TARA AGYI 13:17 - Jinghpaw Common Language Bible 2009

¹⁷ Mano gaw, “Nang tsun ai ga ni teng tup dik wa jang, nang hpe an shagrau sha-a lu u ga, na a mying an hpe tsun dan mi,” ngu nna tsun htang wu ai.

Jinghpaw Hanson Version Bible

¹⁷ Dai wa Yehowa kasa re ai gaw, Mano garai n chye wu ai. Bai Mano gaw, “Na a ga dik wa jang, an nang hpe shagrau sha-a lu hkra, na amying hpa ngu ai rai ta?” ngu nna Yehowa a kasa hpe san wu ai.

TARA AGYI 13:17 ပူးပေါင်းရင်းမြစ်များ

NINGPAWT NINGHPANG 32:29

Yaku mung, “Na a mying ya jang ngai hpe tsun dan e,” ngu nna tsun wu ai. Rai ti mung, shi mahtang, “Nang hpa majaw nye a mying chye mayu nga n ni?,” ngu nna tsun nhtawm Yaku hpe shaman ya wu ai.

NINGPAWT NINGHPANG 32:30

Yaku gaw, “Ngai gaw Karai Kasang hpe myi man chyaw mu se ai. Ngai mung ya du hkra naw ahkrung nga nngai,” ngu nna tsun wu ai. Shing rai dai shara hpe Hpeniela ngu nna shi shamying da wu ai.

TARA AGYI 13:18

Dai lamu kasa gaw, “Nan hpa majaw nye a mying chye mayu nga myit ni? Dai gaw mauhpa amying rai nga ai,” ngu nna tsun wu ai.