TARA AGYI 11:8 - Jinghpaw Common Language Bible 2009

⁸ Shanhte gaw Yephta hpe, “Gilead mung masha ni yawng hpe woi awn let Amon masha ni hpe anhte hte rau pru sa nna htim gasat na matu nang hpe anhte ra ga ai majaw nang kaw ya anhte kayin sa wa ga ai,” ngu nna tsun ma ai.

Jinghpaw Hanson Version Bible

⁸ Gilead salang ni mung, “Dai majaw she anhte nang kaw bai du ra ga ai; anhte hte rau wa nna, Amon masha ni hpe gasat ga: shing rai, Gilead masha ni nlang a du wa tai ru,” ngu nna Yephta hpe htan mu ai.

TARA AGYI 11:8 ပူးပေါင်းရင်းမြစ်များ

1 HKAWHKAM 13:6

Hkawhkam Yeroboam gaw myihtoi wa hpe, “Chyeju hte dai Madu na a Karai Kasang kaw nye a matu akyu hpyi ya e; nye a lata lahpum hpe bai shamai ya na shi kaw hpyi nem ya e!,” ngu nna tsun wu ai. Shaloi myihtoi wa mung dai Madu kaw akyu hpyi ya wu ai rai nna hkawhkam wa a lata lahpum mai tsai mat wu ai.

PRU MAT 10:17

Ndai lang mi sha gaw nye a yubak hpe naw dat kau ya mi. Ndai si shangun lu ai ari hpe mung ngai kaw na yeng kau ya na matu nan a Karai Kasang kaw hpyi nem ya mi,” ngu nna tsun wu ai.

PRU MAT 8:28

Hkawhkam wa gaw, “Nanhte tsan tsan de n sa na myit dai rai yang chyawm gaw dai Madu nanhte a Karai Kasang hpe nam mali e hkungga nawng jau shangun na made ai; nye a matu mung hpyi nem ya mi,” ngu nna tsun wu ai.

PRU MAT 8:8

Hkawhkam wa gaw Mawshe yan Arun hpe shaga la nna, “Ndai shu ni hpe seng kau ya na matu dai Madu kaw hpyi nem ya mi, shaloi dai Madu hpe hkungga nawng jau lu na matu na a amyu masha ni hpe ngai dat dat ya na nngai,” ngu nna tsun wu ai.

PRU MAT 9:28

Dai Madu hpe hpyi nem ya mi! Anhte hta ndai mu hte sin marang hkrat ai gaw ram la nga sai. Nanhte hpe dat dat na matu, ngai ga sadi jaw nngai; dai rai nna nanhte gaw ndai yang e loi mi mung nga lu na myit dai n rai,” ngu nna tsun wu ai.

TARA AGYI 10:18

Dai yang e, Israela amyu masha ni hte amyu bawsang ni a ningbaw ni gaw langai hte langai hpe, “Amon masha ni hpe kadai wa woi awn nna htim gasat mayu myit ta? Gilead mung na masha nlang ni a ningbaw kadai tai na rai nga a ta?,” ngu nna san hkat ma ai.

TARA AGYI 11:9

Yephta gaw shanhte hpe, “Amon masha ni hpe gasat shamyit kau na matu nanhte ngai hpe dum nta de woi wa myit dai hte maren, dai Madu ngai hpe awng padang jaw ya ai rai yang nanhte a du ngai tai na we ai,” ngu nna tsun wu ai.