TARA AGYI 11:13 - Jinghpaw Common Language Bible 2009

¹³ Amon hkawhkam gaw Yephta a kasa ni hpe, “Israela masha ni Egutu mung na pru wa ai shaloi, nye a lamu ga ngu na Arnon hka kaw nna Yabok hka hte Yawdan hka du hkra shanhte la kau ya mi ai. Ya chyawm gaw dai hpe angwi apyaw hte bai nhtang jaw ya mi,” ngu nna htan wu ai.

Jinghpaw Hanson Version Bible

¹³ Amon kashu kasha ni a hkawhkam wa gaw, “Israela masha ni Egutu mung na pru wa ai shaloi e, nye a lamu ga hpe Arnon hka na ran, Yabok hka hte Yawdan hka du hkra kashun la kau ya ai majaw di da we ai: lamu ga dai hpe angwi apyaw sha ya bai ya mi,” ngu nna Yephta kasa ni hpe htan dat wu ai.

TARA AGYI 11:13 ပူးပေါင်းရင်းမြစ်များ

NINGPAWT NINGHPANG 32:22

Dai shana e, Yaku rawt nna shi a madu jan lahkawng hte shingnan num yan hpe mung, shi a kasha shi langai hpe woi nna Yabok hka hpe rap ma ai.

GA SHAGAWP 19:5

Tara rung hta e, nang n teng n man ai sakse ga tsun yang, nang ari jaw ai hkrum na rin dai; dai hta na nang lawt lu na n rai.

GA SHAGAWP 19:9

Kadai mung, tara rung hta masu sakse hkam ai wa gaw mara ari jaw ai kaw nna lawt lu ai n rai; shi ari hkrum na sha rai sai.

TARA JAHPRANG 2:37

Rai ti mung dai Madu anhte a Karai Kasang anhte hpe n sa na matu hkang da ai dai Amon masha ni a lamu ga de mung, Yabok hka hkin-gau mayan, bum ga na mare kahtawng ni hte kaga shara ni de anhte n shani sa ga ai.

TARA JAHPRANG 3:16

Gilead mung kaw nna Arnon hka du hkra chyawm gaw Rubin hte Gad amyu bawsang ni hpe ngai ap ya se ai. Dai hka ka-ang hkren gaw dingda maga de na shanhte a lamu ga jarit rai nna dingdung maga de na jarit gaw Amon masha ni a lamu ga jarit rai nga ai Yabok hka htep rai nga ai.

TARA AGYI 11:12

Yephta gaw Amon hkawhkam hpang de kasa ni hpe shangun dat nhtawm, “Anhte hte hpa ra rawng nga a ta? Hpa majaw nang nye a mungdan hpe gasat la mayu n ta?,” ngu nna san wu ai.

TARA AGYI 11:14

Yephta gaw Amon hkawhkam hpang de kasa ni hpe bai shangun dat nhtawm,