TARA AGYI 14:6 - Jinghpaw Common Language Bible 2009

⁶ Dai Madu a daru magam n-gun gaw Samson hpe akajawng sha n-gun shaja dat ya ai rai nna bainam kasha langai hpe zawn shi a lata kaman hte dai hkanghkyi hpe gang je kau wu ai. Rai ti mung shi gaw shi hpa galaw kau nu ai lam shi a kanu yan kawa hpe n tsun dan wu ai.

Jinghpaw Hanson Version Bible

⁶ Shaloi shi a lata hta hpa n lang timung, Yehowa Wenyi shi hta aja awa du nna, bainam kasha gang je kau ai zawn di nna, hkanghkyi dai hpe gang je kau wu ai: shi galaw ai lam kanu kawa hpe mung n tsun dan wu ai.

TARA AGYI 14:6 ပူးပေါင်းရင်းမြစ်များ

SHAKAWN KUNGDAWN 91:13

Hkanghkyi ni hte lapu ni, matse ai hkanghkyi ni hte tuk rawng ai lapu ni a ntsa e, nang kabye hkawm lu na ra ai.

ESAIA 42:2

Shi jahtau na n rai, shi a nsen sharawt na n rai, nmaw lam ni hkan nsen ja ai hte tsun na n rai.

ZEHKARIA 4:6

Dai lamu kasa gaw Madu kaw na pru ai ndai mungga Zerubabela hpe jaw ya na matu ngai hpe ning nga nna tsun ai: “Nang gaw hpyen dap n-gun hte mung n rai, na a n-gun atsam hte mung n rai; rai ti mung nye a wenyi hte sha awng dang lu na rai ndai.

MAHTE 11:29

Ngai gaw myit sumnung ai hte myit gyip nga nngai rai nna, nye a kandang hpe hpai mu, nye a lam sharin la mu: dai rai yang, nanhte a myit masin ban sa ai hkrum na malit dai.

HEBRE 11:33

Dai ni gaw kam sham ai hte masha mungdan ni hpe gasat nna dang kau lu ma ai, Shanhte gaw ding hpring ai lam hpe hkan sa galaw nna Karai Kasang ga sadi jaw da ai lam hpe hkam la ma ai. Hkanghkyi ni a n-gup ni hpe pat kau lu ma ai.

1 YAWHAN 3:8

Yubak sha naw agalaw shanang nga ai wa kadai rai ti mung, Nat hte seng ai wa rai nga ai, hpa majaw nga yang, Nat gaw shawng npawt kaw nna yubak galaw nu ai. Dai rai nna Nat a amu bungli hpe sharun jahten kau na matu, Karai Kasang a Kasha gaw paw pru wa sai.

TARA AGYI 11:29

Shaloi dai Madu a wenyi gaw Yephta a ntsa e du nna Gilead hte Manashe mung hku ga lai mat wa nhtawm Gilead mung na Mizpa mare de nhtang wa let Amon mung de sa wa wu ai.

TARA AGYI 13:25

Zoara hte Eshtola na Dan amyu dap hta shi nga nga yang, dai Madu a daru magam n-gun shi hpe jaw hpang wu ai.

TARA AGYI 14:19

Dai Madua daru magam n-gun gaw shi hpe akajawng sha n-gun shaja ya ai rai nna, shi gaw Ashkelon mare de yu wa nhtawm lasha sumshi hte hpe sat kau wu ai. Shanhte a mani tsawm ai hpun palawng ni hpe raw sharun la nhtawm gumwai ga htai lu ai lasha ni hpe jaw kau wu ai. Dai hpang byin lai wa sai lam a majaw masin kahtet ai hte nta de nhtang mat wa wu ai;

TARA AGYI 14:5

Shaloi Samson gaw shi a kanu yan kawa hte rau Timna mare de yu wa ma ai. Shanhte gaw dai yang e nga ai sabyi sun hku lai yu wa nga ma yang hkanghkyi uram langai shabam nga ai hpe shi na wu ai.

TARA AGYI 14:7

Dai hpang shi sa nna dai mahkawn numsha hpe ga shaga ai hte shi gaw dai numsha hpe ra sharawng mat wu ai.

TARA AGYI 15:15

Dai hpang mi sha si mat sai lawze langai a shakap nra hpe shi mu hkrup wu ai. Shi gaw dai hpe gum let hta la nhtawm masha hkying mi hpe dai hte sat kau wu ai.

TARA AGYI 15:8

Shi gaw shanhte hpe mazut ai hku htim gasat ai hte shanhte hta na law law hte hpe sat kau wu ai. Dai hpang Etam e nga ai n-gam na lungpu kata hta shi sa nga nga wu ai.

TARA AGYI 16:30

“Hpilisti masha ni hte rau ngai si wa ni ga!,” ngu nna jahtau tsun wu ai. Shaloi shi a n-gun atsam mahkra hte kanawng dat wu ai shaloi, dai nta gaw hkawhkam manga ni a ntsa e mung, dai hta rawng marawng masha shagu hte a ntsa e mung daw agrawp gamyet bun nga ai. Shi naw hkrung nga yang sat kau lu ai hta shi si ai shani Samson sat kau ai masha gaw grau law nga ai.

TARA AGYI 3:10

Dai Madu a wenyi mung shi a ntsa e dung nga ai rai nna shi gaw Israela a ningbaw tai wa nga sai. Otniela majan rawt wu yang, dai Madu gaw Mesopotamia hkawhkam hpe gasat dang kau lu ai awng padang shi hpe jaw wu ai.

1 SAMUELA 10:16

Shawlu gaw, “Yam nga ni bai mu la manu ai nga nna shi an hpe tsun dat mi ai,” ngu nna htan wu ai. Rai ti mung, shi hkawhkam tai wa na lam Samuela tsun nu ai ga hpe chyawm gaw shi n tsun dan wu ai.

1 SAMUELA 10:6

Shaloi dai Madu a wenyi gaw akajawng sha nang hpe up hkang nna nawku htung hte seng ai ka manawt ai hte jahtau garu ai hta nang shang lawm nhtawm laklai ai masha tai wa na rin dai.

1 SAMUELA 11:6

Shawlu gaw dai shiga na ai shaloi, Karai Kasang a wenyi shi hpe up hkang nga ai rai nna shi masin ja ja kahtet nga ai.

1 SAMUELA 14:1

Lani mi na aten hta Yonahtan gaw shi a hpyen laknak arai hpai ya ai shabrang wa hpe, “Wora Hpilisti dap de sa yu ga,” ngu nna tsun wu ai. Rai ti mung Yonahtan mahtang, Gibea mare hte nau n tsan ai Migron shara na hkainu si hpun nhpang e dap jung nga ai shi a kawa Shawlu hpe n tsun dan wu ai. Shawlu hte rau masha kru tsa dang nga nga ma ai.

1 SAMUELA 17:46

Dai ni jang, dai Madu gaw nye a lata de nang hpe ap kau na ra ai rai nna nang hpe ngai gasat dang kau nhtawm na a baw kahtam di la na nngai. Hpilisti ni a moi mang ni hpe mung ntsa malen u ni hte dusat ni sha na matu, ngai jaw kau na mawe ai. Israela amyu hta Karai Kasang nga nga ai hpe mungkan ga ting chye lu na mara ai;