TARA AGYI 12:1 - Jinghpaw Common Language Bible 2009

¹ Ehprim masha ni majan gasat na matu hkyen ma ai; shanhte gaw Yawdan hka rap nhtawm Zahpona de du jang Yephta hpe, “Nang gaw hpa majaw anhte hpe n shaga ai sha Amon masha ni hpe sa gasat na matu lamu ga jarit lai di mat wa n ta? Anhte gaw na a ntsa e, nta hte hpawn nat kau ya na ga ai!,” ngu nna tsun ma ai.

Jinghpaw Hanson Version Bible

¹ Ya Ehprim masha ni jawm hpawng nna, dingdung maga hku sa wa nhtawm, Yephta hpe “Nang hpa rai anhte hpe n shaga ai mi, Amon kashu kasha ni hpe gasat sa mat wa n ta? na ntsa e, na a nta hpe anhte nat kau na gaw ai,” ngu nna tsun mu ai.

TARA AGYI 12:1 ပူးပေါင်းရင်းမြစ်များ

SHAKAWN KUNGDAWN 109:4

Ngai shanhte hpe tsaw ra ai hte shanhte a matu akyu hpyi ya tim pyi, shanhte ngai hpe ninghkap nga ma ai.

HPAJI NINGLI 4:4

Masha gaw awng dang na matu hpa majaw amu grai shaja galaw ra ai hpe mung ngai sharin la se ai; dai gaw hpa majaw nga yang, shanhte a htingbu ni lu ai arung arai ni hpe yu manawn ai majaw rai nga ai. Rai ti mung dai gaw kaman lila rai nga ai. Dai gaw nbung hpe shachyut nga ai zawn rai nga ai.

HOSEA 13:1

Lai sai aten ni hta, Ehprim amyu bawsang ni ga shaga yang, kaga Israela amyu bawsang ni hkrit ma ai; shanhte gaw Ehprim hpe mahtang sharawt mada ma ai. Rai ti mung dai amyu masha ni Bala hpara hpe nawku let yubak galaw shut kau ma ai majaw shanhte si na rai ma ai.

MARKU 3:24

Mungdan langai mi a kata hta daw hka bra ayai nna shada da gasat hkat ai rai yang dai mungdan gaw n grin nga lu ai.

YAWHAN 10:32

Yesu gaw, “Ngai galaw na matu nye Wa ngai e ap ya da ai kaja ai amu law law nanhte a man e ngai galaw dan ni ai; dai amu ni hta na gara mahtang a majaw ngai hpe nlung hte kabai mayu myit ta?,” ngu nna san mu ai.

YAKU 3:16

Manawn masham ai myit, tinang a akyu tam ai myit nga ai shara kaw kashuk kashak n ru n ra re ai lam hte n hkru n kaja ai lam amyu myu hpe mung byin pru shangun nga ai.

TARA AGYI 12:2

Rai ti mung Yephta chyawm gaw shanhte hpe, “Nye a masha ni hte ngai gaw Amon masha ni hte grai sawng ai ga li ga law kaba rawng ga ai. Dai shaloi, nanhte hpe ngai shaga ti mung shanhte a lata kaw na nanhte ngai hpe n hkye la myit dai.

TARA AGYI 14:15

Ya mali ya nhtoi hta, shanhte gaw Samson a madu jan hpe, “Dai gumwai ga a lachyum hpa rai nga ai gaw anhte hpe tsun dan lu hkra, na a madu wa hpe hpaji daw yu u. Dai hku nang n galaw ai rai yang, nang hte hpawn na a nwa a nta hpe anhte nat kau ya na ga ai. Anhte hpe hpya kau lu myit ga nga, nan lahkawng anhte hpe saw shaga myit dai n rai ni?,” ngu nna tsun ma ai.

TARA AGYI 15:6

Hpilisti masha ni gaw ndai amu hpe kadai wa galaw kau nu ai hpe san ma ai shaloi, Timna mare na katsa wa gaw Samson a madu jan hpe Samson a manang wa a lata de jaw ya wu ai majaw Samson gaw ndai amu hpe galaw kau nga nu ai hpe shanhte chye ma ai. Shaloi Hpilisti masha ni sa nna dai numsha hpe mung, kawa a nta hpe mung nat kau ya ma ai.

TARA AGYI 8:1

Dai hpang Ehprim masha ni gaw Gidon hpe, “Midian masha ni hpe nang sa gasat yang, anhte hpe hpa majaw n shaga n ta?,” ngu nna tsun ma ai. Dai lam a majaw shanhte ahkup ahka nga mat hkra aput shatsang ma ai.