TARA AGYI 13:22 - Jinghpaw Common Language Bible 2009

²² Mano gaw shi a madu jan hpe, “An gaw Karai Kasang hpe mu kau saga ai majaw teng teng si mat na saga ai!,” ngu nna tsun wu ai.

Jinghpaw Hanson Version Bible

²² Shaloi Mano gaw, “An gaw Karai Kasang hpe mu kau sagaw ai majaw, teng teng si na saga ai,” ngu nna madu jan hpe tsun wu ai.

TARA AGYI 13:22 ပူးပေါင်းရင်းမြစ်များ

NINGPAWT NINGHPANG 32:30

Yaku gaw, “Ngai gaw Karai Kasang hpe myi man chyaw mu se ai. Ngai mung ya du hkra naw ahkrung nga nngai,” ngu nna tsun wu ai. Shing rai dai shara hpe Hpeniela ngu nna shi shamying da wu ai.

PRU MAT 24:10

shanhte gaw Israela a Karai Kasang hpe mu ma ai. Shi a lagaw npu e sawm tsit ai lamu nsam zawn pru ai sahpira lung seng hte nep da nga ai.

PRU MAT 24:9

Mawshe, Arun, Nadab, Abihu hte Israela ningbaw sanit shi hte gaw bum de lung wa ma ai rai nna

PRU MAT 3:6

Ngai gaw na a nji nwa ni rai nga ai Abraham, Isak hte Yaku ni a Karai Kasang rai nga nngai,” ngu nna tsun wu ai. Dai rai nna Mawshe gaw Karai Kasang hpe yu na hkrit wu ai majaw shi a myi man hpe magap da wu ai.

PRU MAT 33:20

Ngai hpe mu lu ai wa kadai mung hkrung nga lu na n rai: dai majaw ngai nang hpe nye a myi man mu shangun na we ai n rai;

ESAIA 6:5

Ngai gaw, “Nye a matu myit mada shara n nga sahka! Nye a nten kaw nna pru ai ga hkum shagu gaw yubak ga ni rai nna, ga hkum shagu yubak ga tsun shaga ai amyu masha ni a lapran e ngai nga nga nngai majaw, ngai gaw dingnye hkrum nga nngai. Ti mung, nye myi hte chyaw, Chyahtum Chyalai N-gun rawng ai dai Madu Hkawhkam wa hpe ngai mu se ai.

YAWHAN 1:18

Karai Kasang hpe gade e mung, galoi mung n mu yu ai. Kawa Karai Kasang a makau e nga nga ai, Karai Kasang rai nga ai Kasha shingtai chyu sha shi hpe shadan dan nu ai.

YAWHAN 5:37

Ngai hpe shangun dat ai nye Wa mung nye a lam sakse hkam ya ni ai. Nanhte gaw nye Wa a nsen hpe galoi mung n na yu myit dai, shi a myiman hpe mung n mu yu myit dai.

TARA JAHPRANG 4:38

Nanhte rawt lung wa myit dai shaloi, shanhte a lamu ga hpe nanhte matut madu lu na matu, nanhte hta grau kaba nna n-gun rawng ai amyu baw ni hpe shi shaden kau ya manit dai. Shi gaw nanhte hpe shang sha shangun nna nanhte madu la na rai nga ai shanhte a lamu ga nanhte hpe jaw ya na ru ai.

TARA JAHPRANG 5:26

Wan kata kaw na shaga ai dai ahkrung nga ai Karai Kasang a nsen hpe na ai shinggyim masha kadai wa hkrung nga lu a ta?

TARA AGYI 6:22

Dai Madu a lamu kasa hpe shi mu kau sai hpe Gidon dum chye wu yang shi gaw, “Tsaw Htum ai Madu e, na a lamu kasa hpe ngai myi man chyaw mu kau sahka!,” ngu nna hkrit kahpra let tsun wu ai.