TARA AGYI 11:2 - Jinghpaw Common Language Bible 2009

² dai ni kaba wa jang Yephta hpe nta kaw na pru mat wa na matu jawm shadut ma ai. Shanhte gaw shi hpe, “Nang gaw liknga kasha rai nga ndai majaw anhte a kawa kaw na sali wunli hpa mung hkam la lu na ndai n rai,” ngu nna tsun ma ai.

Jinghpaw Hanson Version Bible

² Gilead a madu jan mung shadang sha shangai wu ai: dai shadang sha ni kaba wa jang, “Nang gaw lik nga kasha rai ndai majaw, anhte matu hta sali jawm dagraw lu na n rai,” ngu nna Yephta hpe shachyut kau mu ai.

TARA AGYI 11:2 ပူးပေါင်းရင်းမြစ်များ

NINGPAWT NINGHPANG 12:10

Rai ti mung Hkanan mung hta grai nga n manu ai hte hku hku wa ai rai nna, dingda maga Egutu mung e tawng marang mi sa shingbyi nga na matu Abram pru sa wa wu ai.

NINGPAWT NINGHPANG 21:10

Sara gaw shan hpe mu nna Abraham hpe, “Ndai mayam num hte shi a shadang sha hpe gawt kau u. Dai numsha a shadang sha gaw nye a shadang sha Isak hkam la ang ai na a sut gan sali wunli a daw chyen mi hpe pyi hkam la lu na n rai,” ngu nna tsun wu ai.

GA SHAGAWP 2:16

Hkalem ai ga hte nang hpe lau la na matu shakut ai n shawp ai num kadai kaw na rai ti mung,

GA SHAGAWP 5:20

Sha e, hpa majaw masha jan a tsawm htap ai hpe nang grau yu ra sharawng nga na rai ta? Hpa majaw kaga numsha hpe na a tsaw ra myit jaw ya ang nga a ni?

GA SHAGAWP 5:3

Kaga masha jan a nten gaw lagat ntsin zawn dwi nga nna, shi a pup manam ai gaw tsanlun sau zawn manen nga ai.

GALATI 4:30

Rai ti mung Chyum Laika gaw kaning nga tsun a ta? “Ndai mayam num hte shi a kasha hpe gawt shapraw kau u, hpa majaw nga yang, mayam num a kasha gaw mayam num n re ai jan a kasha hte rau kawa a sali kamhtaw hpe madu la lu na n rai,” nga nna tsun nga ai.

TARA JAHPRANG 23:2

“N-gyi ma rai ti mung, shing re ai masha hta ban shi du hkra pra hkrat wa ai matu mara ni kadai mung dai Madu a amyu masha hpawng hta lawm mai nga ma ai n rai.

TARA AGYI 11:1

Gilead mung na Yephta mying ai share shagan hpyenla langai mi gaw shawa num a kasha rai nga ai. Shi a kawa Gilead a madu jan hta kaga shadang sha ni mung lu wu ai rai nna,

TARA AGYI 11:3

Yephta gaw shi a kahpu kanau ni kaw na hprawng mat wa nhtawm Toba mung e sa nga nga wu ai. Dai yang na pagawn para rai nga hkawm ai masha hpung mi hpe shi yu sharawng wu ai rai nna shanhte mung shi hte rau brak hkawm nga ma ai.