TARA AGYI 13:20 - Jinghpaw Common Language Bible 2009

^20-21 Tawn hkungri kaw na wan numli dingchyung lung wa ai shaloi, dai Madu a lamu kasa gaw wan numli ni hta sumsing lamu de lung mat wa ai hpe Mano hte shi a madu jan yan mu dat ma ai. Mano mahtang dai masha gaw dai Madu a lamu kasa rai nga ai hpe myit dum wa wu ai rai nna shi hte shi a madu jan ga de gum dagup mat ma ai. Dai hpang shan mung dai lamu kasa hpe galoi mung bai n mu mat ma ai.

Jinghpaw Hanson Version Bible

²⁰ Kaning rai nme law, dai tawn hkungri kaw nna wan numli lamu de dingdung rai lung wa yang, Yehowa a lamu kasa gaw tawn hkungri na wan numli hta lung mat wa ai: Mano yan la mung dai hpe mu mada nna, shan gaw ga de myi man dagup ma ai.

TARA AGYI 13:20 ပူးပေါင်းရင်းမြစ်များ

NINGPAWT NINGHPANG 17:3

Abram gaw ga du hkra dingnyawm dagup nga yang, Karai Kasang gaw,

2 HKAWHKAM 2:11

Shan lahkawng tsun chyai let naw hkawm nga ma yang, wan gumra ni garawt ai wan leng gaw shan a lapran e akajawng sha pru wa nhtawm Elia gaw bungsha hte sumsing lamu de lung mat wa wu ai.

1 HKAWHKAM LABAU 21:16

Dai lamu kasa gaw Yerusalem mare hpe jahten sharun kau na matu shi a lata hta nhtu lang da nhtawm nbung ka-ang e tsap nga ai lamu kasa hpe Dawi mu wu ai. Dawi hte shi a amyu masha ni a ningbaw ni gaw lachyit nba bu hpun let shanhte a myi man ga de du hkra gum dagup nga ma ai.

1 HKAWHKAM LABAU 21:21

Hkawhkam Dawi shani sa wa nga ai hpe Arauna mu dat ai shaloi jang, chyarang pa kaw nna shi pru sa nhtawm shi a myi man ga de hkra hkra gum dagup wu ai.

1 HKAWHKAM LABAU 21:26

Dai yang e, dai Madu a matu tawn hkungri langai galaw nna wan nat hkungga hte mahku hkungga ni hpe nawng jau ya wu ai. Dai Madu mung sumsing lamu kaw nna wan jahkrat dat nhtawm hkungri ntsa na shagu hkungga ni hpe hkru kau ya let, shi a akyu hpyi ga hpe htan ya wu ai.

SHAKAWN KUNGDAWN 47:5

Karai Kasang gaw shi a tingnyang de lung nga ai. Dai Madu lung wa yang, kabu gara jahtau garu ai nsen hte pahtau dum ai nsen ni hpe na lu nga ai.

EZEKELA 1:26

Dai lamu madin a ntsa e nila lung seng hte galaw da ai tingnyang zawn re ai lama mi mung naw nga nga ai; dai tingnyang a ntsa e masha zawn san ai wa langai mi dung nga ai.

EZEKELA 1:28

dai yawng a ntsa e htoi tu ai nsam gaw n-goi latum a nsam ni rai nga ai. Dai gaw dai Madu a hpung shingkang dan hkung ai nsam hpe shapraw dan ai shi a htoi kabrim ai shara rai nga ai. Dai lam hpe ngai mu ai shaloi, ngai gaw ga ntsa e myi man dagup da nngai. Dai hpang nsen langai hpe ngai na nngai. Dai lam hpe ngai mu ai shaloi, ngai gaw ga ntsa e myi man dagup da nngai. Dai hpang ngai gaw nsen langai na nngai.

Daniela 10:9

Ngai gaw shi a nsen hpe na ai shaloi, ngai gaw n dum mat hkra ga e kadawng taw mat ai hte dai yang e gum dagup nga nngai.

JAW JAU 9:24

Dai Madu gaw wan hpe akajawng sha dat dat nna tawn hkungri na wan nat hkungga hte sau man ni hpe hkru kau nga ai. Dai lam hpe amyu masha ni mu ma yang, shanhte yawng marawn jahtau ai hte ga de myi man gum dagup let dingnyawm nga ma ai.

MAHTE 17:6

Sape ni dai hpe na jang, shanhte nachying hkrit gari mat nna, shanhte a myi man ga de dagup nga ma ai.

HEBRE 1:3

Shi gaw Karai Kasang a hpung shingkang ningja shapraw nna, Karai Kasang shi nan a gawng shingyan hkrang sumla hpe dagraw ai hte mungkan jan shata shagan nga yawng danghta hpe shi a hpung shingkang rawng ai mungga atsam hte bau sin da nga ai. Shi gaw shinggyim masha ni a yubak mara ni hpe raw dat jasan jaseng ai lam galaw ngut ai hpang, sumsing lamu e daru magam n-gun atsam rawng ai Karai Kasang a hkra maga de dung nga ai.

TARA AGYI 6:19

Dai rai nna Gidon gaw shi a nta de wa nna bainam kasha langai shadu nna shadung pawng 20 lang nhtawm matsi n rawng ai muk shadu wu ai. Shi gaw ashan hpe ka hta, shan jahku hpe di hta bang nna wamyi hpun npu e nga ai dai Madu a lamu kasa hpang de la sa nhtawm shi hpe sa jaw wu ai.

TARA AGYI 6:21

Dai hpang dai Madu a lamu kasa mung shi lang nga ai dawhkrawng ladawn nna de a matu hte ashan hte amuk hpe chyan ahtawk dat wu yang, nlung kaw na wan pru wa nhtawm dai ashan hte muk hpe hkru kau nga ai. Dai hpang lamu kasa mung shi kaw na wa mat wa wu ai.