TARA AGYI 16:2 - Jinghpaw Common Language Bible 2009

² Dai yang e Samson nga nga ai hpe Gaza masha ni chye ma ai shaloi, shanhte gaw dai shara hpe wang da nhtawm mare chyinghka e shana tup shi hpe la ma ai. Shanhte gaw shana tup asim sha nga nhtawm, “Shi hpe nhtoi htoi ai aten du hkra la ga, dai hpang she shi hpe sat kau ga,” ngu nna shanhte myit yu let tsun ma ai.

Jinghpaw Hanson Version Bible

² Shaloi, Samson du ra ai, nga nna Gaza masha ni hpe shana ma yang, shanhte shi e wang tawn ai hte, shana tup mare chyinghka e lagyim hkap nga nna, “Nhtoi htoi jang she shi hpe sat na ga ai,” nga nna tsun let, shana tup asim sha nga ma ai.

TARA AGYI 16:2 ပူးပေါင်းရင်းမြစ်များ

MAHTE 21:38

Rai ti mung, sun galaw ai ni dai kasha hpe hkap mu jang, ‘Ndai wa gaw sun madu a kasha rai nna sali wunli dagraw na wa rai nga ai, sa marit shi hpe sat kau nna shi a sali wunli anhte la kau ya gaw,’ nga nna shada da bawng dup la ma ai.

MAHTE 27:1

Jahpawt jau jau e hkinjawng agyi ni hte mung masha ni a salang ni yawng hte gaw, Yesu hpe sat kau na lam ni bawng ban ma ai.

LUKA 21:20

“Yerusalem mare hpe hpyen hpung ni e wang kawan da ai hpe, nanhte mu myit yang, dai mare gade n na yang, jahten kau ai hkrum na ra ai hpe dum chye mu.

KASA 23:15

Dai re ai majaw, nanhte hte salang hpawng hta lawm ai ni gaw, Pawlu a lam grau nna teng man ai shiga chye lu hkra atsawm sha naw san jep yu na ngu tsun jahpai nhtawm nanhte hpang de shi hpe shaga la na matu hpyen du kaba wa hpe hpyi dat mu. Shaloi anhte gaw shi nang de garai n du ai lam lapran e naw rai nga yang sat na jin jin rai nga na ga ai,” ngu mu ai.

KASA 9:24

Rai ti mung shanhte a maw ai lam hpe Shawlu chye kau ya mu ai. Shi hpe sat kau lu na matu shanhte shani shana mare chyinghka ni hta hkap nga ma ai.

TARA AGYI 15:18

Dai hpang Samson gaw grai hpang gara ai rai nna dai Madu hpe shi shaga nhtawm, “Nang gaw ndai awng padang kaba ngai hpe jaw nit dai; Ya ngai gaw hpang gara ai hte si wa nna ndai tara maigan masha Hpilisti masha ni a lata hta rim hkrum na rai ni?,” ngu nna tsun wu ai.

TARA AGYI 16:3

Rai ti mung, Samson chyawm gaw yuptung du hkra sha yup ra e nga nga wu ai. Dai hpang shi rawt nna mare chyinghka hpe hkadun ni, shadaw ni, htinggrang hte yawng mayawng hte hpe baw la nhtawm shi a lahpa hta mara nna Hebron mare hpe praw rai mu mada lu ai kawng pungding de lung wa ai lam de hpai tawn kau wu ai.

1 SAMUELA 19:11

Dai shana jang, Shawlu gaw shi a masha nkau mi, Dawi a nta hpe sin yu da shangun nna hpang jahpawt e shi hpe sat kau na matu shangun dat wu ai. Dawi a madu jan Mihkala chyawm gaw shi hpe, “Nang dai na e n hprawng pru mat wa ai rai yang, si na rin dai,” ngu nna sadi jaw wu ai.

1 SAMUELA 23:26

Shawlu hte shi a masha ni gaw Dawi hte shi a masha ni hte lam n hkrum ai sha kawng a maga mi de, Dawi hte shi a masha ni mung maga mi de rai nga nga ma ai. Shanhte gaw Shawlu hte shi a masha ni shanhte hpe lu rim la hkra nga, ani sha kahtep sa wa ai Shawlu hte shi a masha ni a lata kaw na tin tin hprawng shaja nga ma ai.