TARA AGYI 11:3 - Jinghpaw Common Language Bible 2009

³ Yephta gaw shi a kahpu kanau ni kaw na hprawng mat wa nhtawm Toba mung e sa nga nga wu ai. Dai yang na pagawn para rai nga hkawm ai masha hpung mi hpe shi yu sharawng wu ai rai nna shanhte mung shi hte rau brak hkawm nga ma ai.

Jinghpaw Hanson Version Bible

³ Shaloi Yephta gaw kahpu kanau ni kaw na pru wa nna, Toba mung e nga nga ai: pagawn para re ai masha mung, shi kaw sa zup nna, shi kaw hkan nang ma ai.

TARA AGYI 11:3 ပူးပေါင်းရင်းမြစ်များ

2 SAMUELA 10:6

Amon masha ni gaw Dawi hpe shanhte a gumlau hpyen shatai kau nga masai hpe dum hprang wa ma yang, Berehoba hte Zoba mare na Suri hpyenla mun lahkawng, Toba mare na mun mi hkying lahkawng hte Mahka hkawhkam kaw na masha hkying mi saw la nga ma ai.

2 SAMUELA 10:8

Dai Amon masha ni mahtang pru sa wa nhtawm shanhte a mare daju ngu na Raba mare chyinghka lam e shara la da nga ma ai; kaga masha ni ngu na Suri masha ni hte Toba hte Mahka a masha ni chyawm gaw pa ga de shara la shajang nga ma ai.

KASA 17:5

Rai ti mung Yuda masha ni myit manawn ai majaw, mare lam hkan na akyu n rawng pagawn para re ai n hkru n kaja ai masha ni hpe saw la nhtawm shawa hpawng langai mi byin hkra shinggyin la nna mare ting hpe woi kabrawng shangun mu ai. Shanhte gaw Yasun a nta de shang nna Pawlu yan Sila hpe shawa hpawng a man de shapraw na hku tam ma ai.

TARA AGYI 11:2

dai ni kaba wa jang Yephta hpe nta kaw na pru mat wa na matu jawm shadut ma ai. Shanhte gaw shi hpe, “Nang gaw liknga kasha rai nga ndai majaw anhte a kawa kaw na sali wunli hpa mung hkam la lu na ndai n rai,” ngu nna tsun ma ai.

TARA AGYI 9:4

Shanhte gaw shi hpe Bala Ga Shaka htingnu kaw na gumhpraw sanit shi shaw ya dat ma ai rai nna gumhpraw dai hte shi matut mahkai na masha gumbyak hpung mi hpe saw la wu ai.

1 SAMUELA 22:2

Dip gamyet sha hkrum nga ai ni, hka kap ai ni hte myit karen ai masha ni shi kaw sa ma ai rai nna, masha yawng mali tsa daram rai nga ai; shi mung shanhte a ningbaw tai wa sai.

1 SAMUELA 27:2

Shaloi Dawi hte shi kaw hkan nang ai masha kru tsa hte gaw kalang lata rawt nna Mohka a kasha Gat Hkawhkam Ahkisha hpang de rap sa mat wa ma ai.