TARA AGYI 10:17 - Jinghpaw Common Language Bible 2009

¹⁷ Dai hpang Amon hpyen luksuk gaw majan a matu ra ai amu ni hpe shajin shachyip da nhtawm Gilead mung e dap jung nga ma ai. Israela masha ni mung sa hpawng nna Gilead mung Mizpa e dap jung da ma ai.

Jinghpaw Hanson Version Bible

¹⁷ Ya Amon kashu kasha ni gaw jawm hpawng na Gilead mung e dap jung nga ma ai. Israela kashu kasha ni mung hpawng nna, Mizpa shara e dap jung ma ai.

TARA AGYI 10:17 ပူးပေါင်းရင်းမြစ်များ

NINGPAWT NINGHPANG 31:49

Laban mung Yaku hpe, “Anhte shada da hka mat wa yang, dai Madu anhte hpe ayu nga u ga law,” ngu nna tsun wu ai. Dai shara hpe Mizpa ngu nna shamying mu ai.

YAWSHU 13:26

Amon mung chyen mi, Heshbon kaw nna Ramat Mizpa hte Betonim du hkra, Mahanim kaw nna Lodeba jarit du hkra rai nga ai.

TARA AGYI 10:18

Dai yang e, Israela amyu masha ni hte amyu bawsang ni a ningbaw ni gaw langai hte langai hpe, “Amon masha ni hpe kadai wa woi awn nna htim gasat mayu myit ta? Gilead mung na masha nlang ni a ningbaw kadai tai na rai nga a ta?,” ngu nna san hkat ma ai.

TARA AGYI 11:11

Yephta mung Gilead ningbaw ni hte rau wa wu ai; mung masha ni mung shi hpe shanhte a du hte ningbaw tai shangun ma ai. Yephta mung shi a lam nlang Mizpa shara, dai Madu a man e tsun dan wu ai.

TARA AGYI 11:29

Shaloi dai Madu a wenyi gaw Yephta a ntsa e du nna Gilead hte Manashe mung hku ga lai mat wa nhtawm Gilead mung na Mizpa mare de nhtang wa let Amon mung de sa wa wu ai.

TARA AGYI 11:34

Yephta gaw shi a dum nta nga ai Mizpa mare de nhtang wa wu yang, dai yang e shi a shayi sha shup sheng dum let ka manawt nhtawm shi hpe hkap tau la na nga, pru sa wa nga ai. Dai numsha gaw shayi sha shingtai rai nga ai.

TARA AGYI 11:4

Aten ram ram na mat ai hpang, Amon masha ni gaw Israela masha ni hpe sa gasat ma ai.

TARA AGYI 11:6

Shanhte gaw, “Amon masha ni hpe sa gasat lu myit ga, anhte hpe woi awn la mi,” ngu nna tsun ma ai.

1 SAMUELA 7:5

Dai hpang, Mizpa shara e jawm hkrum na matu Israela masha ni yawng hpe Samuela hkang dat nhtawm, “Dai yang e nanhte a matu dai Madu kaw ngai akyu hpyi ya na nngai,” ngu nna tsun wu ai.