TARA AGYI 11:18 - Jinghpaw Common Language Bible 2009

¹⁸ Dai hpang shanhte gaw nam mali hku ga sa wa let Moba mung a sinpraw maga, Arnon hka wora hkran de du hkra Edom hte Moba mung ni hpe gawai let hkawm sa wa ma ai. Dai yang hkan shanhte dap jung ma ai; rai ti mung dai shara gaw Moba a lamu ga jarit rai nga ai majaw Arnon hka hpe n rap ma ai.

Jinghpaw Hanson Version Bible

¹⁸ Dai hpang, nam mali lam ga sa wa let, Edom mung hte Moba mung hpe kawai nna, Moba mung a sinpraw maga garet wa nhtawm, Arnon hka wora hkran e dap jung ma ai: dai shaloi, Arnon hka gaw Moba mung a lamu ga jarit rai nga ai majaw, Moba mung de shanhte n kabye ma ai.

TARA AGYI 11:18 ပူးပေါင်းရင်းမြစ်များ

BU HKAWM 20:22

Israela shawa hpung ting gaw Kadesha kaw nna pru mat wa nhtawm Edom lamu ga jarit e nga ai Hora Bum de du ma ai.

BU HKAWM 22:36

Balam sa wa nga ai hpe Balak na wu ai shaloi, Moba mung a lamu ga jarit na Arnon hka makau nga ai Ara mare de shi hpe tau la na nga pru sa wa wu ai.

TARA JAHPRANG 2:18

Dai ni nanhte gaw Moba mung a lamu ga Ara mare lam hku ga lai mat wa na rai myit dai.

TARA JAHPRANG 2:24

“Anhte Moba mung hpe ga lai mat wa ai hpang, dai Madu gaw anhte hpe, ‘Ya chyawm gaw rawt hkawm sa wa manu, Arnon hka rap di manu. Amori masha Heshbon Hkawhkam Sihon hte hpawn shi a lamu ga, ngai nanhte a lata hta ap ya nga nngai; shi a lamu ga hpe madu la magang na matu shi hpe htim gasat magang mu.

TARA JAHPRANG 2:9

Dai Madu gaw ngai hpe, ‘Moba mung e nga ai Lawt a amyu matu mara ni hpe hkum sharu shatsang myit; shanhte hte majan hkum baw myit. Ara mare gaw ngai shanhte hpe jaw da mawe ai majaw shanhte a lamu ga lahpa mi hpe mung nanhte hpe ngai jaw na mawe ai n rai,’” ngu nna tsun wu ai.