TARA AGYI 16:7 - Jinghpaw Common Language Bible 2009

⁷ Samson gaw, “Garai n hkraw mat ai ndan sumri nnan sanit hte ngai hpe gyit hkang yang, ngai gaw masha gale ni zawn n-gun kya mat na ra ai,” ngu nna htan wu ai.

Jinghpaw Hanson Version Bible

⁷ Samson gaw, “Garai n hkraw mat yu ai yang lasa katsing sumri sanit hte ngai hpe hyit hkang yang, ngai hta n-gun daw mat nna, masha gale zawn rai na ring ngai,” ngu nna shi e tsun wu ai.

TARA AGYI 16:7 ပူးပေါင်းရင်းမြစ်များ

GA SHAGAWP 12:19

Masu magaw ai gaw asak kadun nga ai rai ti mung, teng man ai gaw htani htana agrin nga ai.

GA SHAGAWP 17:7

Hkungga hkrum sai masha ni gaw masu magaw ga n tsun nga ma ai; angawk ai ni chyawm gaw manu dan ai ga hpe tsun na, hpa mung n lu nga ai.

ROMA 3:8

“Mai kaja ai lam byin pru u ga, n kaja ai lam galaw ga,” ngu nna tsun na rai ni? Ndai hku nan ngai tsun ai nga nna masha nkau mi ngai hpe mara shagun ai hte n kaw n law roi asawng ma ai. Dai masha ni gaw daw dan ai ari hkrum ging ai hte maren shanhte hkrum na mara ai.

GALATI 6:7

Nanhte gaw tinang hkum hpe hkalem nna lam hkum dam myit; Karai Kasang hpe kadai mung n sawn n sang di lu na n rai. Masha gaw tinang gat hkai ai hte maren dan la na ra ai.

KOLOSE 3:9

Shada da masu magaw ga hkum tsun myit; hpa majaw nga yang, dai gawng shingyan dingsa hte hpawn tinang a arawn alai ni hpe nanhte raw kau nna gawng shingyan ningnan hpe dagraw la manit dai.

TARA AGYI 16:10

Delila gaw Samson hpe, “Yu u, nang ngai hpe teng man ai lam n tsun dan ai sha ngai hpe mana shachyoi kau nga nit dai. Marai langai ngai nang hpe kaning rai gyit la lu na lam ngai hpe chyeju hte tsun dan e,” ngu nna tsun wu ai.

TARA AGYI 16:6

Dai rai nna Delila mung Samson hpe, “Nang hpe kaning rai n-gun grai shaja ya ai lam ngai hpe chyeju hte tsun dan e. Marai langai ngai nang hpe gyit nna nang hpa n di lu hkra kaning rai galaw lu na rai nga a ta?,” ngu nna tsun wu ai.

TARA AGYI 16:8

Dai rai nna Hpilisti hkawhkam ni gaw garai n hkraw mat ai ndan sumri nnan sanit Delila hpe la sa ya ma ai rai nna shi gaw Samson hpe gyit tawn wu ai.

TARA AGYI 16:9

Shi gaw lasha nkau mi hpe kaga gawk kata e la nga shangun nhtawm shi gaw, “Samson e! Hpilisti masha ni du mara ai law!,” ngu nna jahtau tsun dat wu ai. Rai ti mung shi chyawm gaw dai ni hpe wan hkra yang saman ri di mat ai zawn dai ndan sumri ni hpe gang di kau wu ai. Dai rai nna shi a n-gun ip da ai lam hpe shanhte n chye ya ma ai.

1 SAMUELA 19:17

Shawlu gaw Mihkala hpe, “Nang ngai hpe ndai zawn hpa majaw masu hkalem nna nye a gumlau hpyen wa hpe shalawt kau dat n ni?,” ngu nna san wu ai. Shi gaw, “Ngai shi hpe lawt mat wa hkra n karum kau dat ai rai yang, shi ngai hpe sat na nga nna tsun ai,” ngu nna htan wu ai.

1 SAMUELA 27:10

“Ndai aten hta nang gara hkan e hkan hpya hkawm nga n ni?,” ngu nna shi hpe san ai shaloi, Dawi gaw shi hpe Yuda mung a dingda daw shing n rai Yeramela lakung lama ni nga ai lamu ga, shing n rai Keni masha ni nga ai lamu ga de du hkra sa gasat ga ai, ngu nna tsun na mu ai.