dai hpe mu nna Elia hpe, “Nye a wa e, nye a wa e! Israela hpe chyalai n-gun hte makawp maga ai wa e! Nang gaw hkawm mat wa nit hka!,” ngu nna jahtau tsun wu ai. Shing rai Elia hpe shi galoi mung bai n mu lu mat nu ai. Elisha chyawm gaw yawn ai myit hte shi a ntsa palawng hpe lahkawng brang di nna gang je kau wu ai.

2 HKAWHKAM 6:21

Israela hkawhkam gaw dai Suri masha ni hpe mu jang, shi gaw Elisha hpe, “Madu e, ngai shanhte hpe sat kau na rai nga a ni? Ngai shanhte hpe sat kau na rai nga a ni?,” ngu nna san wu ai.

YOBA 29:16

Ngai gaw matsan mayan masha ni a matu kawa langai zawn rai nga nngai; tsin-yam hkrum ai tsasam masha ni a amu hpe ngai sawk yu nngai.

ESAIA 22:21

Ngai gaw na a tara shang palawng galu shi hpe jahpun ya nhtawm, shi hpe shingkyit kyit ya nna, nang hpe jaw tawn da ai ahkang aya mahkra, shi hpe ap ya na nngai. Shi gaw Yerusalem mare na amyu masha ni hte Yuda mung a kawa tai nga na ra ai.

EZEKELA 13:19

Nanhte gaw nye a amyu masha ni a man e muk-yaw mam latup nkau mi hte muk hkyep loi mi lu la na matu ngai hpe n kaw n law di myit dai. Nanhte gaw n si ging ai amyu masha ni hpe sat kau myit dai; n jahkrung da ging ai amyu masha ni hpe jahkrung da nga myit dai. Nanhte gaw nye a amyu masha ni hpe masu magaw ga tsun nhtawm shanhte gaw nanhte tsun ai ga hpe kam nga ma ai,” ngu nna tsun wu ai.

MAHTE 26:15

“Ngai nanhte a lata hta Yesu hpe ap ya jang, ngai hpe gade jaw na myit ta?,” ngu nna san mu ai. Dai rai nna shanhte gaw gumhpraw lap sumshi hti ya mu ai.

YAWHAN 12:6

Shi shing nga nna tsun ai gaw, matsan mayan ni hpe matsan dum ya nna tsun ai n rai, shi gaw gumhpraw jan jum ai wa rai nga ai rai nna, bang da ai gumhpraw hta na sen di sha ai lagut rai nga ai majaw tsun ai sha rai nga ai.

1 TIMOHTI 6:10

Hpa majaw nga yang, gumhpraw marin ai myit chyawm gaw n hkru n kaja ai lam amyu myu a ru npawt rai nga ai. Masha nkau mi gaw gumhpraw hpe lu la na matu grai myit katu ra sharawng nga ma ai majaw makam masham kaw na lam yit mat wa ma ai hte yawn hkyen ai lam amyu myu hte shanhte a myit kraw lawang ni hpe daw hten mat shangun ma ai.

1 PETRU 5:2

Karai Kasang nanhte hpe ap ya da sai sagu hpung a sagu rem ai ni zawn, Karai Kasang galaw shangun mayu ai hku hte maren myit lawm ai hte kabu gara let bau rem gawn lajang nga mu. Ja gumhpraw shabrai lu na matu sha galaw ai hku n rai, kaja wa daw jau mayu ai shawang myit hte daw jau mu.

TARA AGYI 17:11

Dai Lewi shabrang wa mung Mihka hte rau nga na myit hkrum ya wu ai rai nna shi a kasha langai mi zawn tai wa nu ai.

TARA AGYI 17:9

Mihka gaw shi hpe, “Nang gaw kanang na du sa wa n ni?,” ngu nna san wu ai. Shi chyawm gaw, “Ngai gaw Yuda mung Betlehem mare na Lewi masha rai nga nngai. Ngai gaw shingbyi shara langai tam hkawm nga nngai,” ngu nna htan wu ai.

TARA AGYI 18:4

Shi gaw, “Shi a hkinjawng tai let daw jau amu galaw na matu Mihka hte ngai jahkrum da ai lam nga nngai,” ngu nna htan wu ai.

1 SAMUELA 2:36

Naw hkrung nga ai na a matu mara ni kadai mung dai hkinjawng wa kaw sa nhtawm gumhpraw hte lusha shi kaw sa hpyi na ra ai; lama ma lu sha hkra nga, hkinjawng ni hpe karum ya lu na ahkang hpyi la na mara ai.”