TARA AGYI 10:18 - Jinghpaw Common Language Bible 2009

¹⁸ Dai yang e, Israela amyu masha ni hte amyu bawsang ni a ningbaw ni gaw langai hte langai hpe, “Amon masha ni hpe kadai wa woi awn nna htim gasat mayu myit ta? Gilead mung na masha nlang ni a ningbaw kadai tai na rai nga a ta?,” ngu nna san hkat ma ai.

Jinghpaw Hanson Version Bible

¹⁸ Shaloi Gilead mung na du ni bawng ma ai gaw, “Amon masha ni hpe gasat na woi awn mayu ai wa kadai rai ta? Dai wa gaw Gilead masha ni nlang a du tai u ga,” nga nna shada tsun ma ai.

TARA AGYI 10:18 ပူးပေါင်းရင်းမြစ်များ

ESAIA 34:12

Dai mung hpe up na hkawhkam nga na n rai, ningbaw ni yawng hkoi mat na mara ai.

TARA AGYI 1:1

Yawshu si mat ai hpang Israela amyu masha ni gaw dai Madu hpe, “Anhte a amyu bawsang ni hta na kadai mahtang Hkanani masha ni hpe shawng sa gasat ang na ga ta?,” ngu nna san ma ai.

TARA AGYI 10:17

Dai hpang Amon hpyen luksuk gaw majan a matu ra ai amu ni hpe shajin shachyip da nhtawm Gilead mung e dap jung nga ma ai. Israela masha ni mung sa hpawng nna Gilead mung Mizpa e dap jung da ma ai.

TARA AGYI 11:1

Gilead mung na Yephta mying ai share shagan hpyenla langai mi gaw shawa num a kasha rai nga ai. Shi a kawa Gilead a madu jan hta kaga shadang sha ni mung lu wu ai rai nna,

TARA AGYI 11:11

Yephta mung Gilead ningbaw ni hte rau wa wu ai; mung masha ni mung shi hpe shanhte a du hte ningbaw tai shangun ma ai. Yephta mung shi a lam nlang Mizpa shara, dai Madu a man e tsun dan wu ai.

TARA AGYI 11:4

Aten ram ram na mat ai hpang, Amon masha ni gaw Israela masha ni hpe sa gasat ma ai.

TARA AGYI 12:7

Yephta gaw Israela hpe kru ning tup woi awn wu ai. Dai hpang shi si mat nna Gilead mung shi a nta buga hta lup makoi da ma ai.

1 SAMUELA 17:25

Shanhte langai hte langai gaw, “Shi hpe yu yu mu! Shi a grang dakat ai ga madat yu mu! Shi hpe sat lu ai wa hpe kumhpa kaba jaw na ngu na mung, shi a shayi sha hpe hkungran la shangun na ngu nna mung, dai wa a kawa a dinghku masha ni ahkun hkanse lawt lu na lam mung, Hkawhkam Shawlu ga sadi tawn da nu ai,” ngu nna tsun hkat ma ai.