TARA AGYI 16:11 - Jinghpaw Common Language Bible 2009

¹¹ Shi gaw dai numsha hpe, “Shanhte gaw galoi mung garai n lang yu ai sumri nnan hte ngai hpe gyit hkang da ai rai yang, ngai gaw masha gale zawn n-gun kya mat na rai nngai,” ngu nna htan wu ai.

TARA AGYI 16:11 ပူးပေါင်းရင်းမြစ်များ

GA SHAGAWP 13:3

Nang tsun shaga ai ga hpe sadi maja nna, na a asak hpe makawp maga nga u; abrawp abrap nga nna tsun shaga ai wa gaw, shi a hkum hpe jahten sharun nga ai.

GA SHAGAWP 13:5

Myit malang ai masha ni gaw masu magaw ga ni hpe n dawng nga ma ai; tara n lang ai masha ni a n-gup aga ni gaw kaya kahpa hte sari jahpoi ai hkrum nga ma ai.

GA SHAGAWP 29:25

Kaga masha ni na a lam hpe myit yu ai lam hta sa ginchya nang ai gaw hkrit tsang shara rai nga ti mung, nang gaw dai Madu hta kamhpa lashum nga ai rai yang, nang shim nga lu nga ndai.

EHPESU 4:25

Dai majaw masu ai ga hkum tsun mu; langai hte langai gaw tinang a kam sham ai hpu nau wa hpe teng man ai ga sha tsun u ga, hpa majaw nga yang, anhte yawng gaw Hkristu ngu ai hkum hkrang a daw chyen ni rai nga ga ai.

TARA AGYI 15:13

Shanhte mung, “Mai sa, nang hpe chyu sha anhte gyit nna, shanhte a lata de ap ya na ga ai. Anhte nang hpe sat na ga ai n rai,” ngu nna tsun ma ai. Shanhte gaw sumri nnan lahkawng hte shi hpe gyit nhtawm dai lungbra n-gam kaw na woi wa ma ai.

TARA AGYI 16:10

Delila gaw Samson hpe, “Yu u, nang ngai hpe teng man ai lam n tsun dan ai sha ngai hpe mana shachyoi kau nga nit dai. Marai langai ngai nang hpe kaning rai gyit la lu na lam ngai hpe chyeju hte tsun dan e,” ngu nna tsun wu ai.

TARA AGYI 16:12

Delila gaw sumri nnan ni hpe la nhtawm, shi hpe gyit tawn wu ai. Dai hpang shi gaw, “Samson e! Hpilisti masha ni sa wa mara ai law!,” ngu nna jahtau tsun wu ai. Lasha ni gaw kaga gawk hta ala nga ma ai. Rai ti mung shi chyawm gaw shi a lahpum na sumri ni hpe saman ri ni hpe zawn gang di kau wu ai.