TARA AGYI 16:12 - Jinghpaw Common Language Bible 2009

¹² Delila gaw sumri nnan ni hpe la nhtawm, shi hpe gyit tawn wu ai. Dai hpang shi gaw, “Samson e! Hpilisti masha ni sa wa mara ai law!,” ngu nna jahtau tsun wu ai. Lasha ni gaw kaga gawk hta ala nga ma ai. Rai ti mung shi chyawm gaw shi a lahpum na sumri ni hpe saman ri ni hpe zawn gang di kau wu ai.

Jinghpaw Hanson Version Bible

¹² Shing rai, Delila sumri nnan la nna shi e gyit tawn nhtawm, “Samson e, Hpilisti masha ni nang hpe htim mara ai,” ngu wu ai. Lagyim nga ai ni chyawm gaw, nhku gawk kata e nga nga ma ai. Shi gaw shi a lahpum na sumri dai hpe ri samyan zawn gang dut kau wu ai.

TARA AGYI 16:12 ပူးပေါင်းရင်းမြစ်များ

KASA 21:33

Dai shaloi dap up du kaba wa sit sa nna Pawlu hpe rim la nhtawm Hpri sumri lahkawng hte gyit na hkang da mu ai. Dai hpang shi gaw, “Ndai masha kadai rai ta? Shi hpa galaw shut sata?,” nga nna san jep wu ai.

TARA AGYI 15:14

Shi gaw Lehi mare de du ai shaloi, Hpilisti masha ni shi hpang de kagat sa wa nhtawm shi hpe jahtau ma ai. Dai Madu a daru magam n-gun gaw shi hpe akajawng sha n-gun shaja ya ai rai nna saman ri hkru mat ai zawn shi a lata lahpum ni hpe gyit gumbat da ai sumri ni hpe shadi kau wu ai.

TARA AGYI 16:11

Shi gaw dai numsha hpe, “Shanhte gaw galoi mung garai n lang yu ai sumri nnan hte ngai hpe gyit hkang da ai rai yang, ngai gaw masha gale zawn n-gun kya mat na rai nngai,” ngu nna htan wu ai.

TARA AGYI 16:13

Delila gaw Samson hpe, “Nang gaw ngai hpe mana naw shachyoi nna teng man ai lam ngai hpe n tsun dan nga ndai. Marai langai ngai nang hpe kaning rai gyit la lu na lam ngai hpe tsun dan e,” ngu nna tsun wu ai. Shi chyawm gaw, “Nye a kara majaw sanit hpe da shan hta da bang nna shangang da ai rai yang, masha gale zawn ngai hta n-gun kya mat na rai nngai,” ngu nna htan wu ai.