TARA AGYI 14:2 - Jinghpaw Common Language Bible 2009

² Shi gaw nta de nhtang wa nhtawm shi a kanu yan kawa hpe, “Nye a myit gang la kau ya lu ai Hpilisti numsha langai Timna mare e nga nga ai. Shi hpe nye a matu hpyi ya mi; ngai shi hpe hkungran la mayu nngai,” ngu nna tsun wu ai.

Jinghpaw Hanson Version Bible

² Shaloi shi bai wa nna kanu kawa hpe, “Timna e Hpilisti num langai mi mu da se ai; nye matu hpyi ya mi,” ngu nna tsun wu ai.

TARA AGYI 14:2 ပူးပေါင်းရင်းမြစ်များ

NINGPAWT NINGHPANG 21:21

Shi a kanu mung shi a matu Egutu shayi sha langai mi tam ya wu ai.

NINGPAWT NINGHPANG 34:4

Shi gaw kawa hpe, “Ndai numsha hpe nye a madu jan shatai la na, ngai ra sharawng nngai,” ngu nna tsun wu ai.

NINGPAWT NINGHPANG 38:6

Yuda gaw shi a kasha alat Era a matu Htama mying ai numsha hpe la ya wu ai.

2 HKAWHKAM 14:9

Rai ti mung Hkawhkam Yehoasha mahtang ning ngu nna bai htang shana dat wu ai: “Kalang mi Lebanon Bum ntsa hkan nga ai ju maling gaw marau hpun langai mi hpang de ning ngu mungga tsun dat wu ai gaw, ‘Na a shayi sha hpe nye a kasha hte ya sha ga,’” ngu nna tsun nga yang, nam na matse labye dusat lai sa wa nna ju sumwum hpe kabye agrawp kau wu ai.

YEREMIA 29:6

Num la nna kashu kasha shaprat mu. Nanhte a kashu kasha ni hpe dinghku de ya nna shanhte mung kashu kasha shaprat mu ga. Nanhte gaw mayat maya ai lam hta jat wa lu nna dai hta hkum yawm wa myit.

TARA AGYI 14:1

Lani mi na aten hta Samson gaw Timna de yu wa nna Hpilisti numsha langai mi hpe yu matsing da wu ai.

TARA AGYI 14:3

Rai ti mung shi a kanu yan kawa chyawm gaw shi hpe, “Nang gaw hpa majaw madu jan langai lu la na matu tara maigan amyu Hpilisti masha ni kaw sa ra nga n ni? Nang gaw anhte a lakung lama hta na mung, anhte a amyu masha ni yawng hta na numsha langai mi hpe mung n mu tam lu sani?,” ngu nna san wu ai. Rai ti mung Samson gaw shi a kawa hpe, “Nye a matu nan hpyi ya na ngai ra sharawng ai gaw shi langai sha rai nga ai. Ngai shi hpe ra nngai,” ngu nna tsun wu ai.