TARA AGYI 12:6 - Jinghpaw Common Language Bible 2009

⁶ shanhte gaw shi hpe, “Shibolet” ngu yu u, ngu na rai ma ai; rai ti mung dai wa mahtang ga dai hpe jaw hkra nsen n lu shapraw wu ai majaw, “Sibolet” ngu nna tsun na rai wu ai. Shaloi shanhte gaw shing nga ai wa hpe rim la nhtawm Yawdan hka rap ai shara langai ngai hta hkap sat kau kau di na rai ma ai. Dai aten hta sat kau hkrum ai Ehprim masha ni gaw mun mali e hkying lahkawng rai nga ai.

Jinghpaw Hanson Version Bible

⁶ Rai taw, ‘Shibolet’ ngu yu u, ngu mu ai; shaloi Ehprim masha gaw, ga dai n brat lu ai majaw, ‘Sibolet,’ ngu wu ai: shing nga ai wa hpe shanhte rim la nna, Yawdan hka uhkan e hkap sat kau kau di mu ai. Shaloi na gasat ai hta Ehprim masha mun mali e hkying lahkawng si mat ma ai.

TARA AGYI 12:6 ပူးပေါင်းရင်းမြစ်များ

SHAKAWN KUNGDAWN 69:15

Mawru hka hte ngai hpe hkum ka-up kau shangun et; sung ai hka hte ngai hpe hkum marit shangun et, lup sung hku de mung ngai hpe hkum lup wa shangun et.

SHAKAWN KUNGDAWN 69:2

Ngai gaw sung ai hkumpup hta lup wa nga nngai, dai shara hta kabye na ga shaja n nga nga ai. Sung ai hka de ngai rai wa nga nngai; hka leng ni ngai hpe marit shangun hkyen wa nga ai.

GA SHAGAWP 17:14

Dangrang ai a npawt gaw dim da ai namhpai hta kachyi mi sharut gyi ai zawn rai nga ai; dangrang ai lam garai n sawng yang jahkring da u.

GA SHAGAWP 18:19

Na a hpu nau wa hpe karum madi shadaw u, shaloi, shi gaw ngang ai mare bunghku zawn nang hpe makawp maga na ra ai; rai ti mung, ga law ga la rai nga yang chyawm gaw na a man e, shi a chyinghka pat kau ya na ra ai.

HPAJI NINGLI 10:12

Hpaji rawng ai wa tsun ai ga gaw shi hpe shagrau sha-a hkam la shangun nga ai; rai ti mung angawk ai wa chyawm gaw shi tsun ai ga ni a majaw hten byak nga ai.

ESAIA 27:12

Dai shani e, Uhprat hka nu kaw nna Egutu mung jarit du hkra, dai Madu gaw shi a amyu masha masha langai hpang langai hpe chyarang kaw nna hkaulan mam gu hte nsan hpe ginhka la ai zawn shinggyin la na ra ai.

MAHTE 12:25

Yesu gaw, shanhte hpa baw myit mang nga ma ai hpe chye ya mu ai majaw, shi shanhte hpe tsun mu ai gaw, “Mungdan langai mi hta masha ni gaw myit n hkrum nna shada da gasat hkat nga yang gaw dai mungdan na na grin na n rai. Gara mare, gara nta dinghku rai tim, myit n hkrum nna shada da gasat hkat ma yang gaw bra garan mat na mara ai.

MAHTE 26:73

Dai hpang gade n na yang, dai yang e tsap nga ai masha ni Petru kaw sit sa wa nna, “Kaja wa nang mung shanhte hta na langai mi rai nga ndai; nang tsun shaga ai mahku hte chye lu nga ai,” ngu nna tsun mu ai.

MARKU 14:70

Rai ti mung Petru bai nyet kau wu ai. Dai hpang gade nna yang, grup yin e tsap nga ai ni gaw, Petru hpe, “Shanhte hta lawm ai wa langai mi nang rai nga ndai hpe nang n ningdang lu ndai,” ngu nna shadu tsun wu ai.

GALATI 5:15

Rai ti mung zai ai dusat matse ni zawn nanhte shada da kawa sha hkat nga myit yang gaw, nanhte shada da shamyit kau hkat ai lam tai na re ai majaw, sadi nga mu.

TARA AGYI 12:5

Gilead masha ni gaw Ehprim masha ni n hprawng lawt lu hkra nga, Yawdan hka rap kawt lu ai shara ni hta hkap da ma ai. Shaloi hprawng lawt mat wa mayu nna rap di na matu ahkang hpyi ai Ehprim masha ni kadai hpe mung Gilead masha ni mahtang, “Nang Ehprim masha rai nga n ni?,” ngu nna hkap san ma ai. Lama rai nna shi mahtang, “N rai nngai,” nga jang,

TARA AGYI 12:7

Yephta gaw Israela hpe kru ning tup woi awn wu ai. Dai hpang shi si mat nna Gilead mung shi a nta buga hta lup makoi da ma ai.