TARA AGYI 11:7 - Jinghpaw Common Language Bible 2009

⁷ Rai ti mung Yephta mahtang, “Nanhte ngai hpe n kam yu mat hkra n dawng n yawt myit dai hte nye wa nta kaw na pru mat wa na matu mung, ngai hpe shadut kau yu manit dai. Ya yak hkak jam jau hkrum jang she nanhte hpa majaw ngai kaw sa wa myit ni?,” ngu nna hkap htan wu ai.

Jinghpaw Hanson Version Bible

⁷ Yephta chyawm gaw, “Nanhte ngai e n tsaw n ra nna she, nye wa nta na shachyut kau myit dai n rai ni? ya, matsan tsin-yam hkrum yang me, ngai kaw sa ai gaw hpa rai ta?” ngu nna Gilead salang ni hpe htan wu ai.

TARA AGYI 11:7 ပူးပေါင်းရင်းမြစ်များ

NINGPAWT NINGHPANG 26:27

Dai rai nna Isak gaw, “Shawng de nanhte ngai hpe grai wa n hku hkau myit dai. Nanhte a mung kaw nna mung ngai hpe pru mat wa shangun manit dai mi, ya hpa lam a majaw nanhte ngai kaw du sa nga myit ni?,” ngu nna hkap san wu ai.

NINGPAWT NINGHPANG 37:27

Shi hpe mahtang ndai Ishmaela masha ni a lata de dut kau dat ga; shaloi anhte shi hpe hpa mung n machyi shangun ra nga ga ai; hpang jahtum dik dik tsun ga nga yang, shi gaw anhte a kanau rai nna anhte a ashan hte asai majing nan rai nga ai,” ngu nna tsun wu ai. Shi a kahpu kanau ni mung dai lam hpe myit hkrum ya mu ai.

GA SHAGAWP 17:17

Jinghku ni gaw tut nawng e, shanhte a tsaw ra myit hpe madun dan nga ma ai; ru yak tsin-yam hpe n chye garan hkam la ai rai yang, kaning re ai hpu nau ni daw hkat nga ga ta?

ESAIA 60:14

Nang hpe dip gamyet sha lai wa sai ni a aru arat ni gaw Shanhte a hkungga lara ai hpe madun na matu gum dagup na mara ai. Nang hpe lang mi n kaw n law di lai wa sai ni yawng na a lagaw nhpang e nawku na mara ai. Shanhte gaw nang hpe, ‘Dai Madu a Mare,’ ‘Ziun ngu ai, Israela a Chyoi Pra Ai Karai Kasang a Mare,’ ngu nna shaga na mara ai.

SHINGRAN 3:9

Yu u! Tinang dai Yuda masha rai ga ai nga ti mung Yuda n teng ai sha, Satan a hpung hta lawm ai dai masu ai ni hpe na a lagaw nhpang e ngai shanhte hpe sa naw dingnyawm shangun na mawe ai rai nna, ngai nang hpe tsaw ra nga ai gaw, shanhte chye lu na mara ai.

TARA AGYI 11:6

Shanhte gaw, “Amon masha ni hpe sa gasat lu myit ga, anhte hpe woi awn la mi,” ngu nna tsun ma ai.