TARA AGYI 13:23 - Jinghpaw Common Language Bible 2009

²³ Rai ti mung shi a madu jan mahtang, “Dai Madu an hpe sat kau mayu ai rai yang, an a hkungga ni hpe shi hkap la na n rai; ndai zawn re ai amu yawng shi an hpe madun dan na n rai; dai zawn re ai amu ya an hpe tsun dan na wu ai n rai,” ngu nna htan wu ai.

Jinghpaw Hanson Version Bible

²³ Madu jan chyawm gaw, Yehowa an hpe sat kau ma yu ai rai yang gaw, an na lata na wan nat hkungga hte shadung kumhpa hkap la ya na n rai; ning re amu lam yawng mayawng mung an hpe madun na n rai; ya yang e ning nga ai ga mung, tsun dan na n rai, ngu nna madu wa hpe tsun wu ai.

TARA AGYI 13:23 ပူးပေါင်းရင်းမြစ်များ

SHAKAWN KUNGDAWN 20:4

Nang ra sharawng ai hpa hpe rai tim, shi nang hpe jaw ya u ga; na a yaw shada ai lam yawng mayawng hte hpe awng dang shangun u ga.

SHAKAWN KUNGDAWN 25:14

Dai Madu gaw shi a ga madat mara nga ai ni a jinghku rai nga nna shi a ga shaka shanhte hte shagrin da nga ai.

SHAKAWN KUNGDAWN 27:13

Ngai naw hkrung nga ai prat hte hta Madu a mai kaja ai lam hpe ngai mu lu na hpe ngai chye nga nngai.

SHAKAWN KUNGDAWN 86:17

Madu e, na a mai kaja ai sakse, ngai hpe madun dan e; nang ngai hpe jaw ya ai shangwi shapyaw lam hte karum la ai lam hpe mu ai shaloi, ngai hpe n ju n dawng nga ai ni kaya kahpa hkrum mat na mara ai.

GA SHAGAWP 3:32

Kaning rai nme law, dai Madu gaw n hkru n shawp ai amu galaw ai ni hpe n dawng nga ai; rai ti mung, ding man ai masha ni hpe chyawm gaw shi kam nga ai.

YAWHAN 14:20

Ngai gaw nye Wa hta nga nga nngai mung, nanhte ngai hta nga nga myit dai mung, dai shani du ai shaloi, nanhte chye lu na myit dai.

YAWHAN 14:23

Yesu gaw, “Ngai e tsaw ra ai wa rai yang gaw, nye a sharin shaga ai ga hpe madat mara hkan sa shatup na ra ai. Nye Wa mung dai wa hpe tsaw ra na wu ai rai nna an lahkawng gaw dai wa kaw sa nna, shi hte rau shanu nga na ga ai.

YAWHAN 15:15

Ya kaw nna ngai nanhte hpe mayam n ngu na ni ai; hpa majaw nga yang, mayam gaw madu galaw nga ai amu hpe n chye wu ai; nanhte hpe jinghku she ngai ngu na made ai, hpa majaw nga yang, nye Wa kaw na ngai na la ai hte yawng, ngai nanhte hpe tsun dan ma sade ai.

1 KORINHTU 12:21

Dai re ai majaw, myi gaw, “Nang lata hpe ngai n ra de ai,” nga nna n tsun lu ai. Baw mung, “Nang lagaw yan hpe ngai n ra nngai,” ngu nna n tsun lu nga ai.

TARA AGYI 13:24

Dai numsha mung shadang sha shangai ai rai nna, shi hpe Samson ngu nna shamying wu ai. Dai ma mung kaba wa ai hte dai Madu shi hpe shaman ya wu ai.