TARA AGYI 13:3 - Jinghpaw Common Language Bible 2009

³ Dai Madu a lamu kasa gaw shi kaw dan pru nna, “Nang gaw kashu kasha galoi mung n lu yu nga ti mung, kade n na yang, na-um nasin rai nna shadang sha shangai na rin dai.

Jinghpaw Hanson Version Bible

³ Ya Yehowa a lamu kasa gaw dai numsha kaw dan pru nna, “Ya, yu u, nang maudung dung nna, kasha n shaprat ndai rai timung, nang na-um nasin rai nna, shadang sha shangai na rin dai.

TARA AGYI 13:3 ပူးပေါင်းရင်းမြစ်များ

NINGPAWT NINGHPANG 17:16

Shi hpe ngai shaman ya nna, shi hta na shadang sha langai mi nang hpe jaw na we ai. Ngai shi hpe shaman ya nna, shi gaw amyu baw ni a kanu tai wa nhtawm; shi a amyu matu ni hta mung, hkawhkam hkawseng ni pru shajang na mara ai,” ngu nna tsun wu ai.

NINGPAWT NINGHPANG 18:10

Shanhte hta na langai wa gaw, “Ya kaw nna shata jahku a hpang ngai bai du na ring ngai; shaloi na a madu jan Sara shadang sha langai lu na ra ai,” ngu nna tsun wu ai. Sara mung shing nga tsun ai wa a shingdu na sum a chyinghka makau e nga nga nna madat nga ai.

NINGPAWT NINGHPANG 18:14

Dai Madu n dang galaw lu ai amu nga nga a ni? Ngai tsun da sai hte maren, ya kaw nna shata jahku du jang, ngai bai du na ring ngai, dai shaloi Sara gaw shadang sha langai mi lu na ra ai,” ngu nna tsun wu ai.

2 HKAWHKAM 4:16

Elisha gaw dai numsha hpe, “Htaning ndai aten hta, na a lata hta shadang sha lu pawn na rai ndai,” ngu nna tsun wu ai. Dai numsha gaw, “Oh! madu e, chyeju hte ngai hpe hkum masu et. Nang gaw Karai Kasang a masha langai mi rai nga ndai!,” ngu nna tsun wu ai.

LUKA 1:11

Shaloi dai Madu a lamu kasa langai mi gaw, manam pyaw ai nat nawng ai hkungri a hkra maga de, shi hpe tsap shadan dan wu ai.

LUKA 1:13

Rai ti mung, dai lamu kasa tsun ai gaw, “Zahkaria e, hkum hkrit et; Karai Kasang gaw na a akyu hpyi ai ga hpe madat ya nit dai rai nna, na madu jan Elisabet gaw shadang sha langai mi shangai na ra ai, nang shi hpe Yawhan ngu nna shamying ya na rai ndai.

TARA AGYI 13:10

dai rai nna, shi gaw shi a madu wa hpang de alawan gat sa wa nhtawm, “Yu u! Ma ni ngai kaw sa yu sai dai masha wa nan ngai kaw bai dan pru ra ai,” ngu nna tsun dan wu ai.

TARA AGYI 13:15

Dai Madu a lamu kasa rai nga ai hpe n chye wu ai majaw Mano gaw shi hpe, “Chyeju hte garai hkum pru mat wa et, na a matu bainam kasha langai mi hpe an sat shadu ya lu n-ga,” ngu nna shi hpe tsun wu ai. Rai ti mung lamu kasa mahtang, “Ngai hkring nga ai rai tim na a malu masha hpe ngai sha na nngai n rai. Rai ti mung dai hpe hkyen lajang ya mayu ai rai yang gaw dai Madu hpe hkungga hku nna nat na rai ndai,” ngu nna tsun wu ai.

TARA AGYI 13:6

Dai hpang numsha gaw shi a madu wa hpang de sa nhtawm, “Karai Kasang a masha langai mi ngai kaw sa nna hkrit hkungga mai ai Karai Kasang a lamu kasa hpe zawn shi mada yu wu ai. Shi kanang na sa wa ai hpe mung ngai n san yu we ai; shi mung shi a mying ngai hpe n tsun dan nga ai.

TARA AGYI 13:8

Dai hpang Mano gaw dai Madu hpang de, “Madu e, chyeju hte dai Karai Kasang a masha wa hpe an hpang de bai nhtang sa shangun nhtawm shi shangai wa jang dai ma hpe an kaning rai galaw na lam tsun dan mi,” ngu nna hpyi nem wu ai.

TARA AGYI 2:1

Dai Madu a lamu kasa gaw Gilgala kaw nna Bohkim de sa wa nhtawm, Israela amyu masha ni hpe, “Ngai gaw nanhte hpe Egutu mung kaw nna woi shapraw wa let, nanhte a kaji kawa ni hpe ga sadi jaw da ai mungdan de woi wa ni ai. Ngai gaw, ‘Nanhte hte tawn da ai ga shaka hpe galoi mung n jahten kau na we ai.

TARA AGYI 6:14

Dai hpang dai Madu gaw shi hpe, “Nang hta rawng ai n-gun mahkra hte Israela amyu masha ni hpe dai Midian masha ni a lata kaw na hkye mawai la su; ngai nan nang hpe shangun dat nga nngai,” ngu nna hkang dat wu ai.

1 SAMUELA 1:20

Shing rai, shi hta na-um nasin rai wa nna shadang sha shangai wu ai. Hana gaw shi hpe Samuela ngu shamying ya nga ai; dai gaw, “Shi hpe dai Madu kaw na ngai hpyi la nngai,” ngu nna shaleng dan nga ai.