TARA AGYI 13:1 - Jinghpaw Common Language Bible 2009

¹ Israela masha ni dai Madu hpe bai shut hpyit kau ma ai rai nna, shi gaw Hpilisti masha ni hpe shaning mali shi ning tup up hkang shangun wu ai.

Jinghpaw Hanson Version Bible

¹ Ya Israela kashu kasha ni gaw Yehowa a man e n shawp ai amu bai galaw ma ai; dai rai nna Yehowa gaw shanhte hpe Hpilisti masha ni a lata hta mali shi ning tup ap kau ya mu ai.

TARA AGYI 13:1 ပူးပေါင်းရင်းမြစ်များ

YEREMIA 13:23

Ehtiopi masha gaw shi a hkum hpyi hpe, rawnggawk gaw shi a ateng apang re ai hpe galai kau lu nga a ni? Shanhte galai kau lu ai rai yang, nang hpa n galaw ra nga ndai rai ti mung, n hkru ai amu galaw lu ai wa gaw jaw ai amu galaw na matu sharin la lu nga ai.

ROMA 2:6

Hpa majaw nga yang Karai Kasang gaw langai hte langai hpe, tinang hpa baw galaw sai ngu ai bungli hte maren nhtang jaw na ra ai.

HEBRE 11:32

Ngai naw matut tsun ra na rai ni? Hpa majaw nga yang, Gidon, Barak, Samson, Yephta, Dawi, Samuela hte myihtoi ni a lam hkai dan na nga yang, nye a aten n dang law nga li ai.

TARA AGYI 10:6

Israela masha ni gaw Bala hpara hte Ashtarot hpara hpe mung, Suri hpara ni, Sidon hpara ni, Moba hpara ni, Amon hpara ni hte Hpilisti masha ni a hpara ni hpe nawku let dai Madu hpe lang mi bai yubak galaw shut kau manu ai. Shanhte gaw dai Madu hpe kau da nhtawm shi hpe nawku ai lam jahkring kau ma ai.

TARA AGYI 10:7

Dai rai nna Israela masha ni hpe dai Madu masin pawt wu ai rai nna Hpilisti hte Amon ni a lata de shanhte hpe ap kau wu ai.

TARA AGYI 12:15

Dai hpang shi si mat nna Ehprim lamu ga, Amalek bum ga na Pirahton shara e shi hpe lup makoi da ma ai.

TARA AGYI 14:4

Dai Madu gaw Hpilisti masha ni hpe gasat kau na lam tam nga ai hpe kanu yan kawa n chye ma ai; Dai amu hpe Samson galaw na matu, dai Madu woi awn nga ai. Ndai aten hta Hpilisti masha ni Israela hpe up nga ma ai.

TARA AGYI 15:11

Dai rai nna Yuda lasha hkying masum hte gaw Etam e nga ai n-gam na lungpu de sa wa nhtawm Samson hpe, “Hpilisti masha ni gaw anhte hpe up hkang ai ni rai nga ma ai hpe nang n chye n ni? Anhte hta hpa rai ning di nang galaw kau nu ta?,” ngu nna tsun ma ai. Shi gaw, “Shanhte ngai hpe galaw mi ai zawn sha ngai shanhte hpe galaw nngai,” ngu nna htan wu ai.

TARA AGYI 15:20

Hpilisti masha ni dai mung hpe up nga yang, Samson mung Israela hpe hkun ning tup woi awn nga ai.

TARA AGYI 2:11

Dai hpang Israela amyu masha ni gaw dai Madu hpe yubak galaw shut kau nhtawm Bala hpara ni hpe daw jau hpang wa manu ai.

TARA AGYI 3:7

Israela amyu masha ni gaw dai Madu shanhte a Karai Kasang hpe yubak galaw shut kau nhtawm malap kau manu ai rai nna Bala hte Ashera hpara sumla ni hpe nawku nga ma ai.

TARA AGYI 4:1

Ehud si mat ai hpang, Israela amyu masha ni gaw dai Madu hpe yubak bai galaw ma ai.

TARA AGYI 6:1

Israela amyu masha ni gaw dai Madu hpe lang mi bai yubak mara galaw shut kau ma ai rai nna shi gaw Midian masha ni hpe sanit ning up hkang shangun wu ai.

1 SAMUELA 12:9

Rai ti mung amyu masha ni mahtang dai Madushanhte a Karai Kasang hpe malap kau mu ai; dai rai nna shi gaw Hpilisti masha ni a lata de mung, Moba hkawhkam a lata de mung, Hazora mare na hpyen luksuk ni a dap hpe up hkang ai Sisera a lata de mung ap kau shangun ai majaw, nanhte a kaji kawa ni hpe htim gasat ai hte shanhte hpe dang kau mu ai.

1 SAMUELA 4:9

Hpilisti masha ni e, share shagan nga mu! Wa-ngan n-gun rawng ai masha ni zawn gasat mu! Shing n rai jang, shanhte gaw anhte a mayam ni rai yu manu ai zawn, anhte mung Hebre masha ni a mayam tai mat na raga ai. Dai majaw wa ngan n-gun rawng ai masha ni zawn htim gasat mu!,” ngu nna tsun mu ai.

1 SAMUELA 7:13

Dai rai nna Hpilisti masha ni sum mat ma ai rai nna Samuela ahkrung nga dingsa Israela a lamu ga hpe shanhte shang gasat la na hpe dai Madu ban shadang nga ai.