TARA AGYI 13:6 - Jinghpaw Common Language Bible 2009

⁶ Dai hpang numsha gaw shi a madu wa hpang de sa nhtawm, “Karai Kasang a masha langai mi ngai kaw sa nna hkrit hkungga mai ai Karai Kasang a lamu kasa hpe zawn shi mada yu wu ai. Shi kanang na sa wa ai hpe mung ngai n san yu we ai; shi mung shi a mying ngai hpe n tsun dan nga ai.

Jinghpaw Hanson Version Bible

⁶ Shaloi dai numsha gaw madu wa hpang de wa nna, “Yehowa a kasa myi man zawn hkrithpa myi man man ai, Karai Kasang a masha langai mi ngai kaw sa pru ai; shi kanang na sa ai mung ngai n san yu we ai; shi mung shi amying ngai e n tsun dan ai:

TARA AGYI 13:6 ပူးပေါင်းရင်းမြစ်များ

NINGPAWT NINGHPANG 18:2

shi a sum chyinghka lam kaw dung let mada yu dat yang, dai shara hta masha marai masum tsap nga ma ai hpe mu wu ai. Shanhte hpe mu ai hte rau, sa tau la na nga shi rawt sa wa wu ai.

NINGPAWT NINGHPANG 32:29

Yaku mung, “Na a mying ya jang ngai hpe tsun dan e,” ngu nna tsun wu ai. Rai ti mung, shi mahtang, “Nang hpa majaw nye a mying chye mayu nga n ni?,” ngu nna tsun nhtawm Yaku hpe shaman ya wu ai.

1 HKAWHKAM 17:18

Shi gaw Elia hpe, “Karai Kasang a masha wa e, nang hpa majaw ndai zawn ngai hpe galaw kau n ta? Karai Kasang hpe nye a yubak shadum ya nhtawm nye a kasha hpe si mat shangun na matu ndai yang e nang du sa ai n rai ni?,” ngu nna san wu ai.

1 HKAWHKAM 17:24

Shi mung, “Nang gaw Karai Kasang a masha rai nga ndai mung, dai Madu gaw nang hku nna teng teng ga shaga nga ai hpe mung, ya ngai chye ni ai!,” ngu nna htan wu ai.

2 HKAWHKAM 4:16

Elisha gaw dai numsha hpe, “Htaning ndai aten hta, na a lata hta shadang sha lu pawn na rai ndai,” ngu nna tsun wu ai. Dai numsha gaw, “Oh! madu e, chyeju hte ngai hpe hkum masu et. Nang gaw Karai Kasang a masha langai mi rai nga ndai!,” ngu nna tsun wu ai.

2 HKAWHKAM 4:9

Dai numsha gaw shi a madu wa hpe, “Ndai shara de sa ai ndai masha wa gaw chyoi pra ai masha langai mi rai nga ai gaw ngai dum chye nga nngai.

PRU MAT 3:2

Dai yang e, dai Madu a lamu kasa gaw sumwum hta na wan numli zawn shi kaw dan pru nga ai. Mawshe gaw dai shara hta sumwum wan chyi nga tim n hkru nga ai hpe mu wu ai.

PRU MAT 3:6

Ngai gaw na a nji nwa ni rai nga ai Abraham, Isak hte Yaku ni a Karai Kasang rai nga nngai,” ngu nna tsun wu ai. Dai rai nna Mawshe gaw Karai Kasang hpe yu na hkrit wu ai majaw shi a myi man hpe magap da wu ai.

Daniela 10:11

Dai lamu kasa gaw ngai hpe, “Daniela e, Karai Kasang nang hpe tsaw ra nga ai majaw rawt tsap let ngai tsun dan na ga hpe sadi sahka hte madat la u. Ngai hpe nang hpang de shangun dat ai,” ngu nna tsun wu ai. Dai lam hpe shi tsun nga yang, ngai rawt tsap nga tim pyi naw gari ashun nga nngai.

Daniela 10:5

Ngai sharawt mada dat yu we yang, lachyit nba bu hpun nna, jet ai ja shingkyit kyit da nga ai masha langai hpe mu nngai.

Daniela 8:17

Gabriela gaw nye a makau e sa tsap nga ai rai nna, ngai grai hkrit gari mat ai hte ga de kadawng taw mat nngai. Shi gaw ngai hpe, “Si chye ai masha wa e, lachyum chye na u. Dai shingran gaw mungkan ga a jahtum aten hta byin wa na lam rai nga ai,” ngu nna tsun wu ai.

LUKA 1:19

Lamu kasa gaw, “Ngai gaw Karai Kasang a man e tsap nga ai Gabriela rai nga nngai; nang hpe tsun dan u nga nna, ndai Kabu Gara Shiga tsun shana ya na ngai hpe shangun dat ni ai.

LUKA 9:29

Shi akyu hpyi nga yang, shi a myi man ahpraw nsam galai nna, shi a hpun palawng ni mung hpraw tu ai hte kabrim kabram rai wa lu ai.

KASA 6:15

Shaloi dai hpawng shingra e dung nga ai nlang, shi hpe jawm azi yu mu yang shi a myi man gaw lamu kasa langai mi a myi man zawn rai nga lu ai hpe shanhte mu ma ai.

TARA JAHPRANG 33:1

Ndai gaw Karai Kasang a masha Mawshe, shi garai n si wa yang, Israela amyu masha ni hpe shaman ya ai ga ni rai nga ai.

1 TIMOHTI 6:11

Nang chyawm gaw Karai Kasang a masha wa e, dai lam mahkra hte hpe koi gam nga u. Ding hpring ai, tara hkungga ai, kam sham ai, tsaw ra ai, shakut sharang ai hte sumnung ai myit ni hpe lu la hkra shakut shaja nga u.

YAWSHU 14:6

Lani mi na aten hta, Yuda amyu bawsang hta na amyu masha nkau mi gaw Gilgala e dap jung nga ai Yawshu hpang de du sa ma ai. Shanhte hta na Kenizi masha Yehpuna a kasha Hkaleb gaw shi hpe, “Dai Madu gaw Kadesha Barnea mare e nang hte nye a lam Karai Kasang a masha Mawshe kaning nga tsun ai hpe nang chye nga ndai.

SHINGRAN 1:17

Dai wa hpe ngai mu jang, shi a lagaw nhpang e si ai wa zawn ngai kadawng taw mat nngai. Shi gaw shi a hkra lata nye a ntsa e mara ya nna, “Hkum hkrit et! Ngai gaw ningshawng wa mung, jahtum wa mung rai nga nngai.

TARA AGYI 13:10

dai rai nna, shi gaw shi a madu wa hpang de alawan gat sa wa nhtawm, “Yu u! Ma ni ngai kaw sa yu sai dai masha wa nan ngai kaw bai dan pru ra ai,” ngu nna tsun dan wu ai.

TARA AGYI 13:22

Mano gaw shi a madu jan hpe, “An gaw Karai Kasang hpe mu kau saga ai majaw teng teng si mat na saga ai!,” ngu nna tsun wu ai.

TARA AGYI 13:3

Dai Madu a lamu kasa gaw shi kaw dan pru nna, “Nang gaw kashu kasha galoi mung n lu yu nga ti mung, kade n na yang, na-um nasin rai nna shadang sha shangai na rin dai.

TARA AGYI 13:7

Rai ti mung ngai na-um nasin rai nna shadang sha shangai wa na lam hpe chyawm gaw shi ngai hpe tsun wu ai. Shi gaw sabyi ntsin hpe mung, chyaru hpa hpe mung n lu ai sha, hkum da ai lusha hpa hpe mung n sha na lam, ngai hpe tsun wu ai; hpa majaw nga yang, shi hkrung nga dingsa Nazari langai zawn Karai Kasang hta ap nawng da hkrum na rai nga wu ai,” ngu nna tsun dan wu ai.

TARA AGYI 13:8

Dai hpang Mano gaw dai Madu hpang de, “Madu e, chyeju hte dai Karai Kasang a masha wa hpe an hpang de bai nhtang sa shangun nhtawm shi shangai wa jang dai ma hpe an kaning rai galaw na lam tsun dan mi,” ngu nna hpyi nem wu ai.

TARA AGYI 6:11

Dai hpang dai Madu a lamu kasa mahtang Ohpra kahtawng de sa nna, Abieza lakung lama hta na Yoasha ngu ai wa madu da ai wamyi hpun nhpang e dung nga ai. Shi a kasha Gidon chyawm gaw Midian masha ni shi hpe n mu lu u ga, sabyi shup ai htumbyen hta hkaulan mam lagyim adup wu ai.

1 SAMUELA 2:27

Myihtoi langai wa gaw dai Madu kaw na ndai mungga hte rau Eli kaw sa du wu ai: “Na a nji nwa Arun hte shi a dinghku masha ni Egutu hkawhkam a mayam ni naw tai nga ma yang, ngai gaw Arun kaw dan pru ni ai.

1 SAMUELA 9:6

Shaloi shangun ma wa gaw, “Naw la yu ga! Ndai mare e shi tsun matsun teng wa wa re ai majaw, grai hkungga ging nna chyoi pra ai masha langai mi nga ai. An shi kaw sa yu ga, an lawze mu tam la lu na shara, an hpe mahkoi tsun dan lu na a dawng!,” ngu nna htan wu ai.