TARA AGYI 11:10 - Jinghpaw Common Language Bible 2009

¹⁰ Shanhte mung, “Dai Madu gaw anhte a sakse tai nga u ga, anhte myit hkrum ya na ga ai,” ngu nna bai htan ma ai.

Jinghpaw Hanson Version Bible

¹⁰ Gilead salang ni mung, “Yehowa anhte a lapran e sakse tai nga u ga: gaja wa, nang tsun ai hte maren anhte galaw na ga ai,” ngu nna Yephta hpe bai tsun mu ai.

TARA AGYI 11:10 ပူးပေါင်းရင်းမြစ်များ

NINGPAWT NINGHPANG 16:5

Dai hpang Sarai gaw Abram hpe, “Ya Hagara ngai hpe n kaw n law di ai gaw na a mara rai lit ga. Ngai hkum nan na a lata hta shi hpe ap ya ni ai. Ya shi na-um nasin rai sai hpe shi chye ai hte ngai hpe n kaw n law di kau ni ai. An kadai mahtang teng man nga ai gaw nang hte ngai hpe dai Madu jeyang ya u ga!,” ngu nna tsun wu ai.

NINGPAWT NINGHPANG 21:23

Dai rai nna ngai hpe mung, nye a kashu kasha ni hte matu mara ni hpe mung, nang n masu hkalem kau ai sha, na a ntsa e ngai sadi dung lai wa ai zawn nang mung nye a ntsa hte ya nang shanu nga ai ndai mung a ntsa e mung, sadi dung nga na ga sadi ndai shara Karai Kasang a man e dagam da e,” ngu nna tsun wu ai.

NINGPAWT NINGHPANG 31:50

Laban mung matut nna, “Nye a shayi sha yan hpe nang n gawn n sawn di nna kaga numsha ni hpe la ai rai yang, shing re ai lam hpe ngai n chye lu tim, Karai Kasang an hpe azi yu nga ai hpe gaw, adum nga ga.

NINGPAWT NINGHPANG 31:53

Abraham a Karai Kasang hte Nahora a Karai Kasang gaw an a lapran e jeyang ya nu ga,” ngu nna tsun wu ai. Dai hpang Yaku gaw ndai ga sadi grin nga u ga, shi kawa Isak nawku ai Karai Kasang a mying nsang hte dagam shaka da wu ai.

PRU MAT 20:7

“Nye a mying ningsang hpe n hkru ai shatawng shada lam ni hta hkum lang et. Ngai gaw dai Madu na a Karai Kasang rai nga nngai majaw, nye a mying ningsang hpe n sawn n sang di ai wa kadai hpe mung ari jaw na we ai.

YEREMIA 29:23

Shanhte gaw hkrit hpa yubak ni rai nga ai numshaw ai amu hte dai Madu a amying gang let masu hkalem ga ni tsun ai mara ni a majaw, dai gaw shan a matu hpang jahtum na lam tai na mara ai. Dai amu gaw dai Madu a ra sharawng ai lam hte ninghtan shai nga ai; shan galaw sai amu hpe shi chye nga ai, shan hte ninghtan shai ai hta shi gaw sakse langai mi rai nga ai. Dai Madu nan dai ga tsun nu ai,” ngu nna tsun ai.

YEREMIA 42:5

Dai hpang, shanhte gaw ngai hpe, “Anhte a matu ngu nna dai Madu anhte a Karai Kasang nang hpe htet da ai hkang da ai lam yawng mayawng hte hpe anhte n madat n mara ai rai yang, dai Madu gaw anhte hta teng man ai hte kangka ai sakse tai nga u ga.

MIHKA 1:2

Masha amyu baw ni yawng hte e, ndai lam na la mu; Ginding aga ntsa e nga ai ni yawng hte e, ndai lam madat la mu! Tsaw Htum ai dai Madu gaw nanhte hpe sakse madun na ra ai. Madat mu! Shi gaw shi a sumsing htingnu kaw nna mungga tsun nga ai.

ZEHKARIA 5:4

Chyahtum Chyalai N-gun rawng ai dai Madu gaw ndai dagam dala ga hpe shapraw dat na lam tsun wu ai; dai gaw lagu ai masha shagu a nta de dagam let masu magaw ga tsun ai masha shagu a nta de shang na mara ai. Dai gaw shanhte a nta hta naw ngam nga nna shanhte hpe jahten sharun tawn na mara ai,” ngu nna tsun ai.

MALAHKI 3:5

Chyahtum Chyalai N-gun rawng ai dai Madu gaw, “Nanhte hpe tara jeyang na matu ngai du sa nna shaba wawt ai ni, numshaw lashaw ai ni, masu let dagam ai ni bungli galaw masha ni a shabrai masu hkalem sha ai ni, gaida ni, jahkrai nmai ni hte maigan masha ni hpe zai hku nna roi rip ai ni hte ngai hpe n hkrit hkungga ai ni hpe kalang dat ngai sakse tai na nngai,” ngu tsun ai.

ROMA 1:9

Ngai tsun ai ga teng man nga ai gaw nye a myit kraw lawang mahkra hte shi a Kasha a Kabu Gara Shiga a lam hkaw tsun ai hte ngai daw jau nga ai Karai Kasang nan nye a sakse rai nga ai.

2 KORINHTU 11:31

Ngai masu magaw ga n tsun ai gaw Madu Yesu a Kawa Karai Kasang chye nga ai. Dai Madu Karai Kasang a mying ningsang gaw tut nawng a nga u ga law!

TARA JAHPRANG 1:16

“Dai aten hta, ngai shanhte hpe, ‘Nanhte a amyu masha ni hta na pru wa ai ga li ga law, ndang kalang, gasat ningjet ai amu ni hpe madat ya mu. Dai zawn re ai ndang kalang, gasat ningjet ai gaw nanhte a amyu masha ni hte sha seng nga ai; nanhte hta hkan shanu nang nga ai maigan masha ni hte seng nga ai rai ti mung, dai amu shagu hpe rap ra ai tara hte jeyang ya nga mu.

TARA AGYI 11:9

Yephta gaw shanhte hpe, “Amon masha ni hpe gasat shamyit kau na matu nanhte ngai hpe dum nta de woi wa myit dai hte maren, dai Madu ngai hpe awng padang jaw ya ai rai yang nanhte a du ngai tai na we ai,” ngu nna tsun wu ai.

1 SAMUELA 12:5

Samuela chyawm gaw, “Ngai hta tsep kawp mara n kap nga ai hpe nanhte mu manit dai rai nna dai Madu hte shi lata san da nu ai hkawhkam yan gaw dai ni na nhtoi hta sakse tai nga manu ga,” ngu nna htang tsun wu ai. Shanhte mung, “Rai sa, dai Madu gaw anhte a sakse rai nga ai,” ngu nna htan ma ai.

1 SAMUELA 24:12

Dai Madu gaw an hta na shut ai wa hpe jeyang nga u ga! Ngai nang hpe dik dik n machyi jahkrum na rai nga nngai majaw ngai hte hpai shai hkra nang galaw ai amu a matu chyawm gaw shi nang hpe ari jaw u ga.