TARA AGYI 15:7 - Jinghpaw Common Language Bible 2009

⁷ Samson gaw shanhte hpe, “Nanhte dai hku galaw myit hka i! Dai hku rai yang, nanhte hpe ngai matai htang lu ai aten du hkra ngai tawn da na mawe ai n rai ngu nna dagam se ai,” ngu nna tsun wu ai.

Jinghpaw Hanson Version Bible

^7-8 Dai majaw Samson gaw, “Nanhte dai hku galaw myit yang gaw, ngai mung masin si hkra naw tai na made ai; masin si yang she da na we ai,” ngu nna, shanhte hpe tsun ai hte rau, shanhte hpe a mani ndi sat kau mu ai: dai hpang shi yu wa nna, Etam e nga ai lungpu hta sa rawng nga ai.

TARA AGYI 15:7 ပူးပေါင်းရင်းမြစ်များ

ROMA 12:19

Tsaw ra ai ni e, galoi mung tinang nan matai hkum htang mu, Karai Kasang mahtang she dai matai htang ai lam galaw u ga. Hpa majaw nga yang Chyum Laika hta Karai Kasang gaw, “Ngai matai htang na nngai, mara hte maren ngai htang jaw na nngai,” nga nna ka da nga ai.

TARA AGYI 14:19

Dai Madua daru magam n-gun gaw shi hpe akajawng sha n-gun shaja ya ai rai nna, shi gaw Ashkelon mare de yu wa nhtawm lasha sumshi hte hpe sat kau wu ai. Shanhte a mani tsawm ai hpun palawng ni hpe raw sharun la nhtawm gumwai ga htai lu ai lasha ni hpe jaw kau wu ai. Dai hpang byin lai wa sai lam a majaw masin kahtet ai hte nta de nhtang mat wa wu ai;

TARA AGYI 14:4

Dai Madu gaw Hpilisti masha ni hpe gasat kau na lam tam nga ai hpe kanu yan kawa n chye ma ai; Dai amu hpe Samson galaw na matu, dai Madu woi awn nga ai. Ndai aten hta Hpilisti masha ni Israela hpe up nga ma ai.

TARA AGYI 15:6

Hpilisti masha ni gaw ndai amu hpe kadai wa galaw kau nu ai hpe san ma ai shaloi, Timna mare na katsa wa gaw Samson a madu jan hpe Samson a manang wa a lata de jaw ya wu ai majaw Samson gaw ndai amu hpe galaw kau nga nu ai hpe shanhte chye ma ai. Shaloi Hpilisti masha ni sa nna dai numsha hpe mung, kawa a nta hpe mung nat kau ya ma ai.

TARA AGYI 15:8

Shi gaw shanhte hpe mazut ai hku htim gasat ai hte shanhte hta na law law hte hpe sat kau wu ai. Dai hpang Etam e nga ai n-gam na lungpu kata hta shi sa nga nga wu ai.