TARA AGYI 13:7 - Jinghpaw Common Language Bible 2009

⁷ Rai ti mung ngai na-um nasin rai nna shadang sha shangai wa na lam hpe chyawm gaw shi ngai hpe tsun wu ai. Shi gaw sabyi ntsin hpe mung, chyaru hpa hpe mung n lu ai sha, hkum da ai lusha hpa hpe mung n sha na lam, ngai hpe tsun wu ai; hpa majaw nga yang, shi hkrung nga dingsa Nazari langai zawn Karai Kasang hta ap nawng da hkrum na rai nga wu ai,” ngu nna tsun dan wu ai.

Jinghpaw Hanson Version Bible

⁷ rai timung shi gaw, ‘Yu u, nang na-um nasin rai nna, shadang sha shangai na rin dai: dai rai nna, tsabyi hkum lu et, chyaru mung hkum lu et: n san n seng ai baw hpa mung hkum sha et; ma dai gaw hkritung kaw nna si ai shani du hkra, Karai Kasang a Naziri masha rai na ra ai,” nga nna ngai e tsun ai.

TARA AGYI 13:7 ပူးပေါင်းရင်းမြစ်များ

YEREMIA 35:6

Rai ti mung, shanhte gaw, “Anhte sabyi n lu na ga ai. Anhte a kaji kawa rai nga ai Rehkab a kasha Yonadab gaw anhte mi rai rai, anhte a aru arat ni mi rai rai, kaning re ai sabyi hpe mung n lu na matu hkang da mi ai.

AMO LAIKA (AMOS) 2:11

Nanhte a kasha nkau mi kaw na myihtoi ni, nanhte a shabrang ni hta na nkau mi hpe Nazari masha ni hku ngai lata da ni ai. Israela amyu masha ni e, ndai lam teng nga ai, n rai ni? Dai Madu ngai nan tsun ni ai.

BU HKAWM 6:2

Numsha rai ti mung, lasha rai ti mung, Nazari tai nna shi hkum nan dai Madu a matu ap nawng ai hte ga shaka tawn da ai wa kadai mung,

TARA AGYI 13:4

Sabyi ntsin hpe mung, chyaru hpe mung n lu ai sha sadi nga u; hkum da ai lusha hpa hpe mung hkum sha et;

TARA AGYI 13:6

Dai hpang numsha gaw shi a madu wa hpang de sa nhtawm, “Karai Kasang a masha langai mi ngai kaw sa nna hkrit hkungga mai ai Karai Kasang a lamu kasa hpe zawn shi mada yu wu ai. Shi kanang na sa wa ai hpe mung ngai n san yu we ai; shi mung shi a mying ngai hpe n tsun dan nga ai.

TARA AGYI 13:8

Dai hpang Mano gaw dai Madu hpang de, “Madu e, chyeju hte dai Karai Kasang a masha wa hpe an hpang de bai nhtang sa shangun nhtawm shi shangai wa jang dai ma hpe an kaning rai galaw na lam tsun dan mi,” ngu nna hpyi nem wu ai.