TARA AGYI 14:9 - Jinghpaw Common Language Bible 2009

⁹ Shaloi shi gaw lagat ntsin hpe shi a lata hta ahkut la nhtawm shi sa wa ai lam dingyang dai hpe sha wu ai. Dai hpang shi gaw kanu yan kawa hpang de sa wa nhtawm shan hpe nkau mi jaw wu ai. Shan dai hpe sha ma ti mung, hkanghkyi a si mang kaw na la wa ya ai lam shan hpe Samson n tsun dan wu ai.

Jinghpaw Hanson Version Bible

⁹ Shaloi shi manaw la nna sha let sa wa ai; kanu kawa hpe wa jaw nna shan sha ma ai: rai timung, lagat jahku dai, hkanghkyi kata na re ai gaw n tsun dan mu ai.

TARA AGYI 14:9 ပူးပေါင်းရင်းမြစ်များ

GA SHAGAWP 24:13

Sha e, lagat ntsin dai kaja nga ai majaw lu u. Gitbaw kaw nna kapya hkrat wa ai lagat ntsin gaw shinglet hta dwi nga ai.

GA SHAGAWP 25:15

Myit galu ai hte shadut ga chye tsun ai gaw ngang kang ai hpyen dap hpe sharun jahten lu ai hte mungdu ni hpe pyi kam hpa mat shangun lu nga ai.

TARA AGYI 14:10

Shi a kawa mung dai numsha a nta de sa ai hte Samson gaw dai yang e lusha poi galaw jaw nga ai. Dai gaw shabrang ni hta galaw ai htung langai rai nga ai.

TARA AGYI 14:8

Dai hpang kade n na yang, dai numsha hpe hkungran la na nga Samson bai nhtang sa wa wu ai. Shi sat tawn da ai hkanghkyi hpe sa yu na nga lam numshe de shang mat wa ai shaloi lagat ni gamawng jawng nga nna si mang kata e lagat ntsin rawng nga ai hpe mu nna kajawng mau mat wu ai.

1 SAMUELA 10:16

Shawlu gaw, “Yam nga ni bai mu la manu ai nga nna shi an hpe tsun dat mi ai,” ngu nna htan wu ai. Rai ti mung, shi hkawhkam tai wa na lam Samuela tsun nu ai ga hpe chyawm gaw shi n tsun dan wu ai.

1 SAMUELA 14:1

Lani mi na aten hta Yonahtan gaw shi a hpyen laknak arai hpai ya ai shabrang wa hpe, “Wora Hpilisti dap de sa yu ga,” ngu nna tsun wu ai. Rai ti mung Yonahtan mahtang, Gibea mare hte nau n tsan ai Migron shara na hkainu si hpun nhpang e dap jung nga ai shi a kawa Shawlu hpe n tsun dan wu ai. Shawlu hte rau masha kru tsa dang nga nga ma ai.