TARA AGYI 13:5 - Jinghpaw Common Language Bible 2009

⁵ na a shadang sha shangai ai hpang, shi a kara hpe nang galoi mung rep ya lu na n rai; hpa majaw nga yang, shi shangai wa ai shani kaw nna Nazari langai zawn Karai Kasang hta ap nawng da hkrum nga nu ai. Shi gaw Israela hpe Hpilisti masha ni a lata kaw na hkye mawai la ai amu galaw hpang na ra ai.

Jinghpaw Hanson Version Bible

⁵ nang na-um nasin rai nna, shadang sha shangai na rin dai; ma dai gaw hkritung kaw nna Karai Kasang a Naziri masha rai na ra ai majaw shi a baw doi ya lu na n rai; shi gaw Israela hpe Hpilisti masha ni a lata na hkye la hpang na ra ai” ngu nna tsun wu ai.

TARA AGYI 13:5 ပူးပေါင်းရင်းမြစ်များ

2 SAMUELA 8:1

Ya aten ram ram na ai hpang, Hkawhkam Dawi gaw Hpilisti masha ni hpe bai htim gasat ai hte dang kau wu ai rai nna mung ting hpe up hkang nga ai shanhte a daru magam n-gun hpe jahtum kau ya wu ai.

1 HKAWHKAM LABAU 18:1

Ya aten ram ram na ai hpang, Hkawhkam Dawi gaw Hpilisti masha ni hpe bai htim gasat ai hte dang kau wu ai. Shi gaw shanhte n lu up hkang nga ai Gat mare hte de a makau grup yin kahtawng ni hpe la kau wu ai.

AMO LAIKA (AMOS) 2:11

Nanhte a kasha nkau mi kaw na myihtoi ni, nanhte a shabrang ni hta na nkau mi hpe Nazari masha ni hku ngai lata da ni ai. Israela amyu masha ni e, ndai lam teng nga ai, n rai ni? Dai Madu ngai nan tsun ni ai.

BU HKAWM 6:5

Nazari tai na ga shaka tawn da ai nhtoi hte yang, shi a kara rep shangun lu na n rai. Dai Madu a matu ap nawng tawn ai aten tup a matu ga shaka hte masat da ai laman shi a kara madat da na rai wu ai.

LUKA 1:15

Kaning rai nme law, shi gaw dai Madu a man e galu kaba wa na ra ai; sabyi hte chyaru shi lu na n rai; kanu a hkritung nna pyi, Chyoi Pra ai Wenyi hte hpring na ra ai.

TARA AGYI 16:17

shi gaw hpang jahtum e, teng man ai lam tsun dan kau wu ai. Shi gaw, “Ngai gaw shangai wa ai aten kaw nna Nazari langai zawn Karai Kasang hta ap nawng da hkrum ai wa rai nga nngai majaw nye a kara hpe galoi mung n rep kau we ai. Nye a kara hpe rep kau jang masha gale zawn nye a n-gun daw mat nna kya mat na rai li ai,” ngu nna tsun wu ai.

1 SAMUELA 1:11

Hana chyawm gaw dagam ga sadi hte ning ngu tawn da wu ai: “Chyahtum Chyalai N-gun rawng ai Madu e, na a shangun ma rai nga ai ngai hpe mada yu e law! Nye a ru yak tsin-yam tsindam hpe mu ya nna ngai hpe dum nga u law! Ngai hpe hkum malap kau et! Nang ngai hpe shadang sha jaw n yang gaw shi a kara galoi mung n doi kau ya ai sha, shi a prat dingsa, nang hpe ap ya na nngai, ngu nna ngai ga sadi jaw nngai.”

1 SAMUELA 7:13

Dai rai nna Hpilisti masha ni sum mat ma ai rai nna Samuela ahkrung nga dingsa Israela a lamu ga hpe shanhte shang gasat la na hpe dai Madu ban shadang nga ai.