TARA AGYI 10:7 - Jinghpaw Common Language Bible 2009

⁷ Dai rai nna Israela masha ni hpe dai Madu masin pawt wu ai rai nna Hpilisti hte Amon ni a lata de shanhte hpe ap kau wu ai.

Jinghpaw Hanson Version Bible

⁷ Dai majaw Yehowa Israela amyu hpe pawt bu nna, Hpilisti masha ni a lata hta mung, Amon masha ni a lata hta mung, shanhte hpe dut kau mu ai.

TARA AGYI 10:7 ပူးပေါင်းရင်းမြစ်များ

SHAKAWN KUNGDAWN 44:12

Na a amyu masha ni gaw manu kachyi mi sha dan nga ai ni hpe zawn nang shanhte hpe manu kachyi mi hte sha dut kau nga nit dai.

SHAKAWN KUNGDAWN 74:1

O Karai Kasang e, nang anhte hpe hpa rai ndai zawn kau da nga n ta? Na a amyu masha ni hpe htani htana masin pawt nga na ngu nga n ta?

ESAIA 50:1

Dai Madu gaw, “Lasha gaw shi a madu jan hpe jahka kau ai zawn, ngai gaw nye a amyu masha ni hpe jahka kau ni ai ngu, nang myit nawn n ni? Dai rai yang, dinghku jahka ai laika ni kanang rai nga a ta? Lasha gaw shi a kashu kasha ni hpe mayam hku dut kau ai zawn ngai mung nang hpe bawng dung na matu dut kau nga nngai ngu myit nawn da wu ni? N rai law, nang galaw ai yubak mara ni a majaw nang bawng dung hkrum nga ndai; nang galaw ai ru hka amu ni a majaw na a kanu gaw gawt shapraw kau hkrum nga ai.

NAHUM 1:2

Madu Karai Kasang gaw shingjawng kashun ai amu hpe hkam sharang ai n rai; shi gaw shi hte ninghtan shai ai ni hpe ari jaw nga ai. Shi a masin kahtet ai a majaw, shanhte hpe matai htang nga ai.

NAHUM 1:6

Shi pawt sindawng ai shaloi, kadai hkrung nga lu a ta? Shi a hkrithpa masin kahtet ai a majaw, kadai hkrung lu nga a ta? Shi gaw agrung nga ai shi masin kahtet ai hpe ru bun nga ai; shi a man e, lunghkrung ni ga nhpu zawn agrawp mani mat nga ai.

TARA AGYI 10:8

Shanhte gaw Yawdan hka sinpraw hkran na Gilead mung Amori masha ni a lamu ga hta wa nga ai Israela masha ni yawng hpe shi matsat ning tup dip gamyet sha let zingri zingrat di da ma ai.

TARA AGYI 13:1

Israela masha ni dai Madu hpe bai shut hpyit kau ma ai rai nna, shi gaw Hpilisti masha ni hpe shaning mali shi ning tup up hkang shangun wu ai.

TARA AGYI 2:14

Shing rai dai Madu gaw Israela hpe masin yu kahtet wu ai majaw shanhte hpe htim gasat nna kashun kashe di nhtawm hpya kau na ni a lata hta ap ya kau wu ai. Shi gaw shanhte hpe grup yin na masha hpyen ni a lata de ap kau ya wu ai majaw Israela masha ni shanhte hkum hpe loi mi pyi n makawp maga la lu na rai ma ai.

TARA AGYI 4:2

Dai rai nna dai Madu gaw shanhte hpe Hazora e hkaw dung ai Hkanani Hkawhkam Yabin a lata de ap kau wu ai. Shi a luksuk hpyen du gaw maigan amyu ni a Haroshet mare hta nga ai Sisera rai nga ai.

TARA AGYI 6:1

Israela amyu masha ni gaw dai Madu hpe lang mi bai yubak mara galaw shut kau ma ai rai nna shi gaw Midian masha ni hpe sanit ning up hkang shangun wu ai.