TARA AGYI 11:4 - Jinghpaw Common Language Bible 2009

⁴ Aten ram ram na mat ai hpang, Amon masha ni gaw Israela masha ni hpe sa gasat ma ai.

Jinghpaw Hanson Version Bible

⁴ Ya tawng marang mi lai yang, Amon kashu kasha ni, Israela masha ni hpe hpyen gasat ma ai.

TARA AGYI 11:4 ပူးပေါင်းရင်းမြစ်များ

TARA AGYI 10:17

Dai hpang Amon hpyen luksuk gaw majan a matu ra ai amu ni hpe shajin shachyip da nhtawm Gilead mung e dap jung nga ma ai. Israela masha ni mung sa hpawng nna Gilead mung Mizpa e dap jung da ma ai.

TARA AGYI 10:18

Dai yang e, Israela amyu masha ni hte amyu bawsang ni a ningbaw ni gaw langai hte langai hpe, “Amon masha ni hpe kadai wa woi awn nna htim gasat mayu myit ta? Gilead mung na masha nlang ni a ningbaw kadai tai na rai nga a ta?,” ngu nna san hkat ma ai.

TARA AGYI 10:9

Amon masha ni gaw Yawdan hka rap nna Yuda, Benyamin hte Ehprim amyu bawsang ni hpe hkap gasat ma ai rai nna Israela masha ni tsin-yam tsindam kaba hkrum kau ma ai.

TARA AGYI 11:5

Dai majan byin ai shaloi, Gilead mung na ningbaw ni mahtang Toba mung na Yephta hpe bai sa woi la ma ai.

1 SAMUELA 11:1

Shata mi dang na ai hpang, Amon Hkawhkam Nahasha gaw shi a hpyen luksuk hpe woi nhtawm Gilead mung na Yabesha mare man de sa nna dai hpe wang da wu ai. Yabesha masha ni gaw Nahasha hpe, “Anhte hte myit hkrum ga shaka galaw tawn ga; shaloi nanhte gaw anhte a up hkang du ni rai nga myit dai ngu, anhte hkap la na ga ai,” ngu nna tsun ma ai.