TARA AGYI 15:11 - Jinghpaw Common Language Bible 2009

¹¹ Dai rai nna Yuda lasha hkying masum hte gaw Etam e nga ai n-gam na lungpu de sa wa nhtawm Samson hpe, “Hpilisti masha ni gaw anhte hpe up hkang ai ni rai nga ma ai hpe nang n chye n ni? Anhte hta hpa rai ning di nang galaw kau nu ta?,” ngu nna tsun ma ai. Shi gaw, “Shanhte ngai hpe galaw mi ai zawn sha ngai shanhte hpe galaw nngai,” ngu nna htan wu ai.

Jinghpaw Hanson Version Bible

¹¹ Shaloi Yuda mung na masha hkying masum hte gaw Etam lungpra na lungpu de yu wa nhtawm, Samson hpe, “Hpilisti masha ni anhte a madu rai nga ai, nang n chye nni? Dai rai yang, anhte hta hpa rai ning di galaw n ta?” ngu mu ai. Shi gaw, “Shanhte ngai hpe di ai hku, ngai shanhte hpe di mawe ai,” ngu nna htan wu ai.

TARA AGYI 15:11 ပူးပေါင်းရင်းမြစ်များ

1 HKAWHKAM LABAU 4:3

Hura gaw shi a kawa Hkaleb a madu jan Ehprat a kasha alat rai nna, shi a amyu matu ni gaw Betlehem mare hpe de da nga ma ai. Hura gaw shadang sha masum lu nga ai; dai ni gaw Etam, Penuela hte Ezera ni rai ma ai. Etam gaw shadang sha masum lu nga ai; dai ni gaw Yezrela, Ishma, Idbash hte shayi sha Hazeleponi ni rai nga ai. Penuela gaw Gedora mare hpe mung, Ezera gaw Husha mare hpe mung de da nga ma ai.

JAW JAU 26:25

Nye a ga shaka jahten kau myit dai majaw nanhte hpe ari jaw na matu nanhte a ntsa de majan shabyin dat na nngai; nanhte a mare ni hta shim lum na matu kahkyin rawng nga myit yang mung n mai tsi la lu ai ana ahkya nanhte hpang de ngai shangun dat na made ai. Nanhte gaw gumlau hpyen ni a lata de kanawng ap kau ai hkrum na rai myit dai.

TARA JAHPRANG 28:13

Dai ni, ngai nanhte hpe jaw ai shi a hkang da ai ga ni yawng hta sadi sahka let madat mara hkan sa myit dai rai yang, dai Madu nanhte a Karai Kasang gaw amyu baw ni hta ningbaw tai shangun na marin dai; hpang hkan ai wa shatai na n rai; nanhte gaw tut nawng ngamu ngamai nna galoi mung hkrat sum na myit dai n rai.

TARA JAHPRANG 28:43

“Nanhte a mungdan hta nga ai maigan masha ni mahtang daru magam n-gun grau grau rawng wa na mara ai; nanhte chyawm gaw angwi ngwi sha grit mat wa na marin dai.

TARA AGYI 13:1

Israela masha ni dai Madu hpe bai shut hpyit kau ma ai rai nna, shi gaw Hpilisti masha ni hpe shaning mali shi ning tup up hkang shangun wu ai.

TARA AGYI 14:4

Dai Madu gaw Hpilisti masha ni hpe gasat kau na lam tam nga ai hpe kanu yan kawa n chye ma ai; Dai amu hpe Samson galaw na matu, dai Madu woi awn nga ai. Ndai aten hta Hpilisti masha ni Israela hpe up nga ma ai.

TARA AGYI 15:10

Yuda masha ni gaw shanhte hpe, “Nanhte hpa majaw anhte hpe gasat nga myit ni?,” ngu nna san ma ai. Shanhte mahtang, “Samson shi anhte hpe di mi ai zawn shi hpe di na matu hte Samson hpe bawng masha hku woi la na anhte du sa ga ai,” ngu nna htan ma ai.

TARA AGYI 15:12

Shanhte gaw, “Shanhte a lata de nanhte hpe ap ya lu hkra ngu, nang hpe gyit la na matu, ndai yang e anhte du sa raga ai,” ngu nna tsun ma ai. Samson mahtang, “Nanhte nan ngai hpe n sat kau na ga ai, ngu ai ga ngai hpe jaw mi,” ngu nna tsun wu ai.