TARA AGYI 15:18 - Jinghpaw Common Language Bible 2009

¹⁸ Dai hpang Samson gaw grai hpang gara ai rai nna dai Madu hpe shi shaga nhtawm, “Nang gaw ndai awng padang kaba ngai hpe jaw nit dai; Ya ngai gaw hpang gara ai hte si wa nna ndai tara maigan masha Hpilisti masha ni a lata hta rim hkrum na rai ni?,” ngu nna tsun wu ai.

Jinghpaw Hanson Version Bible

¹⁸ Dai hpang shi grai hpang kara nna, Yehowa hpe hpyi wu ai gaw, “Nde wa kaba ai hkye la ai lam, nang na a mayam wa lata hte hpaw ya nhtawm, ya hpang kara ai hte ngai si wa nna, matu n gadoi ai ni a lata de shang mat na rai ni?” ngu wu ai.

TARA AGYI 15:18 ပူးပေါင်းရင်းမြစ်များ

NINGPAWT NINGHPANG 20:11

Abraham gaw, “Ndai yang e Karai Kasang hpe hkrit ai masha kadai mung n nga ai; nye madu jan hpe woi la lu na matu, ngai hpe sat kau na mu ai, ngu ngai myit nawn kau nngai.

NINGPAWT NINGHPANG 32:31

Hpeniela shara na Yaku pru wa yang, jan pru sai. Shi a dangbau a majaw shi a lagaw layawt mat wu ai.

2 SAMUELA 1:20

Dai ashi hpe Gat mare hkan hkum tsun ndau mu; Ashkelon mare lam hkan e hkum kajai myit. Hpilisti numsha ni hpe hkum kabu shangun myit; tara maigan masha ni a shayi sha ni hpe hkum gara shangun nga myit.

YAWHAN 19:28

Yesu gaw dai ahkying hta amu mahkra ngut sai hpe chye wu ai rai nna, dai Chyum Laika hta ka da ai hte maren shadik na matu, “Ngai hpang gara nngai,” ngu nna tsun wu ai.

HEBRE 11:32

Ngai naw matut tsun ra na rai ni? Hpa majaw nga yang, Gidon, Barak, Samson, Yephta, Dawi, Samuela hte myihtoi ni a lam hkai dan na nga yang, nye a aten n dang law nga li ai.

TARA AGYI 14:3

Rai ti mung shi a kanu yan kawa chyawm gaw shi hpe, “Nang gaw hpa majaw madu jan langai lu la na matu tara maigan amyu Hpilisti masha ni kaw sa ra nga n ni? Nang gaw anhte a lakung lama hta na mung, anhte a amyu masha ni yawng hta na numsha langai mi hpe mung n mu tam lu sani?,” ngu nna san wu ai. Rai ti mung Samson gaw shi a kawa hpe, “Nye a matu nan hpyi ya na ngai ra sharawng ai gaw shi langai sha rai nga ai. Ngai shi hpe ra nngai,” ngu nna tsun wu ai.

TARA AGYI 15:17

Dai hpang shi gaw shakap nra hpe kabai kau wu ai. Shing rai byin lai wa sai dai shara hpe Ramat Lehi ngu nna shamying wu ai.

TARA AGYI 16:28

Samson gaw, “Tsaw Htum ai Madu e, chyeju hte ngai hpe dum e law; myi lahkawng maga malawk kau ya ai Hpilisti masha ni hpe lang lata matai htang lu n-ga, Karai Kasang e, chyeju hte ngai hpe lang mi sha gaw n-gun naw jaw ya e law,” ngu nna hpyi shaga wu ai.

TARA AGYI 8:4

Dai aten hta Gidon hte shi a masha masum tsa hte gaw Yawdan hka de sa nna dai hka hpe rap ma ai. Shanhte gaw ba kalawp nga ma ti mung, gumlau hpyen ni hpe naw hkan shachyut ma ai.

1 SAMUELA 17:26

Dawi gaw shi hte ani sha nga ai masha ni hpe, “Dai Hpilisti masha wa hpe sat kau nna, ndai kaya kahpa jahpoi asawng hkrum nga ai kaw nna Israela amyu masha ni lawt lu jang, hpa baw lu la na re da aw? Ahkrung nga ai Karai Kasang a luksuk hpe hkap daw na, ndai n kam n sham ai Hpilisti masha wa gaw kaning re ai wa rai nga a ta?,” ngu nna san yu wu ai.

1 SAMUELA 17:36

Ngai gaw hkanghkyi ni hte tsap ni hpe sat kau yu ni ai rai nna, ahkrung nga ai Karai Kasang a luksuk hpe hkap daw nga ai ndai n kam n sham ai Hpilisti masha wa hpe dai hte maren ngai galaw kau na we ai.

1 SAMUELA 27:1

Dawi gaw, “Lani mi na nhtoi langai ngai hta Shawlu ngai hpe sat kau na ra ai. Dai re ai majaw Hpilisti mung de hprawng shang mat wa ai gaw nye a matu kaja htum ai lam rai na sai. Shaloi Shawlu gaw Israela mung e ngai hpe tam shakut hkawm ai hpe jahkring kau ai hte ngai mung shim nga lu na rai nngai,” ngu nna shi kraw e sumru wu ai.